บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๒ ภาษาบาลี อักษรไทย วินย.อ. (สมนฺต.๒) หน้าที่ ๕๐๑.
ปฏิคฺคเหน ปฏิจฺฉนฺโต นํ ปฏิคฺคเห ฉฑฺเฑติ ๑- ฯ นีหริตฺวาติ พหิ นีหริตฺวา ฉฑฺเฑติ ฯ เอวํ ฉฑฺเฑนฺตสฺส อนาปตฺติ ฯ {๖๓๔} เสตจฺฉตฺตนฺติ วตฺถปลิคุณฺิตํ ปณฺฑรจฺฉตฺตํ ฯ กิลญฺชจฺฉตฺตนฺติ วิลีวจฺฉตฺตํ ฯ ปณฺณจฺฉตฺตนฺติ ตาลปณฺณาทีหิ เยหิ เกหิจิ กตํ ฯ มณฺฑลพทฺธํ สสากพทฺธนฺติ อิทํ ปน ติณฺณํปิ ฉตฺตานํ ปญฺชรทสฺสนตฺถํ วุตฺตํ ฯ ตานิ หิ มณฺฑลพทฺธานิ เจว โหนฺติ สลากพทฺธานิ จ ฯ ยํปิ ตตฺถ ชาตกทณฺฑเกน กตํ เอกปณฺณจฺฉตฺตํ โหติ ตํปิ ฉตฺตเมว ฯ เอเตสุ ยงฺกิญฺจิ ฉตฺตํ ปาณิมฺหิ อสฺสาติ ฉตฺตปาณิ ฯ โส ตํ ฉตฺตํ ธารยมาโน วา อํเส วา กตฺวา อูรุมฺหิ วา เปตฺวา ยาว หตฺเถน น มุญฺจติ ตาวสฺส ธมฺมํ เทเสตุํ น วฏฺฏติ ฯ เทเสนฺตสฺส วุตฺตนเยเนว ทุกฺกฏํ ฯ สเจ ปนสฺส อญฺโ ฉตฺตํ ธาเรติ ฉตฺตปาทุกาย วา ิตํ โหติ หตฺถโต อปคตมตฺเต ฉตฺเต ฉตฺตปาณิ นาม น โหติ ตสฺส ธมฺมํ เทเสตุํ วฏฺฏติ ฯ ธมฺมปริจฺเฉโท ปเนตฺถ ปทโสธมฺเม วุตฺตนเยเนว เวทิตพฺโพ ฯ {๖๓๕} ทณฺฑปาณิสฺสาติ เอตฺถ ทณฺโฑ นาม มชฺฌิมสฺส ปุริสสฺส จตูหตฺถปฺปมาโณ ฯ ทณฺฑปาณิภาโว ปนสฺส ฉตฺตปาณิมฺหิ วุตฺตนเยเนว เวทิตพฺโพ ฯ {๖๓๖} สตฺถปาณิมฺหิปิ เอเสว นโย ฯ อสึ สนฺนหิตฺวา ิโตปิ หิ สตฺถปาณิสงฺขฺยํ น คจฺฉติ ฯ {๖๓๗} อาวุธปาณิสฺสาติ เอตฺถ กิญฺจาปิ วุตฺตํ อาวุธํ นาม จาโป @เชิงอรรถ: ๑. ปฏิคฺคเห วาติ เอตฺถ ปฏิคฺคโห นาม อุชฺฌิฏฺปฏิคฺคหณภาชนํ ฯ ตตฺถ ปกฺขิปิตฺวา @นีหริตฺวา ฉฑฺเฑตีติ อมฺหากํ ขนฺติ.เนื้อความอรรถกถาฉบับภาษาบาลี อักษรไทย เล่มที่ ๒ หน้าที่ ๕๐๑. http://84000.org/tipitaka/read/attha_page.php?book=2&page=501&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=2&A=10546&pagebreak=1 http://84000.org/tipitaka/atthapali/th_line.php?B=2&A=10546&pagebreak=1#p501
จบการแสดงผล หน้าที่ ๕๐๑.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]