ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๒๙ ภาษาบาลี อักษรไทย สุตฺต.อ.๒ (ปรมตฺถ.๒)

หน้าที่ ๑๒๙.

วยปฺปตฺตา ทาริกา โหติ. โส ตํ อลงฺกริตฺวา นีหริตฺวา ทฺวาเร ิตสฺเสว
พฺราหฺมณสฺส หตฺเถ อุทกํ อาสิญฺจนฺโต "อิมํ เต พฺราหฺมณ ภริยํ โปสาวนตฺถาย
ทมฺมี"ติ วตฺวา เทติ.
      กสฺมา ปน เต เอวํ จิรํ พฺรหฺมจริยํ จริตฺวาปิ ทารํ ปริเยสนฺติ, น
ยาวชีวํ พฺรหฺมจาริโน โหนฺตีติ? มิจฺฉาทิฏฺิวเสน. เตสญฺหิ เอวํ ทิฏฺิ โหติ
"โย ปุตฺตํ น อุปฺปาเทติ, โส กุลวํสจฺเฉทกโร โหติ, ตโต นิรเย ปจฺจตี"ติ
จตฺตาโร กิร อภายิตพฺพํ ๑- ภายนฺติ คณฺฑุปฺปาโท กิกี โกนฺตินี ๒- พฺราหฺมณาติ. ๓-
คณฺฑุปฺปาทา กิร มหาปวิกฺขยภเยน มตฺตโภชิโน โหนฺติ, น พหุมตฺติกํ
ขาทนฺติ. กิกี สกุณิกา อากาสปตนภเยน อณฺฑสฺส อุปริ อุตฺตานา เสติ.
โกนฺตินี สกุณิกา ปวิกมฺปนภเยน ปาเทหิ ภูมึ น สุฏฺุ อกฺกมติ. พฺราหฺมณา
กุลวํสูปจฺเฉทภเยน ทารํ ปริเยสนฺติ. อาห เจตฺถ:-
         "คณฺฑุปฺปาโท กิกี เจว         โกนฺโต ๔- พฺราหฺมณธมฺมิโก
         เอเต อภยํ ๕-  ภายนฺติ       สมฺมูฬฺหา จตุโร ชนา"ติ.
      เอวํ ธมฺเมน ทารํ ปริเยสิตฺวาปิ จ สมฺปิเยเนว สํวาสํ สงฺคนฺตฺวา
สมโรจยุํ, สมฺปิเยเนว อญฺมญฺ เปเมเนว กาเยน จ จิตฺเตน จ มิสฺสีภูตา
สงฺฆฏิตา สํสฏฺา หุตฺวา สํวาสมโรจยุํ, ๖- น อปฺปิเยน น นิคฺคเหน จาติ
วุตฺตํ โหติ.
      [๒๙๔] เอวํ สมฺปิเยเนว สํวาสํ กโรนฺโตปิ จ ๗- อญฺตฺร ตมฺหาติ, โย
โส อุตุสมโย, ยมฺหิ สมเย พฺราหฺมณี พฺราหฺมเณน อุปคนฺตพฺพา, อญฺตฺร
ตมฺหา สมยา เปตฺวา ตํ สมยํ อุตุโต วิรตํ อุตุเวรมณึ ปติ ภริยํ, ยาว ปุน
@เชิงอรรถ:  สี. อภายิตพฺพา   สี.,อิ. โกนฺตนี, ฉ. กุนฺตนี. เอวมุปริปิ
@ ก. พฺราหมโณติ   ฉ.ม. กุนฺตี   สี. อภายา
@ สี. สํวาสมโรเจสุํ, ฉ.ม. สํวาสํ สมโรจยุํ   สี.,อิ. โรเจนฺตาปิ จ



เนื้อความอรรถกถาฉบับภาษาบาลี อักษรไทย เล่มที่ ๒๙ หน้าที่ ๑๒๙. http://84000.org/tipitaka/read/attha_page.php?book=29&page=129&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=29&A=2899&pagebreak=1 http://84000.org/tipitaka/atthapali/th_line.php?B=29&A=2899&pagebreak=1#p129


จบการแสดงผล หน้าที่ ๑๒๙.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]