อรรถกถาเล่มที่ ๓๐ หน้าที่ ๑๐๘.

เตนมฺหิ เอวญฺชลิตานุภาวา วณฺโณ จ เม สพฺพทิสา ปภาสตี"ติ. [๑๘๔] มม จ ภนฺเต วจเนน ภควโต ปาเท สิรสา วนฺเทยฺยาสิ "ลขุมา นาม ภนฺเต อุปาสิกา ภควโต ปาเท สิรสา วนฺทตี"ติ. อนจฺฉริยํ โข ปเนตํ ภนฺเต ยํ มํ ภควา อญฺญตรสฺมึ สามญฺญผเล พฺยากเรยฺย. ตํ ภควา สกทาคามิผเล พฺยากาสีติ. #[๑๗๗] ตตฺถ เกวฏฺฏทฺวารา นิกฺขมฺมาติ เกวฏฺฏทฺวารโต นิกฺขมนฏฺฐาเน. #[๑๗๘] ฑากนฺติ ตณฺฑุเลยฺยกาทิสากพฺยญฺชนํ. โลณโสวีรกนฺติ ธญฺญรสาทีหิ พหูหิ สมฺภาเรหิ สมฺปาเทตพฺพํ เอกํ ปานกํ. "อาจามกญฺชิกโลณูทกนฺ"ติปิ วทนฺติ. ปุจฺฉาวิสฺสชฺชนาวสาเน สา เถรสฺส ธมฺมเทสนาย สกทาคามิผลํ ปาปุณิ. เสสํ อุตฺตราวิมาเน วุตฺตนยานุสาเรน เอว เวทิตพฺพํ. ^๑- ลขุมาวิมานวณฺณนา นิฏฺฐิตา. ----------------- ๒๐. ๓. อาจามทายิกาวิมานวณฺณนา ปิณฺฑาย เต จรนฺตสฺสาติ อาจามทายิกาวิมานํ. ตสฺส กา อุปฺปตฺติ? ภควา ราชคเห วิหรติ เวฬุวเน กลนฺทกนิวาเป. เตน โข ปน สมเยน ราชคเห อญฺญตรํ กุลํ อหิวาตกโรเคน ^๒- อุปทฺทุตํ อโหสิ, ตตฺถ สพฺเพ ชนา มตา ฐเปตฺวา เอกํ @เชิงอรรถ: ^๑ ก. วุตฺตนยเมว ^๒ ฉ.ม. อหิวาตโรเคน. เอวมุปริปิ

เนื้อความอรรถกถาฉบับภาษาบาลี อักษรไทย เล่มที่ ๓๐ หน้าที่ ๑๐๘. http://84000.org/tipitaka/read/attha_page.php?book=30&page=108&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=30&A=2324&modeTY=2&pagebreak=1 http://84000.org/tipitaka/atthapali/th_line.php?B=30&A=2324&modeTY=2&pagebreak=1#p108