ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๒๐ ภาษาบาลี อักษรไทย ธ.อ.๓ ปุปฺผ-พาลวคฺค

หน้าที่ ๑๑๐.

ปฏิปถํ อาคจฺฉนฺตํ ทิสฺวา "ปุรโต คาโม กีวทูโรติ ปุจฺฉิตฺวา,
"โยชนนฺติ วุตฺเต, โถกํ คนฺตฺวา อปรมฺปิ ปุจฺฉิตฺวา, เตนาปิ "โยชนนฺติ
วุตฺเต, ปุน โถกํ คนฺตฺวา อปรํปิ ปุจฺฉติ. โสปิ "โยชนนฺติ วทติ, เต
ปุจฺฉิตปุจฺฉิตา "โยชนนฺติ วทนฺติ; "ทีฆํ วติทํ โยชนนฺติ เอกํ โยชนํ
เทฺว ตีณิ โยชนานิ วิย มญฺญติ. พาลานนฺติ: อิธโลกปรโลกตฺถํ
ปน อชานนฺตานํ พาลานํ สํสารวฏฺฏสฺส ปริยนฺตํ กาตุํ อสกฺโกนฺตานํ,
ยํ สตฺตตฺตึสโพธิปกฺขิกาทิเภทํ สทฺธมฺมํ ญตฺวา สํสารสฺส อนฺตํ
กโรนฺติ, ตํ สทฺธมฺมํ อวิชานตํ สํสาโร ทีโฆ นาม โหติ. โส หิ
อตฺตโน ธมฺมตาย เอว ทีโฆ นาม. วุตฺตมฺปิเจตํ ๑- "อนมตคฺโคยํ
ภิกฺขเว สํสาโร, ปุพฺพา โกฏิ น ปญฺญายตีติ. พาลานํ ปน ปริยนฺตํ
กาตุํ อสกฺโกนฺตานํ อติทีโฆเอวาติ.
       เทสนาวสาเน โส ปุริโส โสตาปตฺติผลํ ปตฺโต. อญฺเญปิ พหู
โสตาปตฺติผลาทีนิ ปตฺตา. มหาชนสฺส สาตฺถิกา เทสนา ชาตาติ.
       ราชา สตฺถารํ วนฺทิตฺวา คจฺฉนฺโตว เต สตฺเต พนฺธนา
โมเจสิ. ตตฺถ อิตฺถีปุริสา พนฺธนา มุตฺตา สีสํ นหาตฺวา สกานิ
เคหานิ คจฺฉนฺตา "จิรญฺชีวตุ โน อยฺยา มลฺลิกา เทวี, ยํ นิสฺสาย
ชีวิตํ ลภิมฺหาติ มลฺลิกาย คุณํ กถยึสุ. สายณฺหสมเย ธมฺมสภายํ กถํ
สมุฏฺฐาเปสุํ "อโห ปณฺฑิตา วตายํ มลฺลิกา อตฺตโน ปญฺญํ นิสฺสาย
เอตฺตกสฺส ชนสฺส ชีวิตทานํ อทาสีติ. สตฺถา อาคนฺตฺวา "กาย
นุตฺถ ภิกฺขเว เอตรหิ กถาย สนฺนิสินฺนาติ ปุจฺฉิตฺวา, "อิมาย นามาติ
@เชิงอรรถ: ๑. สํ. นิทาน. ๑๖/๒๑๒.



เนื้อความอรรถกถาฉบับภาษาบาลี อักษรไทย เล่มที่ ๒๐ หน้าที่ ๑๑๐. http://84000.org/tipitaka/read/attha_page.php?book=20&page=110&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=20&A=2267&modeTY=2&pagebreak=1 http://84000.org/tipitaka/atthapali/th_line.php?B=20&A=2267&modeTY=2&pagebreak=1#p110


จบการแสดงผล หน้าที่ ๑๑๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]