ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๑๐๖-๑๐๗.

หน้าที่ ๑๐๖.

๖. นกุลปิตุสุตฺตวณฺณนา [๑๖] ฉฏฺเ พาฬฺหคิลาโนติ อธิมตฺตคิลาโน. เอตทโวจาติ สามิกสฺส เภสชฺชํ กตฺวา พฺยาธึ วูปสเมตุํ อสกฺโกนฺตี อิทานิ สีหนาทํ นทิตฺวา ๑- สจฺจกิริยาย พฺยาธึ วูปสเมตุํ สนฺติเก นิสีทิตฺวา เอตํ "มา โข ตฺวนฺ"ติอาทิวจนํ อโวจ. สาเปกฺโขติ สตโณฺห. น นกุลมาตาติ เอตฺถ นกาโร น เปกฺขตีติ ๒- เอวํ ปรปเทน โยเชตพฺโพ. สนฺถริตุนฺติ ๓- นิจฺฉิทฺทํ กาตุํ, สณฺเปตุนฺติ อตฺโถ. เวณึ โอลิขิตุนฺติ เอฬกโลมานิ กปฺเปตฺวา วิชเฏตฺวา เวณึ กาตุํ. อญฺ ภตฺตารํ ๔- คมิสฺสตีติ อญฺ สามิกํ คณฺหิสฺสติ. โสฬส วสฺสานิ คหฏฺพฺรหฺมจริยํ ๕- สมาจิณฺณนฺติ อิโต โสฬสวสฺสมตฺถเก คหฏฺพฺรหฺมจริยวาโส สมาจิณฺโณ. ทสฺสนกามตราติ อติเรเกน ทสฺสนกามา. อิเมหิ ตีหิ องฺเคหิ สีหนาทํ นทิตฺวา "อิมินา สจฺเจน ตว สรีเร พฺยาธิ ผาสุ โหตู"ติ สจฺจกิริยํ อกาสิ. อิทานิ ภควนฺตํ สกฺขึ กตฺวา อตฺตโน สีลาทิคุเณหิปิ สจฺจกิริยํ กาตุํ สิยา โข ปน เตติอาทิมาห. ตตฺถ ปริปูรการินีติ สมตฺตการินี. เจโตสมถสฺสาติ สมาธิกมฺมฏฺานสฺส. โอคาธปฺปตฺตาติ โอคาธํ อนุปเวสํ ปตฺตา. ปติคาธปฺปตฺตาติ ปฏิคาธํ ปติฏฺ ปตฺตา. อสฺสาสปฺปตฺตาติ อสฺสาสํ อวสฺสยํ ปตฺตา. เวสารชฺชปฺ- ปตฺตาติ โสมนสฺสาณํ ปตฺตา. อปรปฺปจฺจยาติ ปรปจฺจโย วุจฺจติ ปรสทฺธา ปรปตฺติยายนา, ตาย วิรหิตาติ อตฺโถ. อิเมหิ ตีหงฺเคหิ อตฺตโน คุเณ อารพฺภ สจฺจกิริยํ อกาสิ. คิลานา วุฏฺิโตติ คิลาโน หุตฺวา วุฏฺิโต. ยาวตาติ ยตฺติกาโย. ตาสํ อญฺตราติ ตาสํ อนฺตเร เอกา. อนุกมฺปิกาติ หิตานุกมฺปิกา. โอวาทิกาติ โอวาททายิกา. อนุสาสิกาติ อนุสิฏฺิทายิกา. ๗. โสปฺปสุตฺตวณฺณนา [๑๗] สตฺตเม ปฏิสลฺลานา วุฏฺิโตติ เอกีภาวาย ธมฺมนิชฺฌานกฺขนฺติโต @เชิงอรรถ: สี. นทนฺติ ม. สกฺขีติ, ฉ. สกฺขตีติ, ปาลิ. สกฺขิสฺสตีติ @ ม. สนฺธริตุนฺติ สี. วีรํ, ฉ.ม. ฆรํ ฉ.ม. คหฏฺกํ พฺรหฺมจริยํ

--------------------------------------------------------------------------------------------- หน้าที่ ๑๐๗.

ผลสมาปตฺติวิหารโต วุฏฺิโต. ยถาวิหารนฺติ อตฺตโน อตฺตโน วสนวิหารํ. นวาติ ปพฺพชฺชาย นวกา. เต ปญฺจสตมตฺตา อเหสุํ. กากจฺฉมานาติ กากสทฺทํ กโรนฺตา ทนฺเต ขาทนฺตา. เถราติ ถิรภาวํ ปตฺตา. เตน โนติ เตน นุ. เสยฺยสุขาทีนิ เหฏฺา วุตฺตตฺถาเนว. รฏฺิโกติ โย รฏฺ ภุญฺชติ. เปตฺตนิโกติ โย ปิตรา ภุตฺตานุภุตฺตํ ภุญฺชติ. เสนาปติโกติ เสนาย เชฏฺโก. คามคามณิโกติ คามโภชโก. ปูคคามณิโกติ คณเชฏฺโก. อวิปสฺสโก กุสลานํ ธมฺมานนฺติ กุสลานํ ธมฺมานํ อเนสโก อคเวสโก หุตฺวา. โพธิปกฺขิยานํ ธมฺมานนฺติ สตฺตตึสาย โพธิปกฺขิยธมฺมานํ. ๘. มจฺฉพนฺธสุตฺตวณฺณนา [๑๘] อฏฺเม มจฺฉิกนฺติ มจฺฉฆาตกํ. หตฺถินา ยาตีติ หตฺถิยายี. ปรโตปิ เอเสว นโย. วชฺเฌติ วธิตพฺเพ. วธายานีเตติ ๑- วธาย อุปนีเต. ปาปเกน มนสาติ ลามเกน วธกจิตฺเตน. ปาลิยํ ปน วธายุปนีเตติ ๒- ลิขนฺติ. มาควิโกติ มิคฆาตโก. โก ปน วาโท มนุสฺสภูตนฺติ โย มนุสฺสภูตํ ปาปเกน มนสา อเปกฺขติ, ๓- ตสฺส สมฺปตฺติยา อภาเวน ๔- กิเมว วตฺตพฺพํ. อิทํ ปาปกสฺส กมฺมุโน อนิฏฺผลภาวํ ทสฺเสตุํ วุตฺตํ. เยสํ ปน ตาทิสํ กมฺมํ กโรนฺตานํปิ ยสปฏิลาโภ โหติ, เตสํ ตํ อกุสลํ นิสฺสาย กุสลํ วิปจฺจตีติ เวทิตพฺพํ. เตน ปนสฺส อกุสลกมฺเมน อุปหตตฺตา วิปาโก น จิรฏฺิติโก โหตีติ. ๕- อิมสฺมึ สุตฺเต อกุสลปกฺโขว กถิโต. ๙. ปมมรณสฺสติสุตฺตวณฺณนา [๑๙] นวเม นาทิเกติ ๖- เอวํนามเก คาเม. คิญฺชกาวสเถติ อิฏฺกามเย ปาสาเท. อมโตคธาติ นิพฺพาโนคธา, นิพฺพานปติฏฺาติ ๗- อตฺโถ. ภาเวถ โนติ ภาเวถ นุ. มรณสฺสตินฺติ มรณสฺสติกมฺมฏฺานํ. อโห วตาติ ปฏฺนตฺเถ นิปาโต. @เชิงอรรถ: สี. วธาโยปนีเตติ, ฉ.ม. วธายนีเตติ สี. วธายุนฺนีเตติ ฉ.ม. อนุเปกฺขติ @ ฉ. อภาเว ฉ.ม. โหติ ฉ.ม. นาติเกติ ก. นิพฺพานํ ปวิฏฺาติ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๑๐๖-๑๐๗. http://84000.org/tipitaka/read/attha_page.php?book=16&page=106&pages=2&pagebreak=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=2367&pagebreak=1 http://84000.org/tipitaka/atthapali/th_line.php?B=16&A=2367&pagebreak=1#p106


จบการแสดงผล หน้าที่ ๑๐๖-๑๐๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]