อรรถกถาเล่มที่ ๑๔ หน้าที่ ๑๑๒.

๑๔. เอตทคฺควคฺค ๑. ปฐมวคฺค เอตทคฺคปทวณฺณนา [๑๘๘] เอตทคฺเคสุ ปฐมวคฺคสฺส ปฐเม เอตทคฺคนฺติ เอตํ อคฺคํ. เอตฺถ จ อยํ อคฺคสทฺโท อาทิโกฏิโกฏฺฐาสเสฏฺเฐสุ ทิสฺสติ. "อชฺชตคฺเค สมฺม โทวาริก อาวรามิ ทฺวารํ นิคณฺฐานํ นิคณฺฐีนนฺ"ติอาทีสุ ^๑- หิ อาทิมฺหิ ทิสฺสติ. "เตเนว องฺคุลคฺเคน ตํ องฺคุลคฺคํ ปรามเสยฺย, ^๒- อุจฺฉุคฺคํ เวฬุคฺคนฺ"ติอาทีสุ โกฏิยํ. "อมฺพิลคฺคํ วา มธุรคฺคํ วา ติตฺตคฺคํ วา, ^๓- อนุชานามิ ภิกฺขเว วิหารคฺเคน วา ปริเวณคฺเคน วา ภาเชตุนฺ"ติอาทีสุ ^๔- โกฏฺฐาเส. "ยาวตา ภิกฺขเว สตฺตา อปทา วา ฯเปฯ ตถาคโต เตสํ อคฺคมกฺขายตี"ติอาทีสุ ^๕- เสฏฺเฐ. สฺวายมิธ โกฏิยํปิ วฏฺฏติ เสฏฺเฐปิ. เต หิ เถรา อตฺตโน อตฺตโน เสฏฺฐฏฺฐาเน ^๖- โกฏิภูตาติ อคฺคา เสฏฺฐภูตาติปิ. ตสฺมา เอตทคฺคนฺติ เอสา โกฏิ เอโส เสฏฺโฐติ อยเมตฺถ อตฺโถ. เอเสว นโย สพฺพสุตฺเตสุ. อยญฺจ เอตทคฺเค สนฺนิกฺเขโป นาม จตูหิ การเณหิ ลพฺภติ อตฺถุปฺปตฺติโต อาคมนโต จิณฺณวสิโต คุณาติเรกโตติ. เอตฺถ โกจิ เถโร เอเกน การเณน เอตทคฺคฏฺฐานํ ลภติ, โกจิ ทฺวีหิ, โกจิ ตีหิ, โกจิ สพฺเพเหว จตูหิปิ อายสฺมา สาริปุตฺตตฺเถโร วิย. โส หิ อตฺถุปฺปตฺติโตปิ มหาปญฺญตาย เอตทคฺคฏฺฐานํ ลภิ อาคมนาทีหิปิ. กถํ? เอกสฺมึ หิ สมเย สตฺถา เชตวนมหาวิหาเร วิหรนฺโต คณฺฑามฺพรุกฺขมูเล ติตฺถิยมถนํ ^๗- ยมกปาฏิหาริยํ ทสฺเสตฺวา "อตีตพุทฺธา @เชิงอรรถ: ^๑ ม.ม. ๑๓/๗๐/๔๗ อุปาลิวาทสุตฺต ^๒ อภิ.ก. ๓๗/๑๐๗๓/๓๔๓ ปจฺจุปนฺนญาณกถา @^๓ สํ.ม. ๑๙/๓๗๔/๑๓๑ สูทสุตฺต ^๔ ปาลิ. คาเหตุํ, วิ.จุ. ๗/๓๑๘/๘๙ @^๕ องฺ.จตุกฺก. ๒๑/๓๔/๓๙, ขุ.อิติ. ๒๕/๙๐/๓๐๘ อคฺคปฺปสาทสุตฺต ^๖ ฉ.ม.,อิ. ฐาเน @^๗ ฉ.ม. กณฺฑมฺพรุกฺขมูเล ติตฺถิยมทฺทนํ

เนื้อความอรรถกถาฉบับภาษาบาลี อักษรไทย เล่มที่ ๑๔ หน้าที่ ๑๑๒. http://84000.org/tipitaka/read/attha_page.php?book=14&page=112&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=14&A=2634&modeTY=2&pagebreak=1 http://84000.org/tipitaka/atthapali/th_line.php?B=14&A=2634&modeTY=2&pagebreak=1#p112