อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๓๐.

                         ๕. มาตาสุตฺตวณฺณนา
     [๕๕] ปญฺจเม ปริยาทาย ติฏฺตีติ ปริยาทิยิตฺวา คเหตฺวา เขเปตฺวา
ติฏฺติ. อุคฺฆาติตาติ ๑- อุทฺธุมาตา.
     อสิหตฺเถนาติ สีสจฺเฉทนตฺถาย อสึ อาทาย อาคเตนาปิ. ปิสาเจนาติ ขาทิตุํ
อาคตยกฺเขนาปิ. อาสทฺเทติ ๒- ฆฏฺเฏยฺย. มญฺชุนาติ มุทุเกน. กาโมฆวุฬฺหานนฺติ
กาโมเฆน วุฬฺหานํ กฑฺฒิตานํ. กาลํ คตึ ภวาภวนฺติ วฏฺฏกาลํ คติญฺจ
ปุนปฺปุนพฺภเว จ. ปุรกฺขตาติ ปุเรจาริกา ปุรโต กตาเยว. ๓- เย จ กาเม
ปริญฺายาติ เย ปณฺฑิตา ทุวิเธปิ กาเม ตีหิ ปริญฺาหิ ปริชานิตฺวา. จรนฺติ
อกุโตภยาติ ขีณาสวานํ กุโตภยํ ๔- นาม นตฺถิ, ตสฺมา เต อกุโตภยา หุตฺวา
จรนฺติ. ปารคตาติ ๕- ปารํ วุจฺจติ นิพฺพานํ, ตํ อุปคตา, สจฺฉิกตฺวา ิตาติ อตฺโถ.
อาสวกฺขยนฺติ อรหตฺตํ. อิมสฺมึ สุตฺเต วฏฺฏเมว กเถตฺวา คาถาสุ วฏฺฏวิวฏฺฏํ กถิตํ.
                        ๖. อุปชฺฌายสุตฺตวณฺณนา
     [๕๖] ฉฏฺเ มธุรกชาโตติ สญฺชาตครุภาโว. ทิสา จ เม น ปกฺขายนฺตีติ
จตสฺโส ทิสา จ อนุทิสา จ มยฺหํ น อุปฏฺหนฺตีติ วทติ. ธมฺมา จ มํ
นปฺปฏิกนฺตีติ สมถวิปสฺสนาธมฺมาปิ เม น อุปฏฺหนฺติ. อนภิรโต จ พฺรหฺมจริยํ
จรามีติ อุกฺกณฺิโต หุตฺวา พฺรหฺมจริยวาสํ วสามิ. เยน ภควา เตนุปสงฺกมีติ
ตสฺส กถํ สุตฺวา "พุทฺธเวเนยฺยปุคฺคโล อยนฺ"ติ ตํ การณํ ภควโต อาโรเจตุํ
อุปสงฺกมิ. อวิปสฺสกสฺส กุสลานํ ธมฺมานนฺติ กุสเล ธมฺเม อวิปสฺสนฺตสฺส,
อเนสนฺตสฺส อคเวสนฺตสฺสาติ อตฺโถ. โพธิปกฺขิกานนฺติ ๖- สติปฏฺานาทีนํ
สตฺตตึสธมฺมานํ.
@เชิงอรรถ: ๑ สี.  อุคฺฆานิตาติ  ๒ ฉ.ม.  อาสีเทติ  ๓ ฉ.ม. คตาเยว
@๔ ฉ.ม. กุโตจิ ภยํ  ๕ ฉ.ม. ปารงฺคตาติ  ๖ ฉ.ม. โพธิปกฺขิยานํ ธมฺมานนฺติ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๐.
http://84000.org/tipitaka/read/attha_page.php?book=16&page=30&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=669&pagebreak=1
http://84000.org/tipitaka/atthapali/th_line.php?B=16&A=669&pagebreak=1#p30