ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๑ ภาษาบาลี อักษรไทย สํ.อ. (สารตฺถ.๑)

หน้าที่ ๒๑๙.

                         ๗. สุทฺธิกสุตฺตวณฺณนา
        [๑๙๓] สตฺตเม สุทฺธิกภารทฺวาโชติ อยํปิ ภารทฺวาโชว, สุทฺธิกปญฺหสฺส
ปน ปุจฺฉิตตฺตา สงฺคีติกาเรหิ เอวํ วุตฺโต. สีลวาปิ ตโปกรนฺติ สีลสมฺปนฺโนปิ
ตโปกมฺมํ กโรนฺโต. วิชฺชาจรณสมฺปนฺโนติ เอตฺถ วิชฺชาติ ตโย เวทา.
จรณนฺติ โคตฺตจรณํ. โส สุชฺฌติ น อญฺญา อิตรา ปชาติ โส เตวิชฺโช
พฺราหฺมโณ สุชฺฌติ, อยํ ปน อญาณมิตปชา ๑- น สุชฺฌตีติ วทติ. พหุมฺปิ ปลปํ
ชปฺปนฺติ พหุํปิ  ปลปํ ชปฺปนฺโต, "พฺราหฺมโณว สุชฺฌตี"ติ เอวํ วจนสหสฺสํปิ
ภณนฺโตติ อตฺโถ. อนฺโต กสมฺพูติ อนฺโต กิเลสปูติสภาเวน ปูติโก. สงฺกิลิฏฺโฐติ
กิลิฏฺเฐหิ กายกมฺมาทีหิ สมนฺนาคโต. สตฺตมํ.
                         ๘. อคฺคิกสุตฺตวณฺณนา
        [๑๙๔] อฏฺฐเม อคฺคิกภารทฺวาโชติ อยํปิ ภารทฺวาโช, อคฺคิปริจรณวเสน
ปนสฺส สงฺคีติกาเรหิ เอตํ นามํ คหิตํ. สนฺนิหิโต โหตีติ สํโยชิโต โหติ.
อฏฺฐาสีติ กสฺมา ตตฺถ อฏฺฐาสิ? ภควา กิร ปจฺจูสสมเย โลกํ โอโลเกนฺโต อิมํ
พฺราหฺมณํ ทิสฺวา จินฺเตสิ  "อยํ พฺราหฺมโณ เอวรูปํ อคฺคปายาสํ คเหตฺวา
`มหาพฺรหฺมานํ โภเชมี'ติ ๒- อคฺคิมฺหิ ฌาเปนฺโต    อผลํ กโรติ อปายมคฺคํ
โอกฺกมติ, อิมํ ลทฺธึ อวิสฺสชฺเชนฺโต อปายปูรโกว ภวิสฺสติ, คจฺฉามิสฺส
ธมฺมเทสนาย มิจฺฉาทิฏฺฐึ ภินฺทิตฺวา ปพฺพาเชตฺวา จตฺตาโร มคฺเค เจว จตฺตาริ
จ ผลานิ เทมี"ติ, ตสฺมา ปุพฺพณฺหสมเย ราชคหํ ปวิสิตฺวา ตตฺถ อฏฺฐาสิ.
        ตีหิ วิชฺชาหีติ ตีหิ เวเทหิ. ชาติมาติ ยาว สตฺตมา ปิตามหยุคา
ปริสุทฺธาย ชาติยา สมนฺนาคโต. สุตวา พหูติ พหู นานปฺปกาเร คนฺเถ สุตวา.
โสมํ ภุญฺเชยฺยาติ โส เต วิชฺโช พฺราหฺมโณ อิมํ ปายาสํ ภุญฺชิตุํ ยุตฺโต,
ตุมฺหากํ ปเนส ปายาโส อยุตฺโตติ วทติ.
       เวทีติ ปุพฺเพนิวาสญาเณน ชานิ ๓- ปฏิวิชฺฌิ. สคฺคาปายนฺติ ทิพฺเพน
จกฺขุนา สคฺคํปิ อปายํปิ ปสฺสติ. ชาติกฺขยนฺติ อรหตฺตํ. อภิญฺญาโวสิโตติ
@เชิงอรรถ:  ฉ.ม., อิ. นามิกา  ปชา, ม. อญฺญาณมิคา    สี. โภเชสฺสามีติ, อิ. โภเชสฺสมีติ
@ สี. ชาตึ



เนื้อความอรรถกถาฉบับภาษาบาลี อักษรไทย เล่มที่ ๑๑ หน้าที่ ๒๑๙. http://84000.org/tipitaka/read/attha_page.php?book=11&page=219&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=11&A=5681&modeTY=2&pagebreak=1 http://84000.org/tipitaka/atthapali/th_line.php?B=11&A=5681&modeTY=2&pagebreak=1#p219


จบการแสดงผล หน้าที่ ๒๑๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]