บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๒๗ ภาษาบาลี อักษรไทย อิติ.อ. (ปรมตฺถที.) หน้าที่ ๓๓๗.
สมฺโมเหน อภิภูตา วิเสเสน สมฺมุฬฺหา นามาติ วุตฺตา. เอเต อคฺคี อชานนฺตาติ "เอเต ราคคฺคิอาทโย อิธ เจว สมฺปราเย จ อนุทหนฺตี"ติ อชานนฺตา ปริญฺาภิสมยวเสน ปหานาภิสมยวเสน จ อปฺปฏิวิชฺฌนฺตา. สกฺกายาภิรตาติ สกฺกาเย อุปาทานกฺขนฺธปญฺจเก ตณฺหาทิฏฺิมานนนฺทนาภิรตา. วฑฺฒยนฺตีติ ปุนปฺปุนํ อุปฺปชฺชเนน วฑฺฒยนฺติ อาจินนฺติ. นิรยนฺติ อฏฺวิธํ มหานิรยํ, โสฬสวิธํ อุสฺสทนิรยนฺติ สพฺพมฺปิ นิรยํ. ติรจฺฉานญฺจ โยนิโยติ ติรจฺฉานโยนิโย จ. อสุรนฺติ อสุรกายํ เปตฺติวิสยญฺจ วฑฺฒยนฺตีติ สมฺพนฺโธ. เอตฺตาวตา ราคคฺคิอาทีนํ อิธ เจว สมฺปราเย จ อนุทหนภาวทสฺสนมุเขน วฏฺฏํ ทสฺเสตฺวา อิทานิ เนสํ นิพฺพาปเนน วิวฏฺฏํ ทสฺเสตุํ "เย จ รตฺตินฺทิวาติอาทิ วุตฺตํ. ตตฺถ ยุตฺตาติ ภาวนานุโยควเสน ยุตฺตา. กตฺถ? สมฺมาสมฺพุทฺธสาสเน. เตน อญฺสาสเน ราคคฺคิอาทีนํ นิพฺพาปนาภาวํ ทสฺเสติ. ตถา หิ อนญฺสาธารณํ เตสํ นิพฺพาปนวิธึ อสุภกมฺมฏฺานํ สงฺเขเปเนว ทสฺเสนฺโต:- "เต นิพฺพาเปนฺติ ราคคฺคึ นิจฺจํ อสุภสญฺิโน โทสคฺคึ ปน เมตฺตาย นิพฺพาเปนฺติ นรุตฺตมา โมหคฺคึ ปน ปญฺาย ยายํ นิพฺเพธคามินี"ติ อาห. ตตฺถ อสุภสญฺิโนติ ทฺวตฺตึสาการวเสน เจว อุทฺธุมาตกาทิวเสน จ อสุภภาวนานุโยเคน อสุภสญฺิโน. เมตฺตายาติ "โส เมตฺตาสหคเตน เจตสา เอกํ ทินํ ผริตฺวา วิหรตี"ติ ๑- วุตฺตาย เมตฺตาภาวนาย. เอตฺถ จ อสุภชฺฌานญฺจ ปาทกํ กตฺวา นิพฺพตฺติตอนาคามิมคฺเคน ราคคฺคิโทสคฺคีนํ นิพฺพาปนํ เวทิตพฺพํ. ปญฺายาติ วิปสฺสนาปญฺาสหิตาย มคฺคปญฺาย. เตเนวาห "ยายํ นิพฺเพธคามินี"ติ. สา หิ กิเลสกฺขนฺธํ วินิวิชฺฌนฺตี คจฺฉติ ปวตฺตตีติ @เชิงอรรถ: ๑ องฺ.ติก. ๒๐/๖๔/๑๗๘เนื้อความอรรถกถาฉบับภาษาบาลี อักษรไทย เล่มที่ ๒๗ หน้าที่ ๓๓๗. http://84000.org/tipitaka/read/attha_page.php?book=27&page=337&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=27&A=7456&pagebreak=1 http://84000.org/tipitaka/atthapali/th_line.php?B=27&A=7456&pagebreak=1#p337
จบการแสดงผล หน้าที่ ๓๓๗.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]