ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๓๖๗.

                         ๑๐. ๕. อุปาลิวคฺค
                      ๑-๒. กามโภคีสุตฺตาทิวณฺณนา
     [๙๑-๙๒] ปญฺจมสฺส ปฐเม สาหเสนาติ สาหสิยกมฺเมน. ทุติเย ภยานีติ
จิตฺตุตฺราสภยานิ. เวรานีติ อกุสลเวรปุคฺคลเวรานิ. อริโย จสฺส ญาโยติ สห
วิปสฺสนาย มคฺโค. อิติ อิมสฺมึ สติ อิทํ โหตีติ เอวํ อิมสฺมึ อวิชฺชาทิเก การเณ
สติ อิทํ สงฺขาราทิกํ ผลํ โหติ. อิมสฺสุปฺปาทา อิทํ อุปฺปชฺชตีติ โย ยสฺส
สหชาตปจฺจโย โหติ, ตสฺส อุปฺปาทา อิตรํ อุปฺปชฺชติ นาม. อิมสฺมึ อสตีติ
อวิชฺชาทิเก การเณ อสติ สงฺขาราทิกํ ผลํ น โหติ. อิมสฺส นิโรธาติ การณสฺส
อปฺปวตฺติยา ผลสฺส อปฺปวตฺติ โหติ.
                        ๓.  กึทิฏฺฐิกสุตฺตวณฺณนา
     [๙๓] ตติเย สณฺฐเปสุนฺติ อิริยาปถมฺปิ วจนปถมฺปิ สณฺฐเปสุํ.
อปฺปสทฺทวินีตาติ อปฺปสทฺเทน มตฺตภาณินา สตฺถารา วินีตา. ปรโฆสปจฺจยา วาติ ๑-
ปรสฺส วา วจนการณา. เจตยิตาติ ปกปฺปิตา. มงฺกุภูตาติ โทมนสฺสปฺปตฺตา นิตฺเตชา.
ปตฺตกฺขนฺธาติ ปติตกฺขนฺธา. สหธมฺเมนาติ สเหตุเกน สการเณน วจเนน.
                       ๔. วชฺชิยมาหิตสุตฺตวณฺณนา
     [๙๔] จตุตฺเถ วชฺชิยมาหิโตติ เอวํนามโก. สพฺพํ ตปนฺติ สพฺพเมว ทุกฺกรการิกา-
ตปํ. ๒- สพฺพํ ตปสฺสินฺติ สพฺพํ ตปนิสฺสิตกํ. ลูขาชีวินฺติ ทุกฺกรการิกาชีวิกานุ-
โยคํ อนุยุตฺตํ. คารยฺหนฺติ ครหิตพฺพยุตฺตกํ. ปสํสิยนฺติ ปสํสิตพฺพยุตฺตกํ.
เวนยิโกติ สยํ อวินีโต อญฺเญหิ วิเนตพฺโพ. อปฺปญฺญตฺติโกติ ๓- น กิญฺจิ ปญฺญาเปตุํ
สกฺโกติ. อถวา เวนยิโกติ สตฺตวินาสโก. อปฺปญฺญตฺติโกติ อปจฺจกฺขํ นิพฺพานํ
ปญฺญาเปติ,
@เชิงอรรถ:  ฉ.ม. ปรโตโฆสปจฺจยา วาติ   ฉ.ม. ทุกฺกรการิกํ
@ ฉ.ม. อปญฺญตฺติโกติ. เอวมุปริปิ



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๖๗. http://84000.org/tipitaka/read/attha_page.php?book=16&page=367&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=8256&modeTY=2&pagebreak=1 http://84000.org/tipitaka/atthapali/th_line.php?B=16&A=8256&modeTY=2&pagebreak=1#p367


จบการแสดงผล หน้าที่ ๓๖๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]