อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๑๒๘.

                        ๔. มหาจุนฺทสุตฺตวณฺณนา
     [๔๖] จตุตฺเถ เจตีสูติ เจติรฏฺเ. สญฺชาติยนฺติ ๑- เอวํนามเก นิคเม.
มหาจุนฺโทติ ธมฺมเสนาปติสฺส กนิฏฺภาติโก. ธมฺเม โยโค อนุโยโค เอเตสนฺติ
ธมฺมโยคา. ธมฺมกถิกานํ เอตํ นามํ. ฌายนฺตีติ ฌายี. อปสาเทนฺตีติ ฆฏฺเฏนฺติ
ขิปนฺติ. ๒- ฌายนฺตีติ  จินฺเตนฺติ. ปชฺฌายนฺตีติอาทีนิ อุปสคฺควเสน วฑฺฒิตานิ.
กิญฺหิเม ฌายนฺตีติ กินฺนาม อิเม ฌายนฺติ. กินฺติเม ๓- ฌายนฺตีติ กิมตฺถํ อิเม
ฌายนฺติ. กถญฺหิเม ฌายนฺตีติ เกน การเณน อิเม ฌายนฺติ. อมตํ ธาตุํ กาเยน ผุสิตฺวา
วิหรนฺตีติ มรณวิรหิตํ นิพฺพานธาตุํ สนฺธาย กมฺมฏฺานํ คเหตฺวา วิหรนฺตา
อนุกฺกเมน ตํ นามกาเยน ผุสิตฺวา วิหรนฺติ. คมฺภีรอตฺถปทนฺติ คุฬฺหํ ปฏิจฺฉนฺนํ
ขนฺธธาตุอายตนาทิอตฺถํ. ปญฺาย อติวิชฺฌ ปสฺสนฺตีติ สห วิปสฺสนาย มคฺคปญฺาย
อติวิชฺฌิตฺวา ๔- ปสฺสนฺติ. อิมสฺมึ ปน อตฺเถ สมฺมสนปฏิเวธปญฺาปิ
อุคฺคหปริปุจฺฉาปญฺาปิ วฏฺฏติเยวาติ.
                     ๕-๖. สนฺทิฏฺิกสุตฺตทฺวยวณฺณนา
     [๔๗-๔๘] ปญฺจเม สนฺตํ วา อชฺฌตฺตนฺติ นิยกชฺฌตฺเต วิชฺชมานํ.
โลโภติอาทีหิ ตีณิ อกุสลมูลานิ ทสฺสิตานิ. โลภธมฺมาติอาทีหิ ตํสมฺปยุตฺตกธมฺมา.
ฉฏฺเ กายสนฺโทสนฺติ กายทฺวารสฺส ทุสฺสนการณํ. ๕- เสสปททฺวเยปิ เอเสว นโย.
อิเมสุ ทฺวีสุ สุตฺเตสุ ปจฺจเวกฺขณาว กถิตา.
                         ๗. เขมสุตฺตวณฺณนา
     [๔๙] สตฺตเม วุสิตวาติ วุฏฺพฺรหฺมจริยวาโส. กตกรณีโยติ จตูหิ มคฺเคหิ
กตฺตพฺพํ กตฺวา ิโต. โอหิตภาโรติ ขนฺธภารํ กิเลสภารํ อภิสงฺขารภารญฺจ
โอตาเรตฺวา ิโต. อนุปฺปตฺตสทตฺโถติ สทตฺโถ วุจฺจติ อรหตฺตํ, ตํ ปตฺโตติ อตฺโถ.
@เชิงอรรถ: ๑ ฉ.ม. สยํชาติยนฺติ  ๒ ฉ.ม. หึสนฺติ  ๓ ฉ.ม. กิมิเม  ๔ ฉ.ม. ปฏิวิชฺฌิตฺวา
@๕ ฉ.ม. ทุสฺสนาการํ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๑๒๘.
http://84000.org/tipitaka/read/attha_page.php?book=16&page=128&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=2885&pagebreak=1
http://84000.org/tipitaka/atthapali/th_line.php?B=16&A=2885&pagebreak=1#p128