อรรถกถาเล่มที่ ๒ ภาษาบาลี อักษรไทย
วินย.อ. (สมนฺต.๒)
หน้าที่ ๓๘๕-๓๘๘.

หน้าที่ ๓๘๕.
ตทา ปากโฏ ชาโต ฯ กถํ ฯ เทวทตฺโต หตฺถึ ปโยเชสีติ หิ
กถาย อุปฺปนฺนาย น เกวลํ หตฺถึ ปโยเชสิ ราชานํปิ มาราเปสิ
อภิมาเรปิ เปเสสิ สิลํปิ ปวิชฺฌิ ปาโป เทวทตฺโตติ ปากโฏ
อโหสิ ฯ เกน สทฺธึ อิทํ กมฺมมกาสีติ จ วุตฺเต รญฺา
อชาตสตฺตุนาติ อาหํสุ ฯ ตโต นาครา กถํ หิ นาม ราชา
เอวรูปํ โจรํ สาสนกณฺฏกํ คเหตฺวา วิจริสฺสตีติ อุฏฺหึสุ ฯ ราชา
นครสงฺโขภํ ตฺวา เทวทตฺตํ นีหริ ฯ ตโต ปฏฺาย จสฺส
ปญฺจถาลิปากสตานิ อุปจฺฉินฺทิ ฯ อุปฏฺานํปิสฺส น อคมาสิ ฯ
อญฺเปิสฺส มนุสฺสา น กิญฺจิ ทาตพฺพํ วา กาตพฺพํ วา มญฺึสุ ฯ
เตน วุตฺตํ ปริหีนลาภสกฺกาโรติ ฯ กุเลสุ วิญฺาเปตฺวา
วิญฺาเปตฺวา ภุญฺชตีติ มา เม คโณ ภิชฺชีติ ปริสํ โปเสนฺโต ตฺวํ
เอกสฺส ภิกฺขุโน ภตฺตํ เทหิ ตฺวํ ทฺวินฺนนฺติ เอวํ วิญฺาเปตฺวา
สปริโส กุเลสุ ภุญฺชติ ฯ {๒๑๑} จีวรํ ปริตฺตํ อุปฺปชฺชตีติ ภตฺตํ
อคฺคณฺหนฺตานํ จีวรํ น เทนฺติ ตสฺมา ปริตฺตํ อุปฺปชฺชติ ฯ
     {๒๑๒} จีวรการเก ภิกฺขู ภตฺเตน นิมนฺเตนฺตีติ คาเม ปิณฺฑาย จริตฺวา
จิเรน จีวรํ นิฏฺาเปนฺเต ทิสฺวา เอวํ ลหุํ นิฏฺาเปตฺวา จีวรํ
ปริภุญฺชิสฺสนฺตีติ ปุญฺกมฺยตาย นิมนฺเตนฺติ ฯ {๒๑๕} นานาเวรชฺชเกติ
นานาวิเธหิ อญฺรชฺเชหิ อาคเต ฯ นานาเวรญฺชเก อิติปิ ปาโ ฯ
อยเมวตฺโถ ฯ
     {๒๑๗-๒๑๘} คณโภชเนติ คณสฺส โภชเน ฯ อิธ จ คโณ นาม จตฺตาโร
ภิกฺขู อาทึ กตฺวา ตทุตฺตรึ ภิกฺขู อธิปฺเปตา ฯ เตเนว สพฺพนฺติมํ
---------------------------------------------------------------------------------------------
หน้าที่ ๓๘๖.
ปริจฺเฉทํ ทสฺเสนฺโต อาห ยตฺถ จตฺตาโร ภิกฺขู ฯเปฯ เอตํ
คณโภชนํ นามาติ ฯ ตํ ปเนตํ คณโภชนํ ทฺวีหากาเรหิ ปสวติ
นิมนฺตนโต วา วิญฺตฺติโต วา ฯ กถํ นิมนฺตนโต ปสวติ ฯ
จตฺตาโร ภิกฺขู อุปสงฺกมิตฺวา ตุมฺเห ภนฺเต โอทเนน นิมนฺเตมิ
โอทนํ เม คณฺหาถ อากงฺขถ โอโลเกถ อธิวาเสถ ปฏิมาเนถาติ
เอวํ เยนเกนจิ เววจเนน วา ภาสนฺตเรน วา ปญฺจนฺนํ โภชนานํ
นามํ คเหตฺวา นิมนฺเตติ ฯ เอวํ เอกโต นิมนฺติตา ปริจฺฉินฺนกาลวเสน
อชฺชตนาย วา สฺวาตนาย วา เอกโต คจฺฉนฺติ เอกโต
คณฺหนฺติ เอกโต ภุญฺชนฺติ คณโภชนํ โหติ สพฺเพสํ อาปตฺติ ฯ
เอกโต นิมนฺติตา เอกโต วา นานโต วา คจฺฉนฺติ เอกโต
คณฺหนฺติ นานโต ภุญฺชนฺติ อาปตฺติเยว ฯ ปฏิคฺคหณเมว หิ
เอตฺถ ปมาณํ ฯ เอกโต นิมนฺติตา เอกโต วา นานโต วา
คจฺฉนฺติ นานโต คณฺหนฺติ เอกโต วา นานโต วา ภุญฺชนฺติ
อนาปตฺติ ฯ จตฺตาริ ปริเวณานิ วา วิหาเร วา คนฺตฺวา นานโต
นิมนฺติตา เอกฏฺาเน ิเตสุเยว วา เอโก ปุตฺเตน เอโก ปิตราติ
เอวมฺปิ นานโต นิมนฺติตา เอกโต วา นานโต วา คจฺฉนฺตุ
เอกโต วา นานโต วา ภุญฺชนฺตุ สเจ เอกโต คณฺหนฺติ
คณโภชนํ โหติ สพฺเพสํ อาปตฺติ ฯ เอวํ ตาว นิมนฺตนโต
ปสวติ ฯ กถํ วิญฺตฺติโต ปสวติ ฯ จตฺตาโร ภิกฺขู เอกโต ิตา
วา นิสินฺนา วา อุปาสกํ ทิสฺวา อมฺหากํ จตุนฺนํปิ ภตฺตํ เทหีติ
วา วิญฺาเปยฺยุํ ปาเฏกฺกํ วา ปสฺสิตฺวา มยฺหํ เทหิ มยฺหํ เทหีติ
---------------------------------------------------------------------------------------------
หน้าที่ ๓๘๗.
เอวํ เอกโต วา นานโต วา วิญฺาเปตฺวา เอกโต วา คจฺฉนฺตุ
นานโต วา ภตฺตํ คเหตฺวาปิ เอกโต วา ภุญฺชนฺตุ นานโต วา
สเจ เอกโต คณฺหนฺติ คณโภชนํ โหติ สพฺเพสํ อาปตฺติ ฯ
เอวํ วิญฺตฺติโต ปสวติ ฯ
     ปาทาปิ ผาลิตาติ ยถา มหาจมฺมสฺส ปรโต มํสํ ทิสฺสติ
เอวํ ผาลิตา วาลิกาย วา สกฺขราย วา ปหตมตฺตา ทุกฺขํ
อุปฺปาเทนฺติ น สกฺกา โหติ อนฺโตคาเม ปิณฺฑาย จริตุํ ฯ
ตาทิเส เคลญฺเ คิลานสมโยติ ภุญฺชิตพฺพํ ฯ น เลสกปฺปิยํ
กาตพฺพํ ฯ จีวเร กริยมาเนติ ยทา สาฏกํ จ สุตฺตํ จ ลภิตฺวา
จีวรํ กโรนฺติ ตทา ฯ วิสุํ หิ จีวรการสมโย นาม นตฺถิ ฯ ตสฺมา
โย ตตฺถ จีวเร กตฺตพฺพํ ยงฺกิญฺจิ กมฺมํ กโรติ มหาปจฺจริยํ
หิ อนฺตมโส สูจิเวธนโกติปิ วุตฺตํ เตน จีวรการสมโยติ
ภุญฺชิตพฺพํ ฯ กุรุนฺทิยํ ปน วิตฺถาเรเนว วุตฺตํ โย จีวรํ วิจาเรติ
ฉินฺทติ โมฆสุตฺตํ เปติ อาคนฺตุกปฏํ เปติ ปจฺจาคตํ สิพฺเพติ
อาคนฺตุกปฏํ พนฺธติ อนุวาตํ ฉินฺทติ ฆฏฺเฏติ อาโรเปติ ตตฺถ
ปจฺจาคตํ สิพฺพติ สุตฺตํ กโรติ วเลติ ปิปฺผลิกํ นิเสติ ปริวฏฺฏนํ
กโรติ สพฺโพปิ จีวรํ กโรติเยวาติ วุจฺจติ โย ปน สมีเป
นิสินฺโน ชาตกํ วา ธมฺมปทํ วา กเถติ อยํ น จีวรการโก
เอตํ เปตฺวา เสสานํ คณโภชเน อนาปตฺตีติ ฯ อฑฺฒโยชนนฺติ
เอตฺตกํปิ อทฺธานํ คนฺตุกาเมน ฯ โย ปน ทูรํ คนฺตุกาโม
ตตฺถ วตฺตพฺพเมว นตฺถิ ฯ คจฺฉนฺเตนาติ อทฺธานํ คจฺฉนฺเตน
---------------------------------------------------------------------------------------------
หน้าที่ ๓๘๘.
อฑฺฒโยชนพฺภนฺตเร คาวุเตปิ ภุญฺชิตุํ วฏฺฏติ ฯ คเตน
ภุญฺชิตพฺพนฺติ คเตน เอกทิวสํ ภุญฺชิตพฺพํ ฯ นาวาภิรุหเณปิ
เอเสว นโย ฯ อยํ ปน วิเสโส ฯ อภิรุฬฺเหน อิจฺฉิตฏฺานํ
คนฺตฺวาปิ ยาว น โอโรหติ ตาว ภุญฺชิตพฺพนฺติ มหาปจฺจริยํ
วุตฺตํ ฯ จตุตฺเถ อาคเตติ อยํ อนฺติมปริจฺเฉโท ฯ จตุตฺเถปิ อาคเต
ยตฺถ น ยาเปนฺติ โส มหาสมโย ฯ ยตฺถ ปน สตํ วา
สหสฺสํ วา สนฺนิปตนฺติ ตตฺถ วตฺตพฺพเมว นตฺถิ ฯ ตสฺมา
ตาทิเส กาเล มหาสมโยติ อธิฏฺหิตฺวา ภุญฺชิตพฺพํ ฯ โย โกจิ
ปริพฺพาชกสมาปนฺโนติ สหธมฺมิเกสุ วา ติตฺถิเยสุ วา อญฺตโร ฯ
เอเตสํ หิ เยนเกนจิ กเต ภตฺเต สมณภตฺตสมโยติ ภุญฺชิตพฺพํ ฯ
     {๒๒๐} อนาปตฺติ สมเยติ สตฺตสุ สมเยสุ อญฺตรสฺมึ อนาปตฺติ ฯ
เทฺว ตโย เอกโตติ เยปิ อกปฺปิยนิมนฺตนํ สาทิยิตฺวา เทฺว วา
ตโย วา เอกโต คเหตฺวา ภุญฺชนฺติ เตสํปิ อนาปตฺติ ฯ
     ตตฺถ อนิมนฺติตจตุตฺถํ ปิณฺฑปาติกจตุตฺถํ อนุปสมฺปนฺนจตุตฺถํ
ปตฺตจตุตฺถํ คิลานจตุตฺถนฺติ ปญฺจนฺนํ จตุกฺกานํ วเสน วินิจฺฉโย
เวทิตพฺโพ ฯ กถํ ฯ อิเธกจฺโจ จตฺตาโร ภิกฺขู ภตฺตํ คณฺหาถาติ
นิมนฺเตติ ฯ เตสุ ตโย คตา เอโก น คโต ฯ อุปาสโก
เอโก ภนฺเต เถโร กุหินฺติ ปุจฺฉติ ฯ นาคโต อุปาสกาติ ฯ
โส อญฺ ตํขณปฺปตฺตํ กญฺจิ เอหิ ภนฺเตติ สมฺปเวเสตฺวา
จตุนฺนํ ภตฺตํ เทติ ฯ สพฺเพสํปิ อนาปตฺติ ฯ กสฺมา ฯ
คณปูรกสฺส อนิมนฺติตตฺตา ฯ ตโยเอว น ตตฺถ นิมนฺติตา


เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๓๘๕-๓๘๘.
http://84000.org/tipitaka/read/attha_page.php?book=2&page=385&pages=4&pagebreak=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=2&A=8114&pagebreak=1
http://84000.org/tipitaka/atthapali/th_line.php?B=2&A=8114&pagebreak=1#p385