บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓) หน้าที่ ๑๖๐.
๘. สํโยชนสุตฺตวณฺณนา [๘] อฏฺฐเม อนุนยสญฺโญชนนฺติ กามราคสญฺโญชนํ. สพฺพาเนว เจตานิ พนฺธนฏฺเฐน สญฺโญชนานีติ เวทิตพฺพานิ. อิมสฺมึ สุตฺเต วฏฺฏเมว กถิตํ. เสสํ สพฺพตฺถ อุตฺตานตฺถเมวาติ. ธนวคฺโค ปฐโม. ------------- ๒. อนุสยวคฺค ๓. กุลสุตฺตวณฺณนา [๑๓] ทุติยสฺส ตติเย นาลนฺติ น ยุตฺตํ นานุจฺฉวิกํ. น มนาเปนาติ น มนมฺหิ อปฺปนเกน ๑- อากาเรน นิสินฺนาสนโต ปจฺจุฏฺเฐนฺติ, อมนาปเมว ๒- ทสฺเสนฺติ. สนฺตมสฺส ปริคูหนฺตีติ ๓- วิชฺชมานํปิ เทยฺยธมฺมํ เอตสฺส นิคูหนฺติ ปฏิจฺฉาเทนฺติ. อสกฺกจฺจํ เทนฺติ โน สกฺกจฺจนฺติ ลูขํ วา โหตุ ปณีตํ วา, อสหตฺถา อจิตฺตีกาเรน เทนฺติ, โน จิตฺตีกาเรน. ๔. ปุคฺคลสุตฺตวณฺณนา [๑๔] จตุตฺเถ อุภโตภาควิมุตฺโตติ ทฺวีหิ ภาเคหิ วิมุตฺโต, อรูปสมาปตฺติยา รูปกายโต วิมุตฺโต, มคฺเคน นามกายโต. โส จตุนฺนํ อรูปสมาปตฺตีนํ เอเกกโต วุฏฺฐาย สงฺขาเร สมฺมสิตฺวา อรหตฺตํ ปตฺตานํ จตุนฺนํ นิโรธา วุฏฺฐาย อรหตฺตปฺปตฺตอนาคามิโน จ วเสน ปญฺจวิโธ โหติ. ปาลิ ปเนตฺถ "กตโม จ ปุคฺคโล อุภโตภาควิมุตฺโต. อิเธกจฺโจ ปุคฺคโล อฏฺฐ วิโมกฺเข กาเยน ผุสิตฺวา @เชิงอรรถ: ๑ ม. อปฺปเกน ๒ ฉ.ม. อนาทรเมว ๓ สี. นิคุหนฺตีติเนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๑๖๐. http://84000.org/tipitaka/read/attha_page.php?book=16&page=160&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=3566&modeTY=2&pagebreak=1 http://84000.org/tipitaka/atthapali/th_line.php?B=16&A=3566&modeTY=2&pagebreak=1#p160
จบการแสดงผล หน้าที่ ๑๖๐.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]