อรรถกถาเล่มที่ ๓๙ หน้าที่ ๔๑๕.

ตํ สุตฺวา พฺยคฺโฆ ปญฺจมํ คาถมาห โย เต สขา ททฺทโร สาธุรูโป ตสฺส วธํ ปริสงฺกามิ อชฺช ปุริสสฺส กมฺมายตนานิ สุตฺวา นาหํ สุขึ ททฺทรํ อชฺช มญฺเญติ ฯ ตตฺถ ททฺทโรติ ติตฺติโร ฯ ตสฺส วธนฺติ ตสฺส ติตฺติรปณฺฑิตสฺส อิมมฺหา ปุริสา อชฺช วธํ ปริสงฺกามิ ฯ นาหํ สุขินฺติ อหํ อชฺช ททฺทรํ สุขึ อาโรคฺยํ น มญฺญามิ ฯ อถ นํ สีโห ฉฏฺฐมํ คาถมาห กานิสฺส กมฺมายตนานิ อสฺสุ ปุริสสฺส วุตฺติสโมธานตาย กํ วา ปฏิญฺญํ ปุริสสฺส สุตฺวา ปริสงฺกสิ ททฺทรํ มาณเวนาติ ฯ ตตฺถ อสฺสูติ อสฺโสสิ ฯ วุตฺติสโมธานตายาติ ชีวิตวุตฺติสโมธานตฺ- ถาย ฯ กานิ นาม อิมินา อตฺตโน กมฺมานิ ตุยฺหํ กถิตานีติ อตฺโถ ฯ มาณเวนาติ กึ สุตฺวา อิมินา มาณเวน มาริตํ ปริสงฺกมสิ ฯ อถสฺส กเถนฺโต พฺยคฺฆราชา เสสคาถา อภาสิ จิณฺณา กลิงฺคา จริตา วณิชฺชา เวตฺตาจโร สงฺกุปโถปิ จิณฺโณ นเฏหิ จิณฺณํ สห วากุเรหิ ทณฺเฑน ยุทฺธมฺปิ สมชฺชมชฺเฌ ฯ

เนื้อความอรรถกถาฉบับภาษาบาลี อักษรไทย เล่มที่ ๓๙ หน้าที่ ๔๑๕. http://84000.org/tipitaka/read/attha_page.php?book=39&page=415&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=39&A=8388&modeTY=2&pagebreak=1 http://84000.org/tipitaka/atthapali/th_line.php?B=39&A=8388&modeTY=2&pagebreak=1#p415