อรรถกถาเล่มที่ ๑๖ หน้าที่ ๑.

มโนรถปูรณี นาม องฺคุตฺตรนิกายฏฺกถา ปญฺจกาทินิปาตวณฺณนา ------------------ นโม ตสฺส ภควโต อรหโต สมฺมาสมฺพุทธสฺส. ปญฺจกนิปาตวณฺณนา ๑. ปมปณฺณาสก ๑. เสขพลวคฺค ๑. สงฺขิตฺตสุตฺตวณฺณนา [๑] ปญฺจกนิปาตสฺส ปเม สตฺตนฺนํ เสขานํ พลานีติ เสขพลานิ. สทฺธาพลาทีสุ อสฺสทฺธิเยน ^๑- น กมฺปตีติ สทฺธาพลํ. อหิริเกน ^๒- น กมฺปตีติ หิริพลํ. อโนตฺตปฺเปน ^๓- น กมฺปตีติ โอตฺตปฺปพลํ. โกสชฺเชน ^๔- น กมฺปตีติ วิริยพลํ. อวิชฺชาย น กมฺปตีติ ปญฺาพลํ. ตสฺมาติ ยสฺมา อิมานิ สตฺตนฺนํ เสขานํ พลานิ, ตสฺมา. ๒. วิตฺถตสุตฺตวณฺณนา [๒] ทุติเย กายทุจฺจริเตนาติอาทีสุ อุปโยคตฺเถ กรณวจนํ, หิริยิตพฺพานิ กายทุจฺจริตาทีนิ หิริยติ ชิคุจฺฉตีติ อตฺโถ. โอตฺตปฺปนิทฺเทเส เหตฺวตฺเถ กรณวจนํ, กายทุจฺจริตาทีหิ โอตฺตปฺปสฺส เหตุภูเตหิ โอตฺตปฺปติ ภายตีติ อตฺโถ. อารทฺธวิริโยติ ปคฺคหิตวิริโย อโนสกฺกิตมานโส. ปหานายาติ ปหานตฺถาย. อุปสมฺปทายาติ ปฏิลาภตฺถาย. ถามวาติ วิริยถาเมน สมนฺนาคโต. ทฬฺหปรกฺกโมติ ถิรปรกฺกโม. อนิกฺขิตฺตธุโร กุสเลสุ ธมฺเมสูติ กุสเลสุ อโนโรปิตธุโร อโนสกฺกิตวิริโย. @เชิงอรรถ: ^๑ ฉ.ม. อสฺสทฺธิเย ^๒ ฉ.ม. อหิริเก ^๓ ฉ.ม. อโนตฺตปฺเป ^๔ ฉ.ม. โกสชฺเช

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๑. http://84000.org/tipitaka/read/attha_page.php?book=16&page=1&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=1&pagebreak=1 http://84000.org/tipitaka/atthapali/th_line.php?B=16&A=1&pagebreak=1#p1