อรรถกถาเล่มที่ ๑๕ หน้าที่ ๒๔๙.

อภิวิหนิตฺวา. ยโตติ ยสฺมึ กาเล. วิรชนฺติ ราครชาทิรหิตํ. เตสํเยว มลานํ วิคตตฺตา วีตมลํ. ธมฺมจกฺขุนฺติ จตุสจฺจธมฺมปริคฺคาหกํ โสตาปตฺติมคฺคจกฺขุํ. นตฺถิ ตํ สญฺโชนนฺติ ทุวิธเมวสฺส สญฺโชนํ นตฺถิ, อิตรสฺมึ ^๑- ปน ปุน อิมํ โลกํ อาเนตุํ อสมตฺถตาย นตฺถีติ วุตฺตํ. อิมสฺมึ หิ ^๒- สุตฺเต อนาคามี ^๓- กถิโตติ. ๔. ปริสาสุตฺตวณฺณนา [๙๖] จตุตฺเถ น พาหุลฺลิกา โหนฺตีติ ปจฺจยพาหุลฺลิกา น โหนฺติ. น สาถลิกาติ ติสฺโส สิกฺขา สิถิลํ กตฺวา น คณฺหนฺติ. โอกฺกมเน นิกฺขิตฺตธุราติ โอกฺกมนํ วุจฺจติ อวคมนฏฺเน ปญฺจ นีวรณานิ, เตสุ นิกฺขิตฺตธุรา. ปวิเวเก ปุพฺพงฺคมาติ กายจิตฺตอุปธิวิเวกสงฺขาเต ติวิเธปิ วิเวเก ปุพฺพงฺคมา. วิริยํ อารภนฺตีติ ทุวิธํปิ วิริยํ ปคฺคณฺหนฺติ. อปฺปตฺตสฺสาติ ฌานวิปสฺสนามคฺคผล- สงฺขาตสฺส อปฺปตฺตวิเสสสฺส. เสสปททฺวเยปิ เอเสว นโย. ปจฺฉิมา ชานตาติ สทฺธิวิหาริกอนฺเตวาสิกาทโย. ทิฏฺานุคตึ อาปชฺชตีติ อาจริยุปชฺฌาเยหิ กตํ อนุกโรติ. ยํ ตาย ชนตาย อาจริยุปชฺฌาเยสุ ทิฏฺ, ตสฺส อนุคตึ อาปชฺชติ นาม. อยํ วุจฺจติ ภิกฺขเว อคฺควตี ปริสาติ ภิกฺขเว อยํ ปริสอคฺคปุคฺคลวตี นาม วุจฺจติ. ภณฺฑนชาตาติ ชาตภณฺฑนา. กลหชาตาติ ชาตกลหา. ภณฺฑนนฺติ เจตฺถ กลหสฺส ปุพฺพภาโค, หตฺถปรามาสาทิวเสน วีติกฺกโม กลโห นาม. วิวาทาปนฺนาติ วิรุทฺธวาทํ อาปนฺนา. มุขสตฺตีหีติ คุณวิชฺฌนฏฺเน ^๔- ผรุสา วาจา "มุขสตฺติโย"ติ วุจฺจนฺติ, ตาหิ มุขสตฺตีหิ. วิตุทนฺตา วิหรนฺตีติ วิชฺฌนฺตา วิจรนฺติ. สมคฺคาติ สหิตา. สมฺโมทมานาติ สมฺปวตฺตโมทา. ^๕- ขีโรทกีภูตาติ ขีโรทกํ วิย ภูตา. ปิยจกฺขูหีติ อุปสนฺเตหิ เมตฺตจกฺขูหิ. ปีติ ชายตีติ ปญฺจวณฺณา ปีติ @เชิงอรรถ: ^๑ ฉ.ม.,อิ. อิตรมฺปิ ^๒ ฉ.ม. อยํ สทฺโท น ทิสฺสติ @^๓ ฉ.ม.,อิ. ฌานานาคามี นาม ^๔ ม. คุณวิจฺฉินฺทนตฺเถน ^๕ ฉ.ม. สมปฺปวตฺตโมทา

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๔๙. http://84000.org/tipitaka/read/attha_page.php?book=15&page=249&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=5774&pagebreak=1 http://84000.org/tipitaka/atthapali/th_line.php?B=15&A=5774&pagebreak=1#p249