บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๐ ภาษาบาลี อักษรไทย วิมาน.อ. (ปรมตฺถที.) หน้าที่ ๓๘.
เอวํ เถเรน ปุจฺฉิตา สา เทวตา ปญฺหํ วิสฺสชฺเชสิ, ตมตฺถํ ทสฺเสตุํ:- [๓๗] "สา เทวตา อตฺตมนา โมคฺคลฺลาเนน ปุจฺฉิตา ปญฺหํ ปุฏฺฐา วิยากาสิ ยสฺส กมฺมสฺสิทํ ผลนฺ"ติ อยํ คาถา ธมฺมสงฺคาหเกหิ วุตฺตา, ตสฺสา อตฺโถ เหฏฺฐา วุตฺโต เอว. [๓๘] "ทิสฺวาน คุณสมฺปนฺนํ ฌายึ ฌานรตํ สตํ อทาสึ ปุปฺผาภิกิณฺณํ อาสนํ ทุสฺสสนฺถตํ. [๓๙] อุปฑฺฒํ ปทฺมมาลาหํ อาสนสฺส สมนฺตโต อพฺโภกิริสฺสํ ปตฺเตหิ ปสนฺนา เสหิ ๑- ปาณิหิ. [๔๐] ตสฺส กมฺมกุสลสฺส อิทํ เม อีทิสํ ผลํ สกฺกาโร ครุกาโร จ เทวานํ อปจิตา อหํ. [๔๑] โย เว สมฺมาวิมุตฺตานํ สนฺตานํ พฺรหฺมจารินํ ปสนฺโน อาสนํ ทชฺชา เอวํ นนฺเท ยถา อหํ. [๔๒] ตสฺมา หิ อตฺตกาเมน มหตฺตมภิกงฺขตา อาสนํ ทาตพฺพํ โหติ สรีรนฺติมธารินนฺ"ติ เทวตาย วุตฺตคาถา. #[๓๘] ตตฺถ คุณสมฺปนฺนนฺติ สพฺเพหิ สาวกคุเณหิ สมนฺนาคตํ, เตหิ วา ปริปุณฺณํ. เอเตน สาวกปารมิญาณสฺส มตฺถกปฺปตฺตึ ทสฺเสติ. ฌายินฺติ อารมฺมณูปนิชฺฌานํ ลกฺขณูปนิชฺฌานนฺติ ทุวิเธนปิ ฌาเนน ฌายนสีลํ, เตน @เชิงอรรถ: ๑ ก. สเกหิเนื้อความอรรถกถาฉบับภาษาบาลี อักษรไทย เล่มที่ ๓๐ หน้าที่ ๓๘. http://84000.org/tipitaka/read/attha_page.php?book=30&page=38&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=30&A=820&modeTY=2&pagebreak=1 http://84000.org/tipitaka/atthapali/th_line.php?B=30&A=820&modeTY=2&pagebreak=1#p38
จบการแสดงผล หน้าที่ ๓๘.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]