ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๒๖๘.

                        ๗. ๒. ภูมิจาลวคฺค ๑-
                         ๑. อิจฺฉาสุตฺตวณฺณนา
     [๖๑] สตฺตมสฺส ปเม ปวิวิตฺตสฺสาติ กายวิเวเกน วิวิตฺตสฺส.
นิรายตฺตวุตฺติโนติ กตฺถจิ อนายตฺตวุตฺติโน วิปสฺสนากมฺมิกสฺส. ลาภายาติ
จตุปจฺจยลาภาย. โสจี จ  ปริเทวี จาติ โสกี จ ปริเทวี จ. ๒- โสจิจฺจ
ปริเทวิจฺจาติปิ ปาโ. จุโต จ สทฺธมฺมาติ ตํขณํเยว วิปสฺสนาสทฺธมฺมา จุโต.
อิมสฺมึ สุตฺเต วฏฺฏวิวฏฺฏํ กถิตํ.
                          ๒. อลํสุตฺตวณฺณนา
      [๖๒] ทุติเย อลํ อตฺตโน อลํ ปเรสนฺติ อตฺตโน จ ปเรสญฺจ หิตปฏิปตฺติยํ
สมตฺโถ ปริยตฺโต อนุจฺฉวิโก. ขิปฺปนิสนฺตีติ ขิปฺปํ อุปธาเรติ ขนฺธธาตุอายตนาทีสุ
กถิยมาเนสุ เต ธมฺเม ขิปฺปํ ชานาตีติ อตฺโถ. อิมสฺมึ สุตฺเต สมถวิปสฺสนา
กถิตา. ปุคฺคลชฺฌาสเยน ปน เทสนาวิลาเสน เจตํ มตฺถกโต ปฏฺาย เหฏฺา
โอตรนฺตํ กถิตนฺติ.
                        ๓. สงฺขิตฺตสุตฺตวณฺณนา
     [๖๓] ตติเย เอวเมวาติ นิกฺการเณเนว. ยถา วา อยํ ยาจติ, เอวเมว.
โมฆปุริสาติ มูฬหปุริสา ตุจฺฉปุริสา. อชฺเฌสนฺตีติ ยาจนฺติ. อนุพนฺธิตพฺพนฺติ
อิริยาปถานุพนฺธเนน ๓- อนุพนฺธิตพฺพํ มํ น วิชหิตพฺพํ มญฺนฺติ. อาชานนตฺถํ
อปสาเทนฺโต เอวมาห. เอส กิร ภิกฺขุ โอวาเท ทินฺเนปิ ปมาทเมวานุยุญฺชติ,
ธมฺมํ สุตฺวา ตตฺเถว วสติ, น สมณธมฺมํ กาตุํ อิจฺฉติ. ตสฺมา ภควา เอวํ
อปสาเทตฺวา ปุน ยสฺมา โส อรหตฺตสฺส อุปนิสฺสยสมฺปนฺโน, ตสฺมา ตํ โอวทนฺโต
@เชิงอรรถ:  ก. จาลวคฺค   ก. โสจิ จ ปริเทวิ จาติ โสโก จ ปริเทโว จ
@ ฉ.ม. อิริยาปถานุคมเนน



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๖๘. http://84000.org/tipitaka/read/attha_page.php?book=16&page=268&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=6019&pagebreak=1 http://84000.org/tipitaka/atthapali/th_line.php?B=16&A=6019&pagebreak=1#p268


จบการแสดงผล หน้าที่ ๒๖๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]