บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓ ภาษาบาลี อักษรไทย วินย.อ. (สมนฺต.๓) หน้าที่ ๒๖๘.
ปกฺเข นิสินฺโน อิเม ธมฺมวาทิโนติ คณฺหาติ อยํ อตฺตนาว อตฺตานํ สมานสํวาสกํ กโรตีติ เวทิตพฺโพ ฯ {๔๕๖} กายกมฺมํ วจีกมฺมนฺติ เอตฺถ กาเยน ปหรนฺตา กายกมฺมํ อุปทํเสนฺติ ผรุสํ วทนฺตา วจีกมฺมํ อุปทํเสนฺตีติ เวทิตพฺพา ฯ หตฺถปรามาสํ กโรนฺตีติ โกธวเสน หตฺเถหิ อญฺมญฺ ปรามสนํ กโรนฺติ ฯ อธมฺมิยมาเนติ อธมฺมิยานิ กิจฺจานิ กุรุมาเน ฯ อสมฺโมทิกาย วตฺตมานายาติ สมฺโมทิกาย อวตฺตมานาย ฯ อยเมว วา ปาโ ฯ สมฺโมทน- กถาย อวตฺตมานายาติ อตฺโถ ฯ เอตฺตาวตา น อญฺมญฺนฺติ เอตฺถ เทฺว ปนฺติโย กตฺวา อุปจารํ มุญฺจิตฺวา นิสีทิตพฺพํ ฯ ธมฺมิยมาเน ปน ปกฺเข สมฺโมทิกาย วตฺตมานาย อาสนนฺตริกาย นิสีทิตพฺพํ เอเกกํ อาสนํ อนฺตรํ กตฺวา นิสีทิตพฺพํ ฯ {๔๕๗-๔๕๘} มา ภณฺฑนนฺติอาทีสุ อกตฺถาติ ปาเสสํ คเหตฺวา มา ภณฺฑนํ อกตฺถาติ เอวํ อตฺโถ ทฏฺพฺโพ ฯ อธมฺมวาทีติ อุกฺขิตฺตานุวตฺตเกสุ อญฺตโร ฯ อยํ ปน ภิกฺขุ ภควโต อตฺถกาโม ฯ อยํ กิรสฺส อธิปฺปาโย อิเม ภิกฺขู โกธาภิภูตา สตฺถุวจนํ น คณฺหนฺติ มา ภควา เอเต โอวทนฺโต กิลมิตฺถาติ ตสฺมา เอวมาห ฯ ภควา ปน ปจฺฉาปิ สญฺ ลภิตฺวา โอรมิสฺสนฺตีติ เตสํ อนุกมฺปาย อตีตวตฺถุํ อาหริตฺวา กเถสิ ฯ ตตฺถ อนตฺถโตติ อนตฺโถ อโต ฯ เอตสฺมา เม ปุริสา อนตฺโถติ วุตฺตํ โหติ ฯ อถวา อนตฺถโตติ อนตฺถโท ฯ เสสํ ปากฏเมว ฯ {๔๖๔} ปุถุสทฺโทติ- อาทิคาถาสุ ปน ปุถุ มหา สทฺโท อสฺสาติ ปุถุสทฺโท ฯเนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๒๖๘. http://84000.org/tipitaka/read/attha_page.php?book=3&page=268&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=3&A=5517&pagebreak=1 http://84000.org/tipitaka/atthapali/th_line.php?B=3&A=5517&pagebreak=1#p268
จบการแสดงผล หน้าที่ ๒๖๘.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]