อรรถกถาเล่มที่ ๔ หน้าที่ ๒๗๘.

โกสลกาติ โกสลรฏฺวาสิโน. มาคธกาติ มคธรฏฺวาสิโน. กรณีเยนาติ อวสฺสํ กตฺตพฺพกมฺเมน. ยํ หิ อกาตุํปิ วฏฺฏติ, ตํ กิจฺจนฺติ วุจฺจติ. ยํ อวสฺสํ กาตพฺพเมว, ตํ กรณียํ นาม. [๓๖๐] ปฏิสลฺลีโน ภควาติ นานารมฺมณจารโต ปฏิกฺกมฺม สลฺลีโน นิลีโน, เอกีภาวํ อุปคมฺม เอกตฺตารมฺมเณ ฌานรตึ อนุภวตีติ อตฺโถ. ตตฺเถวาติ ตสฺมึเยว วิหาเร. เอกมนฺตนฺติ ตสฺมา านา อปกฺกมฺม ตาสุ ตาสุ รุกฺขจฺฉายาสุ นิสีทึสุ. โอฏฺทฺธลิจฺฉวิวตฺถุวณฺณนา [๓๖๑] โอฏฺทฺโธติ อทฺโธฏฺตาย เอวํ ลทฺธนาโม. มหติยา ลิจฺฉวิปริสายาติ ปุเรภตฺตํ พุทฺธปฺปมุขสฺส ภิกฺขุสํฆสฺส ทานํ ทตฺวา ภควโต สนฺติเก อุโปสถงฺคานิ อธิฏฺหิตฺวา คนฺธมาลาทีนิ คาหาเปตฺวา อุคฺโฆสนาย มหตึ ลิจฺฉวิราชปริสํ สนฺนิปาตาเปตฺวา ตาย นีลปีตาทิวณฺณวตฺถาภรณวิเลปนปฏิมณฺฑิตาย ตาวตึสปริสสปฺปฏิภาคาย มหติยา ลิจฺฉวิปริสาย สทฺธึ อุปสงฺกมิ. อกาโล โข มหาลีติ ตสฺส โอฏฺทฺธสฺส มหาลีติ มูลนามํ, เตน มูลนามมตฺเตน นํ เถโร มหาลีติ อาลปติ. เอกมนฺตํ นิสีทีติ ปฏิรูปาสุ รุกฺขจฺฉายาสุ ตาย ลิจฺฉวิปริสาย สทฺธึ รตนตฺตยสฺส วณฺณํ กถยนฺโต นิสีทิ. [๓๖๒] สีโห สมณุทฺเทโสติ อายสฺมโต นาคิตสฺส ภาคิเนยฺโย สตฺตวสฺสกาเล ปพฺพชิตฺวา สาสเน ยุตฺตปยุตฺโต "สีโห"ติ เอวํนามโก สามเณโร, โส กิร ตํ มหาปริสํ ทิสฺวา "อยํ ปริสา มหตี สกลํ วิหารํ ปูเรตฺวา นิสินฺนา, อทฺธา ภควา อชฺช อิมิสฺสา ปริสาย มหนฺเตน อุสฺสาเหน ธมฺมํ เทเสสฺสติ, ยนฺนูนาหํ อุปชฺฌายสฺสาจิกฺขิตฺวา ภควโต มหาปริสาย สนฺนิปติตภาวํ อาโรจาเปยฺยนฺ"ติ จินฺเตตฺวา เยนายสฺมา นาคิโต เตนุปสงฺกมิ. ภนฺเต กสฺสปาติ เถรํ โคตฺเตน อาลปติ. เอสา ชนตาติ เอโส ชนสมูโห. ตฺวญฺเว ภควโต อาโรเจหีติ สีโห กิร ภควโต วิสฺสาสิโก, อยํ หิ เถโร ถูลสรีโร, เตนสฺส ^๑- สรีรครุตาย อุฏฺานนิสชฺชาทีสุ อาลสิยภาโว อีสกํ @เชิงอรรถ: ^๑ ก. เถรสฺส

เนื้อความอรรถกถาฉบับภาษาบาลี อักษรไทย เล่มที่ ๔ หน้าที่ ๒๗๘. http://84000.org/tipitaka/read/attha_page.php?book=4&page=278&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=4&A=7294&pagebreak=1 http://84000.org/tipitaka/atthapali/th_line.php?B=4&A=7294&pagebreak=1#p278