อรรถกถาเล่มที่ ๒๔ ภาษาบาลี อักษรไทย
ธ.อ.๗ มล-นาควคฺค
หน้าที่ ๗๐.

"น ตฺวํ อิมสฺมึ วิหาเร วสิตุํ ยุตฺตรูโปติ อจฺฉรํ ปหรึสุ. โส
สณฺาตุํ อสกฺโกนฺโต ตาวเทว นิกฺขมิตฺวา ปลายิ. อถ นํ
วีสติ วสฺส สหสฺสานิ กโต สมณธมฺโม สนฺธาเรตุํ นาสกฺขิ. ตโต
จวิตฺวา อวีจิมฺหิ นิพฺพตฺโต เอกํ พุทฺธนฺตรํ ปจิตฺวา อิทานิ
คิชฺฌกูเฏ วุตฺตปฺปกาเรน อตฺตภาเวน ทุกฺขํ อนุโภติ.
      สตฺถา อิทํ ตสฺส ปุพฺพกมฺมํ อาหริตฺวา "ภิกฺขเว ภิกฺขุนา
นาม กายาทีหิ อุปสนฺตรูเปน ภวิตพฺพนฺติ วตฺวา อิมํ คาถมาห
              "วาจานุรกฺขี มนสา สุสํวุโต
               กาเยน  จ อกุสลํ น กยิรา
               เอเต ตโย กมฺมปเถ วิโสธเย
               อาราธเย มคฺคมิสิปฺปเวทิตนฺติ.
      ตสฺสตฺโถ "จตุนฺนํ วจีทุจฺจริตานํ วชฺชเนน วาจานุรกฺขี,
อภิชฺฌาทีนํ อนุปฺปาทเนน มนสา สุฏฺุ สํวุโต, ปาณาติปาตาทโย
ปชหนฺโต กาเยน จ อกุสลํ น กยิรา, เอวํ ๑- เอเต ตโย กมฺมปเถ
วิโสธเย; เอวํ วิโสเธนฺโต หิ สีลกฺขนฺธาทีนํ เอสเกหิ พุทฺธาทีหิ
อิสีหิ ปเวทิตํ อฏฺงฺคิกํ มคฺคํ อาราเธยฺยาติ.
        เทสนาวสาเน พหู โสตาปตฺติผลาทีนิ ปาปุณึสูติ.
                      สูกรเปตวตฺถุ.
                         -----
@เชิงอรรถ: ๑. สี. ยุ.  "เอวนฺติ นตฺถิ.


เนื้อความอรรถกถาฉบับภาษาบาลี อักษรไทย เล่มที่ ๒๔ หน้าที่ ๗๐.
http://84000.org/tipitaka/read/attha_page.php?book=24&page=70&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=24&A=1395&pagebreak=1
http://84000.org/tipitaka/atthapali/th_line.php?B=24&A=1395&pagebreak=1#p70