ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๑๒.

      [๑๓] ตติเย วิวิจฺเจว กาเมหีติอาทีนํ จตุนฺนํ ฌานานํ ปาลิอตฺโถ จ
ภาวนานโย จ สพฺพากาเรน วิสุทฺธิมคฺเค ๑- วิตฺถาริโตเยว. อิมานิ ปน จตฺตาริ
ฌานานิ เอโก ภิกฺขุ จิตฺเตกคฺคตฺถาย ภาเวติ, เอโก วิปสฺสนาปาทกตฺถาย, เอโก
อภิญฺญาปาทกตฺถาย, เอโก นิโรธปาทกตฺถาย, เอโก ภววิเสสตฺถาย. อิธ ปน
ตานิปิ วิปสฺสนาปาทกานิ อธิปฺเปตานิ. อยํ หิ ภิกฺขุ อิมานิ ฌานานิ สมาปชฺชิตฺวา
สมาปตฺติโต วุฏฺฐาย สงฺขาเร สมฺมสิตฺวา เหตุปจฺจยปริคฺคหํ กตฺวา สปจฺจยํ
นามรูปํ จ ววฏฺฐเปตฺวา อินฺทฺริยพลโพชฺฌงฺคานิ สโมธาเนตฺวา อรหตฺตํ ปาปุณาติ.
เอวเมตานิ ฌานานิ โลกิยโลกุตฺตรมิสฺสกาเนว กถิตานิ. อิมสฺมึ วาปิ ๒- พลทฺวเย
เอตทคฺคภาโว วุตฺตนเยเนว เวทิตพฺโพ.
      [๑๔] จตุตฺเถ สงฺขิตฺเตน จ วิตฺถาเรน จาติ สงฺขิตฺตธมฺมเทสนา
วิตฺถารธมฺมเทสนา จาติ เทฺวเยว ธมฺมเทสนาติ ทสฺเสติ. ตตฺถ มาติกํ อุทฺทิสิตฺวา
กถิตา เทสนา สงฺขิตฺตเทสนา นาม, ตเมว มาติกํ วิตฺถารโต วิภชิตฺวา กถิตา
วิตฺถารเทสนา นาม. มาติกํ วา ฐเปตฺวาปิ อฏฺฐเปตฺวาปิ วิตฺถารโต วิภชิตฺวา
กถิตา วิตฺถารเทสนา นาม. ตาสุ สงฺขิตฺตเทสนา นาม มหาปญฺญสฺส ปุคฺคลสฺส
วเสน กถิตา, วิตฺถารเทสนา นาม มนฺทปญฺญสฺส. มหาปญฺญสฺส หิ วิตฺถารเทสนา
อติปปญฺโจ วิย โหติ. มนฺทปญฺญสฺส สงฺเขปเทสนา สสกสฺส อุปฺปตนํ วิย โหติ,
เนว อนฺตํ น โกฏึ ปาปุณิตุํ สกฺโกติ. สงฺเขปเทสนา จ อุคฺฆฏิตญฺญุโน วเสน
กถิตา, วิตฺถารเทสนา อิตเรสํ ติณฺณํ วเสน. สกลํปิ หิ เตปิฏกํ สงฺเขปเทสนา
วิตฺถารเทสนาติ เอตฺเถว สงฺขํ คจฺฉติ.
      [๑๕] ปญฺจเม ยสฺมึ ภิกฺขเว อธิกรเณติ วิวาทาธิกรณํ อนุวาทาธิกรณํ
อาปตฺตาธิกรณํ กิจฺจาธิกรณนฺติ อิเมสํ จตุนฺนํ อธิกรณานํ ยสฺมึ อธิกรเณ. อาปนฺโน
จ ภิกฺขูติ อาปตฺตึ อาปนฺโน ภิกฺขุ จ. ตเสฺมตนฺติ ตสฺมึ เอตํ. ๓- ทีฆตฺตายาติ
@เชิงอรรถ:  วิสุทฺธิ. ๑/๑๗๕    ฉ.ม. อิมสฺมิมฺปิ, อิ. อิมสฺมิญฺจปิ
@ ม. เอตํ วิวาทาธิกรณํ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๑๒. http://84000.org/tipitaka/read/attha_page.php?book=15&page=12&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=254&modeTY=2&pagebreak=1 http://84000.org/tipitaka/atthapali/th_line.php?B=15&A=254&modeTY=2&pagebreak=1#p12


จบการแสดงผล หน้าที่ ๑๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]