อรรถกถาเล่มที่ ๑๖ หน้าที่ ๙๒.

โฆรวิสตาติ โฆรวิสตาย. เสสทฺวเยปิ เอเสว นโย. ทีฆจาริกวคฺโค ตติโย. ---------------- ๒๔. ๔. อาวาสิกวคฺค ๑. อาวาสิกสุตฺตวณฺณนา [๒๓๑] จตุตฺถสฺส ปฐเม น อากปฺปสมฺปนฺโนติ น สมณากปฺเปน สมฺปนฺโน. อภาวนีโย โหตีติ วฑฺฒนีโย น โหติ. ทุติยํ อุตฺตานเมว. ๓. โสภนสุตฺตวณฺณนา [๒๓๓] ตติเย ปฏิพโลติ กายพเลน จ ญาณพเลน จ สมนฺนาคตตฺตา ปฏิพโล. ๔. พหูปการสุตฺตวณฺณนา [๒๓๔] จตุตฺเถ ขณฺฑผุลฺลนฺติ ปติตฏฺฐานํ ภินฺนฏฺฐานญฺจ. ปฏิสงฺขโรตีติ ปฏิปากติกํ กโรติ. อาโรเจตีติ อิทํ ปริวาริตกุลานํ ^๑- วเสน วุตฺตํ. ๕. อนุกมฺปสุตฺตวณฺณนา [๒๓๕] ปญฺจเม อธิสีเลสูติ ปญฺจสุ สีเลสุ. ธมฺมทสฺสเน นิเวสตีติ จตุสจฺจธมฺมทสฺสเน ปติฏฺฐาเปติ. อรหคฺคตนฺติ สพฺพสกฺการานํ อรเห รตนตฺตเยว คตํ, ตีสุ วตฺถูสุ ครุจิตฺตีการํ อุปฏฺฐเปถาติ อตฺโถ. ฉฏฺฐํ อุตฺตานเมว. ๗. ทุติยอวณฺณารหสุตฺตวณฺณนา [๒๓๗] สตฺตเม อาวาสปลิเคธีติ อาวาสํ พลวคิทฺธิวเสน คิลิตฺวา วิย ฐิโต. เสสํ สพฺพํ อุตฺตานเมวาติ. อาวาสิกวคฺโค จตุตฺโถ. @เชิงอรรถ: ^๑ ฉ.ม. ปวาริตกุลานํ

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๙๒. http://84000.org/tipitaka/read/attha_page.php?book=16&page=92&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=2050&modeTY=2&pagebreak=1 http://84000.org/tipitaka/atthapali/th_line.php?B=16&A=2050&modeTY=2&pagebreak=1#p92