อรรถกถาเล่มที่ ๑๘ ภาษาบาลี อักษรไทย
ธ.อ.๑ ยมกวคฺค.
หน้าที่ ๗๔.

คาถํ ๑- วตฺวา "อยุตฺตนฺเต กตนฺติ วตฺวา ตํ วิสฺสชฺเชสิ.
     สตฺถา อิมํ ธมฺมเทสนํ อาหริตฺวา "ตทา หตฺถิมารโก
เทวทตฺโต อโหสิ, ตสฺส นิคฺคหโก หตฺถินาโค อหเมวาติ ชาตกํ
สโมธาเนตฺวา "น โข ภิกฺขุ อิทาเนว, ปุพฺเพปิ เทวทตฺโต อตฺตโน
อนนุจฺฉวิกํ วตฺถํ ธาเรสิเยวาติ วตฺวา อิมา คาถา อภาสิ
          "อนิกฺกสาโว กาสาวํ     โย วตฺถํ ปริทเหสฺสติ
           อเปโต ทมสจฺเจน,     น โส กาสาวมรหติ,
           โย จ วนฺตกสาวสฺส     สีเลสุ สุสมาหิโต
           อุเปโต ทมสจฺเจน,     ส เว กาสาวมรหตีติ. ๒-
ฉทฺทนฺตชาตเกนาปิ อยมตฺโถ ทีเปตพฺโพติ.
     ตตฺถ "อนิกฺกสาโวติ: กามราคาทีหิ กสาเวหิ สกสาโว.
ปริทเหสฺสตีติ: นิวาสนปารุปนตฺถรณวเสน ปริภุญฺชิสฺสติ. "ปริ-
ทหิสฺสตีติปิ ปาโ. อเปโต ทมสจฺเจนาติ: อินฺทฺริยทมเนน เจว
ปรมตฺถสจฺจปกฺขิเกน จ วจีสจฺเจน อเปโต. "วิยุตฺโตติ อตฺโถ.
น โสติ: โส เอวรูโป ปุคฺคโล กาสาวํ ปริทหิตุํ นารหติ.
     วนฺตกสาวสฺสาติ: จตูหิ มคฺเคหิ วนฺตกสาโว ฉฑฺฑิตกสาโว
ปหีนกสาโว อสฺส. สีเลสูติ: จตูสุ ปาริสุทฺธิสีเลสุ. สุสมาหิโตติ:
สุฏฺุ สมาหิโต สุฏฺุ ิโต. อุเปโตติ: อินฺทฺริยทมเนน เจว
วุตฺตปฺปกาเรน จ วจีสจฺเจน อุเปโต. ส เวติ: โส เอวรูโป
ปุคฺคโล ตํ กาสาววตฺถํ อรหตีติ.
@เชิงอรรถ: ๑. คาถาติ ยุตฺตตรํ. ๒. ขุ. ชา. ทุ. ๒๗/๘๓. ตทฏฺกถา. ๓/๒๖๑.


เนื้อความอรรถกถาฉบับภาษาบาลี อักษรไทย เล่มที่ ๑๘ หน้าที่ ๗๔.
http://84000.org/tipitaka/read/attha_page.php?book=18&page=74&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=18&A=1505&pagebreak=1
http://84000.org/tipitaka/atthapali/th_line.php?B=18&A=1505&pagebreak=1#p74