ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๒ ภาษาบาลี อักษรไทย สํ.อ. (สารตฺถ.๒)

หน้าที่ ๘๐.

ตสฺมา "นาปิ อญฺเญสนฺ"ติ อาห. ปุราณมิทํ ภิกฺขเว กมฺมนฺติ นยิทํ
ปุราณกมฺมาภินิพฺพตฺโต ปเนส กาโย, ตสฺมา ปจฺจยโวหาเรน เอวํ วุตฺโต.
อภิสงฺขตนฺติอาทิ กมฺมโวหารสฺเสว วเสน ปุริมลิงฺคภาวกตาย ๑- วุตฺตํ, อยํ ปเนตฺถ
อตฺโถ:- อภิสงฺขตนฺติ ปจฺจเยหิ กโตติ ทฏฺฐพฺโพ. อภิสญฺเจตยิตนฺติ เจตนาวตฺถุโก
เจตนามูลโกติ ทฏฺฐพฺโพ. เวทนิยนฺติ ๒- เวทนาย วตฺถูติ ๓- ทฏฺฐพฺโพ. สตฺตมํ.
                        ๘. เจตนาสุตฺตวณฺณนา
    [๓๘] อฏฺฐเม ยญฺจ ภิกฺขเว เจเตตีติ ยํ เจตนํ เจเตติ, ปวตฺเตตีติ
อตฺโถ. ยญฺจ ปกปฺเปตีติ ยํ ปกปฺปนํ ปกปฺเปติ, ปวตฺเตติจฺเจว อตฺโถ. ยญฺจ
อนุเสตีติ ยญฺจ อนุสยํ อนุเสติ, ปวตฺเตติจฺเจว อตฺโถ. เอตฺถ จ เจเตตีติ
เตภูมิกกุสลากุสลเจตนา ๔- คหิตา, ปกปฺเปตีติ อฏฺฐสุ โลภสหคตจิตฺเตสุ
ตณฺหาทิฏฺฐิกปฺปา คหิตา, อนุเสตีติ ทฺวาทสนฺนํ เจตนานํ สหชาตโกฏิยา เจว
อุปนิสฺสยโกฏิยา จ อนุสโย คหิโต. อารมฺมณเมตํ โหตีติ เอตํ เจตนาทิธมฺมชาตํ
ปจฺจโย โหติ. ปจฺจโย หิ อิธ อารมฺมณนฺติ อธิปฺเปโต. วิญฺญาณสฺส ฐิติยาติ
กมฺมวิญฺญาณสฺส ฐิตตฺถํ. อารมฺมเณ สตีติ ตสฺมึ ปจฺจเย สติ. ปติฏฺฐา
วิญฺญาณสฺส โหตีติ ตสฺส กมฺมวิญฺญาณสฺส ปติฏฺฐา โหติ. ตสฺมึ ปติฏฺฐิเต
วิญฺญาเณติ ตสฺมึ กมฺมวิญฺญาเณ ปติฏฺฐิเต. วิรุเฬฺหติ กมฺมํ ชิราเปตฺวา ๕-
ปฏิสนฺธิอากฑฺฒนสมตฺถตาย นิพฺพตฺติมูเล ๖- ชาเต. ปุนพฺภวาภินิพฺพตฺตีติ
ปุนพฺภวสงฺขาตา อภินิพฺพตฺติ.
    โน จ  ๗- ภิกฺขเว เจเตตีติ อิมินา เตภูมิกเจตนาย อปฺปวตฺตกฺขโณ ๘-
วุตฺโต. โน จ ๗- ปกปฺเปตีติ อิมินา ตณฺหาทิฏฺฐิกปฺปานํ อปฺปวตฺตกฺขโณ. ๘-
@เชิงอรรถ:  ฉ.ม. ปุริมลิงฺคสภาคตาย        สี. เวทยิตนฺติ
@ ฉ.ม.,อิ. เวทนิยวตฺถูติ         สี. เตภูมกกุสลเจตนา
@ ฉ.ม.,อิ. ชวาเปตฺวา          ฉ.ม.,อิ. นิพฺพตฺตมูเล
@ ฉ.ม.,อิ. เจ                ฉ.ม.,อิ. อปฺปวตฺตนกฺขโณ



เนื้อความอรรถกถาฉบับภาษาบาลี อักษรไทย เล่มที่ ๑๒ หน้าที่ ๘๐. http://84000.org/tipitaka/read/attha_page.php?book=12&page=80&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=12&A=1780&modeTY=2&pagebreak=1 http://84000.org/tipitaka/atthapali/th_line.php?B=12&A=1780&modeTY=2&pagebreak=1#p80


จบการแสดงผล หน้าที่ ๘๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]