ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๒๘ ภาษาบาลี อักษรไทย สุตฺต.อ.๑ (ปรมตฺถ.๑)

หน้าที่ ๑๘.

อุจฺฉินฺทนฺโต วเธตีติ วุตฺตํ โหติ. โส ภิกฺขุ ตสฺมึเยว ขเณ สพฺพปฺปการมฺปิ
ชหาติ โอรปารนฺติ. เทสนาปริโยสาเน โส ภิกฺขุ อรหตฺเต ปติฏฺิโตติ.
      [๕] โย นาชฺฌคมาติ กา อุปฺปตฺติ? อิมิสฺสา คาถาย อิโต
ปรานญฺจ ทฺวาทสนฺนํ เอกาเยว อุปฺปตฺติ:- เอกํ สมยํ ภควา สาวตฺถิยํ
วิหรติ, เตน โข ปน สมเยน อญฺตโร พฺราหฺมโณ อตฺตโน ธีตาย
วาเรยฺเย ปจฺจุปฏฺิเต จินฺเตสิ "เกนจิ วสเลน อปริภุตฺตปุพฺเพหิ ปุปฺเผหิ
ทาริกํ อลงฺกริตฺวา ปติกุลํ เปเสสฺสามี"ติ. โส สนฺตรพาหิรํ สาวตฺถึ
วิจินนฺโต กิญฺจิ ติณปุปฺผมฺปิ อปริภุตฺตปุพฺพํ นาทฺทส. อถ สมฺพหุเล
ธุตฺตกชาติเย พฺราหฺมณทารเก สนฺนิปติเต ทิสฺวา "เอเต ปุจฺฉิสฺสามิ, อวสฺสํ
สมฺพหุเลสุ โกจิ ชานิสฺสตี"ติ อุปสงฺกมิตฺวา ปุจฺฉิ. เต ตํ พฺราหฺมณํ
อุปฺผณฺเฑนฺตา อาหํสุ "อุทุมฺพรปุปฺผํ นาม พฺราหฺมณ โลเก น เกนจิ
ปริภุตฺตปุพฺพํ, เตน ธีตรํ อลงฺกริตฺวา เทหี"ติ. โส ทุติยทิวเส กาลสฺเสว
อุฏฺาย ๑- ภตฺตวิสฺสคฺคํ กตฺวา อจิรวติยา นทิยา ตีเร อุทุมฺพรวนํ คนฺตฺวา
เอกเมกํ รุกฺขํ วิจินนฺโต ปุปฺผสฺส วณฺฏมตฺตมฺปิ นาทฺทส. อถ วีติวตฺเต
มชฺฌนฺติเก ทุติยตีรํ อคมาสิ, ตตฺร จ อญฺตโร ภิกฺขุ อญฺตรสฺมึ
มนุญฺเ รุกฺขมูเล ทิวาวิหารํ นิสินฺโน กมฺมฏฺานํ มนสิกโรติ. โส ตตฺถ
อุปสงฺกมิตฺวา อมนสิกริตฺวา สกึ นิสีทิตฺวา สกึ อุกฺกุฏิโก หุตฺวา สกึ ตฺวา
ตํ รุกฺขํ สพฺพสาขาวิฏปปตฺตนฺตเรสุ วิจินนฺโต กิลมติ. ตโต นํ โส ภิกฺขุ
อาห "พฺราหฺมณ กึ มคฺคสี"ติ. อุทุมฺพรปุปฺผํ โภติ. อุทุมฺพรปุปฺผํ นาม
พฺราหฺมณ โลเก นตฺถิ, มุสา เอตํ วจนํ, มา กิลมาติ. อถ ภควา ตสฺส
ภิกฺขุโน อชฺฌาสยํ วิทิตฺวา โอภาสํ มุญฺจิตฺวา สมุปฺปนฺนสมนฺนาหารพหุมานสฺส
อิมา โอภาสคาถาโย อภาสิ "โย นาชฺฌคมา ภเวสุ สารนฺ"ติ. สพฺพา
วตฺตพฺพา.
     ตตฺถ ปมคาถาย ตาว นาชฺฌคมาติ นาธิคจฺฉิ, นาธิคจฺฉติ วา. ภเวสูติ
กามรูปารูปสญฺีอสญฺีเนวสญฺีนาสญฺีเอกโวการจตุโวการปญฺจโวการภเวสุ.
@เชิงอรรถ:  ฉ.ม. วุฏฺาย



เนื้อความอรรถกถาฉบับภาษาบาลี อักษรไทย เล่มที่ ๒๘ หน้าที่ ๑๘. http://84000.org/tipitaka/read/attha_page.php?book=28&page=18&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=28&A=435&pagebreak=1 http://84000.org/tipitaka/atthapali/th_line.php?B=28&A=435&pagebreak=1#p18


จบการแสดงผล หน้าที่ ๑๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]