อรรถกถาเล่มที่ ๒ ภาษาบาลี อักษรไทย
วินย.อ. (สมนฺต.๒)
หน้าที่ ๓๕๑-๓๕๒.

หน้าที่ ๓๕๑.
ปกฺขิปติ เอกาว อาปตฺติ ฯ เอเกกํ ติณํ วา ปณฺณํ วา
ปกฺขิปนฺตสฺส ปโยเค ปโยเค อาปตฺติ ฯ มตฺติกายปิ อญฺเสุปิ
กฏฺกทฺทมโคมยาทีสุ เอเสว นโย ฯ อิทํ ปน มหาอุทกํ สนฺธาย
น วุตฺตํ ฯ ยํ ติเณ วา มตฺติกาย วา ปกฺขิตฺตาย ปริยาทานํ
คจฺฉติ อาวิลํ วา โหติ ยตฺถ ปาณกา มรนฺติ ตาทิสํ อุทกํ
สนฺธาย วุตฺตนฺติ เวทิตพฺพํ ฯ เสสเมตฺถ อุตฺตานเมวาติ ฯ ติสมุฏฺานํ
กายจิตฺตโต วาจาจิตฺตโต กายวาจาจิตฺตโต จ สมุฏฺาติ กิริยา
สญฺาวิโมกฺขํ สจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ
ติเวทนนฺติ ฯ
                   สปฺปาณกสิกฺขาปทํ ทสมํ
     สมตฺโต วณฺณนากฺกเมน เสนาสนวคฺโค ทุติโย ฯ
     {๑๔๑-๑๔๔} ภิกฺขุนีวคฺคสฺส ปมสิกฺขาปเท ฯ ลาภิโน โหนฺตีติ เอตฺถ
น เตสํ ภิกฺขุนิโย เทนฺติ น ทาเปนฺติ ฯ มหากุเลหิ ปพฺพชิตา ปน
กุลธีตโร อตฺตโน สนฺติกํ อาคตานํ าติมนุสฺสานํ กุโต อยฺเย
โอวาทํ อุทฺเทสํ ปริปุจฺฉํ ลภถาติ ปุจฺฉนฺตานํ อสุโก จ อสุโก จ
เถโร โอวทตีติ อสีติมหาสาวเก อุทฺทิสิตฺวา กถานุสาเรน เตสํ
สีลสุตาจารชาติโคตฺตาทิเภทํ วิชฺชมานคุณํ กถยนฺติ ฯ เอวรูปา หิ
วิชฺชมานคุณา กเถตุํ วฏฺฏนฺติ ฯ ตโต ปสนฺนจิตฺตา มนุสฺสา
เถรานํ จีวราทิเภทํ มหนฺตํ ลาภสกฺการํ อภิหรึสุ ฯ เตน วุตฺตํ
ลาภิโน โหนฺติ จีวร ฯเปฯ ปริกฺขารนฺติ ๑- ฯ ภิกฺขุนิโย
อุปสงฺกมิตฺวาติ เตสํ กิร สนฺติเก ตาสุ เอกา ภิกฺขุนีปิ น อาคจฺฉติ
@เชิงอรรถ: ๑. วิ. มหาวิภงฺค. ๒/๒๖๕.
---------------------------------------------------------------------------------------------
หน้าที่ ๓๕๒.
อภิณฺหํ ลาภตณฺหาย ปน อากฑฺฒิยมานหทยา ตาสํ อุปสฺสยํ
อคมํสุ ฯ ตํ สนฺธาย วุตฺตํ ภิกฺขุนิโย อุปสงฺกมิตฺวาติ ฯ ตาปิ
ภิกฺขุนิโย จลจิตฺตตาย เตสํ วจนํ อกํสุเยว ฯ เตน วุตฺตํ อถโข
ตา ภิกฺขุนิโย ฯเปฯ นิสีทึสูติ ๑- ฯ ติรจฺฉานกถนฺติ สคฺคมคฺคคมเนปิ
ติรจฺฉานภูตํ ราชกถาทิมเนกวิธํ นิรตฺถกกถํ ฯ อิทฺโธติ สมิทฺโธ ฯ
สหิตตฺโถ คมฺภีโร พหุรโส ลกฺขณปฏิเวธสํยุตฺโตติ อธิปฺปาโย ฯ
     {๑๔๕-๑๔๗} อนุชานามิ ภิกฺขเวติ เอตฺถ ยสฺมา เต ภิกฺขู มา ตุมฺเห ภิกฺขเว
ภิกฺขุนิโย โอวทิตฺถาติ วุจฺจมานา อธิฏฺสจฺจตฺตา ตถาคเต อาฆาตํ
พนฺธิตฺวา อปายูปคา ภเวยฺยุํ ตสฺมา เตสํ ตํ อปายูปคตํ
ปริหรนฺโต ภควา อญฺเเนว อุปาเยน เต ภิกฺขุโนวาทโต
ปริพาหิเร กตฺตุกาโม อิทํ ภิกฺขุนีโอวาทสมฺมตึ อนุชานาตีติ
เวทิตพฺโพ ฯ เอวํ อิธ ปริพาหิเร กตฺตุกามฺยตาย อนุชานิตฺวา
ปรโต กโรนฺโตว อนุชานามิ ภิกฺขเว อฏฺหงฺเคหิ สมนฺนาคตนฺติ ๒-
อาทิมาห ฯ อิมานิ หิ อฏฺ องฺคานิ ฉพฺพคฺคิยานํ สุปินนฺเตนปิ
น ภูตปุพฺพานีติ ฯ
     ตตฺถ สีลมสฺส อตฺถีติ สีลวา ฯ อิทานิ ยญฺจ อตฺถิ สีลํ
ยถา จ ตสฺส อตฺถิ นาม โหติ ตํ ทสฺเสนฺโต ปาฏิโมกฺขสํวรสํวุโตติ
อาทิมาห ฯ ตตฺถ ปาฏิโมกฺโขว สํวโร ปาฏิโมกฺขสํวโร ฯ
ปาฏิโมกฺขสํวเรน สํวุโต สมนฺนาคโตติ ปาฏิโมกฺขสํวรสํวุโต ฯ
วิหรตีติ วตฺตติ ฯ วุตฺตํ เหตํ วิภงฺเค ปาฏิโมกฺขนฺติ สีลํ
ปติฏฺา อาทิ จรณํ สํยโม สํวโร มุขํ ปมุขํ กุสลานํ ธมฺมานํ
@เชิงอรรถ: ๑. ๒. วิ. มหาวิภงฺค. ๒/๒๖๗ ๒๖๘.


เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๓๕๑-๓๕๒.
http://84000.org/tipitaka/read/attha_page.php?book=2&page=351&pages=2&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=2&A=7389&pagebreak=1
http://84000.org/tipitaka/atthapali/th_line.php?B=2&A=7389&pagebreak=1#p351