อรรถกถาเล่มที่ ๑๖ หน้าที่ ๒๔๘.

นิชฺฌตฺติพลาติ "น อิทํ เอวํ, นาเมตนฺ"ติ อตฺถานตฺถนิชฺฌาปนํเยว พลํ. ปฏิสงฺขานพลาติ ปจฺจเวกฺขณพลา. ขนฺติพลาติ อธิวาสนกฺขนฺติพลา. ^๑- ๘. ทุติยพลสุตฺตวณฺณนา [๒๘] อฏฺฐเม พลานีติ ญาณพลานิ. อาสวานํ ขยํ ปฏิชานาตีติ อรหตฺตํ ปฏิชานาติ. อนิจฺจโตติ หุตฺวา อภาวากาเรน. ยถาภูตนฺติ ยถาสภาวโต. สมฺมปฺปญฺญายาติ สมฺมาวิปสฺสนามคฺคปญฺญาย. ^๒- องฺคารกาสูปมาติ สนฺตาปนฏฺเฐน องฺคารกาสุยา อุปมิตา อิเม กามา. ^๓- วิเวกนินฺนนฺติ ผลสมาปตฺติวเสน นิพฺพานนินฺนํ. วิเวกฏฺฐนฺติ กิเลเสหิ วชฺชิตํ ทูรีภูตํ วา. เนกฺขมฺมาภิรตนฺติ ปพฺพชฺชาย อภิรตํ. พฺยนฺตีภูตนฺติ วิคตนฺตีภูตํ เอกํเสนาปิ ^๔- อนลฺลีนํ วิปฺปยุตฺตํ ^๕- วิสํสฏฺฐํ. อาสวฏฺฐานิเยหีติ สมฺปโยควเสน อาสวานํ การณภูเตหิ, กิเลสธมฺเมหีติ อตฺโถ. อถวา พฺยนฺตีภูตนฺติ วิคตนฺตีภูตํ ^๖- นิตฺตณฺหนฺติ ^๗- อตฺโถ. กุโต? สพฺพโส อาสวฏฺฐานิเยหิ ธมฺเมหิ, สพฺเพหิ เตภูมิกธมฺเมหีติ อตฺโถ. อิมสฺมึ สุตฺเต อริยมคฺโค โลกิยโลกุตฺตโร กถิโต. ๙. อกฺขณสุตฺตวณฺณนา [๒๙] นวเม ขเณ กิจฺจานิ กโรตีติ ขณกิจฺโจ, โอกาสํ ลภิตฺวาว กิจฺจานิ กโรตีติ อตฺโถ. ธมฺโมติ จตุสจฺจธมฺโม. อุปสมิโกติ ^๘- กิเลสูปสมาวโห. ปรินิพฺพานิโกติ กิเลสปรินิพฺพานกโร. จตุมคฺคญาณสงฺขาตํ สมฺโพธึ คจฺฉติ สมฺปาปุณาตีติ สมฺโพธคามี. ทีฆายุกํ เทวนิกายนฺติ อิทํ อสญฺญีเทวนิกายํ ^๙- สนฺธาย วุตฺตํ. อวิญฺญาตาเรสูติ อติวิย อวิญฺญูสุ. สุปฺปเวทิเตติ สุกถิเต. อนฺตรายิกาติ อนฺตรายกรา. ขโณ โว มา อุปชฺฌคาติ อยํ ลทฺโธ ขโณ ตุเมฺห มา อติกฺกมิ. อิธ เจ น ^๑๐- วิราเธตีติ สเจ โกจิ ปมตฺตจารี @เชิงอรรถ: ^๑ ฉ.ม. อธิวาสนพลา ^๒ ฉ.ม. สหวิปสฺสนาย มคฺคปญฺญาย ^๓ ฉ.ม. กามาติ @^๔ ฉ.ม. วิคตนฺตภูตํ เอกเทเสนาปิ ^๕ ฉ.ม. วิสํยุตฺตํ ^๖ ฉ.ม. วิคตวายนฺติ @^๗ ฉ.ม. อยํ ปาโฐ น ทิสฺสติ ^๘ ฉ.ม. โอปสมิโกติ @^๙ ฉ.ม. อสญฺญํ เทวนิกายํ ^๑๐ ฉ.ม. นํ

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๔๘. http://84000.org/tipitaka/read/attha_page.php?book=16&page=248&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=5556&modeTY=2&pagebreak=1 http://84000.org/tipitaka/atthapali/th_line.php?B=16&A=5556&modeTY=2&pagebreak=1#p248