อรรถกถาเล่มที่ ๑๗ หน้าที่ ๑๒๙.

ธมฺมสฺสวนนฺติ เวทิตพฺพํ. ยถาห "เต กาเลน กาลํ อุปสงฺกมิตฺวา ปริปุจฺฉติ ปริปญฺหตี"ติ อาทิ. ^๑- ตเทตํ กาเลน ธมฺมสฺสวนํ นีวรณปฺปหานจตุรานิสํส- อาสวกฺขยาธิคมาทนานปฺปการวิเสสาธิคมเหตุโต มงฺคลนฺติ เวทิตพฺพํ. วุตฺตเญฺหตํ ภควตา:- "ยสฺมึ ภิกฺขเว สมเย อริยสาวโก อฏฺิกตฺวา มนสิกตฺวา สพฺพเจตโส ^๒- สมนฺนาหริตฺวา โอหิตโสโต ธมฺมํ สุณาติ, ปญฺจสฺส นีวรณา ตสฺมึ สมเย น โหนฺตี"ติ จ ^๓- "โสตานุคตานํ ภิกฺขเว ธมฺมานํ ฯเปฯ สุปฏิวิทฺธานํ จตฺตาโร อานิสํสา ปาฏิกงฺขา"ติ จ. ^๔- "จตฺตาโรเม ภิกฺขเว กาลา กาเลน ^๕- สมฺมาภาวิยมานา สมฺมาอนุปริวตฺติยมานา อนุปุพฺเพน อาสวานํ ขยํ ปาเปนฺติ. กตเม จตฺตาโร? กาเลน ธมฺมสฺสวนนฺ"ติ จ เอวมาทิ. ^๖- เอวมิมิสฺสา คาถาย คารโว, นิวาโต, สนฺตุฏฺี, กตญฺุตา, กาเลน ธมฺมสฺสวนนฺติ ปญฺจ มงฺคลานิ วุตฺตานิ. มงฺคลตฺตญฺจ เนสํ ตตฺถ ตตฺถ วิภาวิตเมวาติ. นิฏฺิตา คารโว จาติ อิมิสฺสา คาถาย อตฺถวณฺณนา. ----------- ขนฺตี จาติคาถาวณฺณนา [๑๐] อิทานิ ขนฺตี จาติ เอตฺถ ขมนํ ขนฺติ. ปทกฺขิณคฺคาหิตาย สุขํ วโจ อสฺมินฺติ สุวโจ, สุวจสฺส กมฺมํ โสวจสฺสํ, โสวจสฺสสฺส ภาโว โสวจสฺสตา. กิเลสานํ สมิตตฺตา สมณา. ทสฺสนนฺติ เปกฺขนํ. ธมฺมสฺส สากจฺฉา ธมฺมสากจฺฉา. เสสํ วุตฺตนยเมวาติ อยํ ปทวณฺณนา. อตฺถวณฺณนา ปน เอวํ เวทิตพฺพา:- ขนฺติ นาม อธิวาสนขนฺติ, ยาย ^๗- สมนฺนาคโต ภิกฺขุ ทสหิ อกฺโกสวตฺถูหิ อกฺโกสนฺเต วธพนฺธนาทีหิ วา @เชิงอรรถ: ^๑ ที. ปาฏิ. ๑๑/๓๕๘/๒๖๒ ทสุตฺตรสุตฺต ^๒ ฉ.ม. สพฺพํ เจตสา @^๓ สํ. มหา. ๑๙/๒๑๙/๘๕ โพชฺฌงฺคสํยุตฺต ^๔ องฺ. จตุกฺก. ๒๑/๑๙๑/๒๑๐ โสตานุคตสุตฺต @^๕ ฉ.ม. ภิกฺขเว ธมฺมา กาเลน กาลํ สมฺมาภาวิยมานา... อิ. ภิกฺขเว ธมฺมา กาเลน @สมฺมา... ^๖ องฺ. จตุกฺก. ๒๑/๑๔๗/๑๕๙ ทุติยกาลสุตฺต ^๗ ฉ.ม. ตาย

เนื้อความอรรถกถาฉบับภาษาบาลี อักษรไทย เล่มที่ ๑๗ หน้าที่ ๑๒๙. http://84000.org/tipitaka/read/attha_page.php?book=17&page=129&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=17&A=3409&pagebreak=1 http://84000.org/tipitaka/atthapali/th_line.php?B=17&A=3409&pagebreak=1#p129