อรรถกถาเล่มที่ ๒๔ ภาษาบาลี อักษรไทย
ธ.อ.๗ มล-นาควคฺค
หน้าที่ ๖๐.

จกฺขุมา ตถาคโตว เสฏฺโ. จสทฺโท สมฺปิณฺฑนตฺโถ อรูปธมฺเม
สมฺปิณฺเฑติ; ตสฺมา อรูปธมฺมานํปิ ตถาคโต เสฏฺโ อุตฺตโม.
ทสฺสนสฺส วิสุทฺธิยาติ: มคฺคผลทสฺสนวิสุทฺธตฺถํ โย มยา "เสฏฺโติ
วุตฺโต, เอเสว มคฺโค; นตฺถญฺโ. เอตํ หีติ: ตสฺมา ตุมฺเห
เอตเมว ปฏิปชฺชถ. มารเสนปฺปโมหนนฺติ: เอตํ หิ "มารโมหนํ
มารวญฺจนนฺติ วุจฺจติ. ทุกฺขสฺสาติ สกลสฺสาปิ วฏฺฏทุกฺขสฺส อนฺตํ
ปริจฺเฉทํ กริสฺสถาติ อตฺโถ. สลฺลสตฺถนนฺติ: ราคสลฺลาทีนํ
สตฺถนํ นิมฺมถนํ อพฺพาหณํ เอตํ มคฺคํ มยา วินา อนุสฺสวาทีหิ
อตฺตปจฺจกฺขโต ตฺวาว อยํ มคฺโค อกฺขาโต, อิทานิ ตุมฺเหหิ
กิเลสานํ อาตาปเนน "อาตปฺปนฺติ สงฺขํ คตํ ตสฺส อธิคมตฺถาย
สมฺมปฺปธานวิริยํ กิจฺจํ กรณียํ, เกวลํ หิ อกฺขาตาโร ตถาคตา;
ตสฺมา เตหิ อกฺขาตวเสน เย ปฏิปนฺนา ทฺวีหิ ฌาเนหิ ฌายิโน,
เต เตภูมิกวฏฺฏสงฺขาตา มารพนฺธนา ปโมกฺขนฺตีติ อตฺโถ.
     เทสนาวสาเน เต ภิกฺขู อรหตฺเต ปติฏฺหึสุ. สมฺปตฺตานํปิ
สาตฺถิกา ธมฺมเทสนา อโหสีติ.
                     ปญฺจสตภิกฺขุวตฺถุ.
                       ---------


เนื้อความอรรถกถาฉบับภาษาบาลี อักษรไทย เล่มที่ ๒๔ หน้าที่ ๖๐.
http://84000.org/tipitaka/read/attha_page.php?book=24&page=60&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=24&A=1195&pagebreak=1
http://84000.org/tipitaka/atthapali/th_line.php?B=24&A=1195&pagebreak=1#p60