อรรถกถาเล่มที่ ๑๓ หน้าที่ ๒๘๖.

สาวโก พุทฺธานํ จิตฺตจารํ ชานิตุํ น สกฺโกติ, เอวํ อปฺปเมยฺยา ตถาคตา"ติ จินฺเตนฺตานํ ยา ตถาคเต กงฺขา วา วิมติ วา, สา ปหียิสฺสติ. ^๑- ๓. จุนฺทสุตฺตวณฺณนา [๓๗๙] ตติเย มคเธสูติ เอวํนามเก ชนปเท. นาฬกคามเกติ ราชคหสฺส อวิทูเร อตฺตโน กุลสนฺตเก เอวํนามเก คาเม. จุนฺโท สมณุทฺเทโสติ อยํ เถโร ธมฺมเสนาปติสฺส กนิฏฺภาติโก, ตํ ภิกฺขู อนุปสมฺปนฺนกาเล "จุนฺโท สมณุทฺเทโส"ติ สมุทาจริตฺวา เถรกาเลปิ ตเถว สมุทาจรึสุ. เตน วุตฺตํ "จุนฺโท สมณุทฺเทโส"ติ. อุปฏฺาโก โหตีติ มุโขทกทนฺตกฏฺทาเนน เจว ปริเวณสมฺมชฺชนปิฏฺิปริกมฺมกรณปตฺตจีวรคฺคหเณน จ อุปฏฺานกโร โหติ. ปรินิพฺพายีติ อนุปาทิเสสาย นิพฺพานธาตุยา ปรินิพฺพุโต. กตรสฺมึ กาเลติ? ภควโต ปรินิพฺพานสํวจฺฉเร. ตตฺรายํ อนุปุพฺพิกถา:- ภควา กิร วุตฺถวสฺโส เวฬุวคามโต นิกฺขมิตฺวา "สาวตฺถึ คมิสฺสามี"ติ อาคตมคฺเคเนว ปฏินิวตฺเตนฺโต อนุปุพฺเพน สาวตฺถึ ปตฺวา เชตวนํ ปาวิสิ. ธมฺมเสนาปติ ภควโต วตฺตํ ทสฺเสตฺวา ทิวาฏฺานํ คโต, โส ตตฺถ อนฺเตวาสิเกสุ วตฺตํ ทสฺเสตฺวา ปฏิกฺกนฺเตสุ ทิวาฏฺานํ สมฺมชฺชิตฺวา จมฺมขณฺฑํ ปญฺาเปตฺวา ปาเท ปกฺขาเลตฺวา ปลฺลงฺกํ อาภุชิตฺวา ผลสมาปตฺตึ ปาวิสิ. อถสฺส ยถา ปริจฺเฉเทน ^๒- ตโต วุฏฺิตสฺส อยํ ปริวิตกฺโก อุทปาทิ "พุทฺธา นุ โข ปมํ ปรินิพฺพายิสฺสนฺติ, ^๓- อุทาหุ อคฺคสาวกา"ติ, ตโต "อคฺคสาวกา ปมนฺ"ติ ตฺวา อตฺตโน อายุสงฺขารํ โอโลเกสิ. โส "สตฺตาหเมว เม อายุสงฺขารา ปวตฺติสฺสนฺตี"ติ ตฺวา "กตฺถ ปรินิพฺพายามี"ติ จินฺเตสิ. @เชิงอรรถ: ^๑ ฉ.ม. ปหียิสฺสตีติ ^๒ ม. อทฺธาปริจฺเฉเทน ^๓ ฉ.ม. ปรินิพฺพายนฺติ

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๒๘๖. http://84000.org/tipitaka/read/attha_page.php?book=13&page=286&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=6240&pagebreak=1 http://84000.org/tipitaka/atthapali/th_line.php?B=13&A=6240&pagebreak=1#p286