ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๐ ภาษาบาลี อักษรไทย ม.อ. (ปปญฺจ.๔)

หน้าที่ ๒๘.

      โย ปน ธมฺมสฺสวเน สงฺฆุฏฺเฐ สกฺกจฺจํ น คจฺฉติ, สกฺกจฺจํ ธมฺมํ น
สุณาติ, นิทฺทายติ สลฺลเปนฺโต วา นิสีทติ, สกฺกจฺจํ น คณฺหาติ น ธาเรติ,
"กึ ธมฺเม อคารวํ กโรสี"ติ วุตฺเต "ตุณฺหี โหหิ, ธมฺโม ธมฺโมติ วทสิ, ๑-
กึ ธมฺโม นามา"ติ วทติ, อยํ ธมฺเม อคารโว นาม.
      โย ปน เถเรน ภิกฺขุนา อนชฺฌิฏฺโฐ ธมฺมํ เทเสติ, นิสีทติ ปญฺหํ
กเถติ, วุฑฺเฒ ภิกฺขู ฆฏฺเฏนฺโต คจฺฉติ, ติฏฺฐติ นิสีทติ, ทุสฺสปลฺลตฺถิกํ วา
หตฺถปลฺลตฺถิกํ วา กโรติ, สํฆมชฺเฌ อุโภ อํเส ปารุปติ, ฉตฺตุปาหนํ ธาเรติ,
"ภิกฺขุสํฆสฺส ลชฺชิตุํ วฏฺฏตี"ติ วุตฺเตปิ "ตุณฺหี โหหิ, สํโฆ สํโฆติ วทสิ, กึ
สํโฆ, มิคสงฺโฆ อชสงฺโฆติอาทีนิ วทติ, อยํ สํเฆ อคารโว นาม. เอกภิกฺขุสฺมิมฺปิ
หิ อคารเว กเต สํเฆ กโตเยว โหติ. ติสฺโส สิกฺขา ปน อปริปูรยมาโนว
สิกฺขาย น ปริปูรการี ๒- นาม.
      อชฺฌตฺตํ วาติ อตฺตนิ วา อตฺตโน ปริสาย วา. พหิทฺธา วาติ ปรสฺมึ
วา ปรสฺส ปริสาย วา.
      [๔๖] อิทานิ อยํ ฉ ฐานานิ นิสฺสาย อุปฺปนฺนวิวาโท วฑฺเฒนฺโต ยานิ
อธิกรณานิ ปาปุณาติ, ตานิ ทสฺเสตุํ จตฺตาริมานีติอาทิมาห. ตตฺถ วูปสมนตฺถาย
ปวตฺตมาเนหิ สมเถหิ อธิกาตพฺพานีติ อธิกรณานิ. วิวาโทว ตํ อธิกรณํ จ
วิวาทาธิกรณํ. อิตเรสุปิ เอเสว นโย.
      อิทานิ อิมานิปิ จตฺตาริ อธิกรณานิ ปตฺวา อุปริ วฑฺเฒนฺโต โสปิ
วิวาโท เยหิ สมเถหิ วูปสมฺมติ, เตสํ ทสฺสนตฺถํ สตฺต โข ปนิเมติอาทิมาห.
ตตฺถ อธิกรณานิ สเมนฺติ วูปสเมนฺตีติ อธิกรณสมถา. อุปฺปนฺนุปฺปนฺนานนฺติ
อุปฺปนฺนานํ อุปฺปนฺนานํ. อธิกรณานนฺติ เอเตสํ วิวาทาธิกรณาทีนํ จตุนฺนํ.
สมถาย วูปสมายาติ สมนตฺถญฺเจว วูปสมนตฺถญฺจ. สมฺมุขาวินโย ทาตพฺโพฯเปฯ
ติณวตฺถารโกติ อิเม สตฺต สมถา ทาตพฺพา.
      ตตฺรายํ วินิจฺฉยกถา:- อธิกรเณสุ ตาว ธมฺโมติ วา อธมฺโมติ วาติ
อฏฺฐารสหิ วตฺถูหิ วิวทนฺตานํ ภิกฺขูนํ โย วิวาโท, อิทํ วิวาทาธิกรณํ นาม.
@เชิงอรรถ:  สี., ก. วทสิ, เอวมุปริปิ                  สี., ม., ก. อคารโว



เนื้อความอรรถกถาฉบับภาษาบาลี อักษรไทย เล่มที่ ๑๐ หน้าที่ ๒๘. http://84000.org/tipitaka/read/attha_page.php?book=10&page=28&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=10&A=700&modeTY=2&pagebreak=1 http://84000.org/tipitaka/atthapali/th_line.php?B=10&A=700&modeTY=2&pagebreak=1#p28


จบการแสดงผล หน้าที่ ๒๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]