อรรถกถาเล่มที่ ๒ ภาษาบาลี อักษรไทย
วินย.อ. (สมนฺต.๒)
หน้าที่ ๑๗๖-๑๗๗.

หน้าที่ ๑๗๖.
โรโค ปฏิกุปฺเปยฺย ตสฺมา สณิกํ อาคนฺตพฺพํ ยโต ปฏฺาย
หิ สตฺถํ วา ปริเยสติ คจฺฉามีติ อาโภคํ วา กโรติ ตโต
ปฏฺาย วฏฺฏติ น ทานิ คมิสฺสามีติ เอวํ ปน ธุรนิกฺเขปํ
กโรนฺเตน ปจฺจุทฺธริตพฺพํ อติเรกจีวรฏฺาเน สฺสตีติ ฯ สเจ
ปนสฺส โรโค ปฏิกุปฺปติ กึ กาตพฺพนฺติ ฯ ปุสฺสเทวตฺเถโร ตาว
อาห สเจ โสเยว โรโค ปฏิกุปฺปติ สาเอว สมฺมติ ปุน
สมฺมติทานกิจฺจํ นตฺถิ อถญฺโ กุปฺปติ ปุน ทาตพฺพา สมฺมตีติ ฯ
อุปติสฺสตฺเถโร อาห โส วา โรโค โหตุ อญฺโ วา ปุน
สมฺมติทานกิจฺจํ นตฺถีติ ฯ
     {๔๗๕-๔๗๖} นิฏฺิตจีวรสฺมึ ภิกฺขุนาติ อิธ ปน ปุริมสิกฺขาปเท วิย อตฺถํ
อคฺคเหตฺวา นิฏฺิเต จีวรสฺมึ ภิกฺขุโนติ เอวํ สามิวเสน
กรณวจนสฺส อตฺโถ เวทิตพฺโพ ฯ กรณวเสน หิ ภิกฺขุนา อิทํ นาม
กาตพฺพนฺติ นตฺถิ สามิวเสน ปน ภิกฺขุโน จีวรสฺมึ นิฏฺิเต
กิเน จ อุพฺภเต เอวํ ฉินฺนปลิโพโธ เอกรตฺตมฺปิ เจ ภิกฺขุ
ติจีวเรน วิปฺปวเสยฺยาติ เอวํ อตฺโถ ยุชฺชติ ฯ ตตฺถ ติจีวเรนาติ
อธิฏฺิเตสุ ตีสุ จีวเรสุ เยนเกนจิ ฯ เอเกน วิปฺปวุฏฺโปิ หิ
ติจีวเรน วิปฺปวุฏฺโ โหติ ปฏิสิทฺธปริยาปนฺเนน วิปฺปวุฏฺตฺตา ฯ
เตเนวสฺส ปทภาชเน สงฺฆาฏิยา วาติ อาทิ วุตฺตํ ฯ วิปฺปวเสยฺยาติ
วิปฺปวุฏฺโ วเสยฺย ฯ
     {๔๗๗-๔๗๘} คาโม เอกูปจาโรติ อาทิ อวิปฺปวาสลกฺขณววฏฺาปนตฺถํ
วุตฺตํ ฯ ตโต ปรํ ยถากฺกเมน ตาเนว ปณฺณรส มาติกาปทานิ
---------------------------------------------------------------------------------------------
หน้าที่ ๑๗๗.
วิตฺถาเรนฺโต คาโม เอกูปจาโร นามาติ อาทิมาห ฯ ตตฺถ
เอกกุลสฺส คาโมติ เอกสฺส รญฺโ วา คามโภชกสฺส วา คาโม ฯ
ปริกฺขิตฺโตติ เยนเกนจิ ปากาเรน วา วติยา วา ปริขาย วา
ปริกฺขิตฺโต ฯ เอตฺตาวตา เอกกุลสฺส คามสฺส เอกูปจารตา ทสฺสิตา ฯ
อนฺโตคาเม วฏฺพฺพนฺติ เอวรูเป คาเม จีวรํ นิกฺขิปิตฺวา คามนฺตเร
ยถารุจิเต าเน อรุณํ อุฏฺาเปตุํ วฏฺฏติ ฯ อปริกฺขิตฺโตติ อิมินา
ตสฺเสว คามสฺส นานูปจารตา ทสฺสิตา ฯ ตสฺมึ ฆเร วฏฺพฺพนฺติ
เอวรูเป คาเม ยสฺมึ ฆเร จีวรํ นิกฺขิตฺตํ ตตฺถ วฏฺพฺพํ ฯ
หตฺถปาสา วา น วิชหิตพฺพนฺติ อถวา ตํ ฆรํ สมนฺตโต
หตฺถปาสา น วิชหิตพฺพํ ฯ อฑฺฒเตยฺยรตนปฺปมาณปฺปเทสา อุทฺธํ น
วิชหิตพฺพนฺติ วุตฺตํ โหติ ฯ อฑฺฒเตยฺยรตนพฺภนฺตเร ปน วฏฺุํ
วฏฺฏติ ฯ ตํ ปมาณํ อติกฺกมิตฺวา สเจปิ อิทฺธิมา ภิกฺขุ อากาเส
อรุณํ อุฏฺาเปติ นิสฺสคฺคิยเมว โหติ ฯ เอตฺถ จ ยสฺมึ ฆเรติ
ฆรปริจฺเฉโท เอกกุลสฺส นิเวสนํ โหตีติ อาทินา ลกฺขเณน
เวทิตพฺโพ ฯ {๔๗๙} นานากุลสฺส คาโมติ นานาราชูนํ วา คามโภชกานํ วา
คาโม เวสาลีกุสินาราทิสทิโส ฯ ปริกฺขิตฺโตติ อิมินา นานากุลสฺส
คามสฺส เอกูปจารตา ทสฺสิตา ฯ สภาเย วา ทฺวารมูเล วาติ
เอตฺถ สภายนฺติ ลิงฺคพฺยตฺตเยน สภา วุตฺตา ฯ ทฺวารมูเลติ
นครทฺวารสฺส สมีเป ฯ อิทํ วุตฺตํ โหติ เอวรูเป คาเม ยสฺมึ ฆเร
จีวรํ นิกฺขิตฺตํ ตตฺถ วา วฏฺพฺพํ ฯ ตตฺถ สทฺทสงฺฆุฏฺเน วา
ชนสมฺพาเธน วา วสิตุํ อสกฺโกนฺเตน สภาเย วา วฏฺพฺพํ


เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๑๗๖-๑๗๗.
http://84000.org/tipitaka/read/attha_page.php?book=2&page=176&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=2&A=3689&pagebreak=1
http://84000.org/tipitaka/atthapali/th_line.php?B=2&A=3689&pagebreak=1#p176