อรรถกถาเล่มที่ ๒๖ หน้าที่ ๓๓๕.

อปริหีนปทพฺยญฺชนาติ อตฺโถ. ตถา หิ นํ ภควา "เอตทคฺคํ ภิกฺขเว มม สาวกานํ ภิกฺขูนํ กลฺยาณวากฺกรณานํ ยทิทํ โสโณ กุฏิกณฺโณ"ติ ^๑- เอตทคฺเค เปสิ. อตฺถสฺส วิญฺาปนิยาติ ยถาธิปฺเปตํ อตฺถํ วิญฺาเปตุํ สมตฺถาย. กติวสฺโสติ โส กิร มชฺฌิมวยสฺส ตติยโกฏฺาเส ิโต อากปฺปสมฺปนฺโน จ ปเรสํ จิรตรปพฺพชิโต วิย ขายติ. ตํ สนฺธาย ภควา ปุจฺฉตีติ เกจิ, ตํ อการณํ. เอวํ สนฺเต ^๒- สมาธิสุขํ อนุภวิตุํ ยุตฺโต, เอตฺตกํ กาลํ กสฺมา ปมาทํ อาปนฺโนติ ปุน อนุยุญฺชิตุํ สตฺถา "กตวสฺโสสี"ติ ตํ ปุจฺฉติ. เตเนวาห "กิสฺส ปน ตฺวํ ภิกฺขุ เอวํ จิรํ อกาสี"ติ. ตตฺถ กิสฺสาติ กึ การณา. เอวํ จิรํ อกาสีติ เอวํ จิรายิ. เกน การเณน เอวํ จิรกาลํ ปพฺพชฺชํ อนุปคนฺตฺวา อคารมชฺเฌ วสีติ อตฺโถ. จิรํ ทิฏฺโ เมติ จิเรน จิรกาเลน มยา ทิฏฺโ. กาเมสูติ กิเลสกาเมสุ จ วตฺถุกาเมสุ จ. อาทีนโวติ โทโส. อปิจาติ กาเมสุ อาทีนเว เกนจิ ปกาเรน ทิฏฺเปิ น ตาวาหํ ฆราวาสโต นิกฺขิมิตุํ อสกฺขึ. กสฺมา? สมฺพาโธ ฆราวาโส อุจฺจาวเจหิ กิจฺจกรณีเยหิ สมุปพฺยูโฬฺห อคาริยภาโว. เตเนวาห "พหุกิจฺโจ พหุกรณีโย"ติ. เอตมตฺถํ วิทิตฺวาติ กาเมสุ ยถาภูตํ อาทีนวทสฺสิโน จิตฺตํ จิรายิตฺวาปิ น ปติฏฺาติ, อญฺทตฺถุํ ปทุมปลาเส อุทกพินฺทุ วิย วินิวตฺตติเยวาติ เอตมตฺถํ สพฺพาการโต วิทิตฺวา. อิมํ อุทานนฺติ ปวตฺติญฺจ นิวตฺติญฺจ สมฺมเทว ชานนฺโต ปวตฺติยํ ตนฺนิมิตฺเต จ น กทาจิปิ รมตีติ อิทมตฺถทีปกํ อิมํ อุทานํ อุทาเนสิ. ตตฺถ ทิสฺวา อาทีนวํ โลเกติ สพฺพสฺมิมฺปิ ^๓- สงฺขารโลเก "อนิจฺโจ ทุกฺโข วิปริณามธมฺโม"ติอาทินา อาทีนวํ โทสํ ปญฺาจกฺขุนา ^๔- ปสฺสิตฺวา. เอเตน @เชิงอรรถ: ^๑ องฺ. เอกก. ๒๐/๒๐๖/๒๔ ^๒ ม. เอวํ สนฺตํ @^๓ ฉ.ม. สพฺพสฺมึ ^๔ ฉ.ม. ปญฺาย

เนื้อความอรรถกถาฉบับภาษาบาลี อักษรไทย เล่มที่ ๒๖ หน้าที่ ๓๓๕. http://84000.org/tipitaka/read/attha_page.php?book=26&page=335&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=26&A=7502&pagebreak=1 http://84000.org/tipitaka/atthapali/th_line.php?B=26&A=7502&pagebreak=1#p335