อรรถกถาเล่มที่ ๓๑ ภาษาบาลี อักษรไทย
เปต.อ. (ปรมตฺถที.)
หน้าที่ ๑๐๖.

         [๒๑๘] ขตฺติยา พฺราหฺมณา เวสฺสา   สุทฺทา จณฺฑาลปุกฺกุสา
               เอเต จญฺเ จ ชาติยา     เตปิ โน อชรามรา.
         [๒๑๙] เย มนฺตํ ปริวตฺเตนฺติ       ฉฬงฺคํ พฺรหฺมจินฺติตํ
               เอเต จญฺเ จ วิชฺชาย     เตปิ โน อชรามรา.
         [๒๒๐] อิสโย วาปิ เย สนฺตา      สญฺตตฺตา ตปสฺสิโน
               สรีรํ เตปิ กาเลน         วิชหนฺติ ตปสฺสิโน.
         [๒๒๑] ภาวิตตฺตา อรหนฺโต        กตกิจฺจา อนาสวา
               นิกฺขิปนฺติ อิมํ เทหํ         ปุญฺปาปปริกฺขยา"ติ
ปญฺจหิ คาถาหิ รญฺโ ธมฺมํ เทเสสิ.
    #[๒๑๗] ตตฺถ มหทฺธนาติ นิธานคตสฺเสว มหโต ธนสฺส อตฺถิตาย พหุธนา.
มหาโภคาติ เทวโภคสทิสาย มหติยา โภคสมฺปตฺติยา สมนฺนาคตา. รฏฺวนฺโตติ
สกลรฏฺวนฺโต. ปหูตธนธญฺาเสติ ติณฺณํ จตุนฺนํ วา สํวจฺฉรานํ อตฺถาย นิทหิตฺวา
เปตพฺพสฺส นิจฺจปริพฺพยภูตสฺส ธนธญฺสฺส วเสน อปริยนฺตธนธญฺา. เตปิ โน
อชรามราติ เตปิ เอวํ มหาวิภวา มนฺธาตุมหาสุทสฺสนาทโย ๑- ขตฺติยา อชรามรา
นาเหสุํ, อญฺทตฺถุ มรณมุขเมว อนุปติฏฺาติ ๒- อตฺโถ.
    #[๒๑๘] เอเตติ ยถาวุตฺตขตฺติยาทโย. อญฺเติ อญฺตรา เอวํภูตา ๓-
อมฺพฏฺาทโย. ชาติยาติ อตฺตโน ชาตินิมิตฺตํ อชรามรา นาเหสุนฺติ อตฺโถ.
    #[๒๑๙] มนฺตนฺติ เวทํ. ปริวตฺเตนฺตีติ สชฺฌายนฺติ วาเจนฺติ จ. อถ วา
ปริวตฺเตนฺตีติ เวทํ อนุปริวตฺเตนฺตา โหมํ กโรนฺตา ชปนฺติ. ฉฬงฺคนฺติ
สิกฺขากปฺปนิรุตฺติพฺยากรณโชติสตฺถฉนฺโทวิจิติสงฺขาเตหิ ฉหิ องฺเคหิ ยุตฺตํ.
พฺรหฺมจินฺติตนฺติ
@เชิงอรรถ: ๑ สี.,อิ. มหามนฺธาตุมหาสุทสฺสนาทโย    ๒ ฉ.ม. อนุปวิฏฺาติ
@๓ สี.,อิ. อนนฺตรา เอวํ วณฺณภูตา


เนื้อความอรรถกถาฉบับภาษาบาลี อักษรไทย เล่มที่ ๓๑ หน้าที่ ๑๐๖.
http://84000.org/tipitaka/read/attha_page.php?book=31&page=106&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=31&A=2330&pagebreak=1
http://84000.org/tipitaka/atthapali/th_line.php?B=31&A=2330&pagebreak=1#p106