ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๔ ภาษาบาลี อักษรไทย ที.อ. (สุมงฺคล.๑)

หน้าที่ ๒๘๑.

โสตาปนฺโน โหตีติ มคฺคโสตํ อาปนฺโน โหติ. อวินิปาตธมฺโมติ จตูสุ อปาเยสุ
อปตนธมฺโม. นิยโตติ ธมฺมนิยาเมน นิยโต. สมฺโพธิปรายโนติ อุปริมคฺคตฺตยสงฺขาตา
สมฺโพธิ ปรํ อยนํ อสฺส, อเนน วา ปตฺตพฺพาติ สมฺโพธิปรายโน.
      ตนุตฺตาติ ปริยุฏฺานมนฺทตาย จ กทาจิ กรหจิ อุปฺปตฺติยา จ
ตนุภาวา. โอรมฺภาคิยานนฺติ เหฏฺาภาคิยานํ, เยหิ พทฺโธ อุปริสุทฺธาวาสภูมิยํ
นิพฺพตฺติตุํ น สกฺโกติ. โอปปาติโกติ เสสโยนิปฏิกฺเขปวจนเมตํ. ตตฺถ ปรินิพฺพายีติ
ตสฺมึ อุปริภเวเยว ปรินิพฺพานธมฺโม. อนาวตฺติธมฺโมติ ตโต พฺรหฺมโลกา ปุน
ปฏิสนฺธิวเสน อนาวตฺตนธมฺโม.
      เจโตวิมุตฺตินฺติ จิตฺตวิสุทฺธึ, สพฺพกิเลสพนฺธนวิมุตฺตสฺส
อรหตฺตผลจิตฺตสฺเสตํ อธิวจนํ. ปญฺาวิมุตฺตินฺติ เอตฺถาปิ
สพฺพกิเลสพนฺธนวิมุตฺตา อรหตฺตผลปญฺาว ปญฺาวิมุตฺตีติ เวทิตพฺพา. ทิฏฺเว
ธมฺเมติ อิมสฺมึเยว อตฺตภาเว. สยนฺติ สามํ. อภิญฺาติ อภิชานิตฺวา.
สจฺฉิกตฺวาติ ปจฺจกฺขํ กตฺวา. อถวา, อภิญฺา สจฺฉิกตฺวาติ อภิญฺาย อภิวิสิฏฺเาเณน สจฺฉิกริตฺวาติปิ อตฺโถ. อุปสมฺปชฺชาติ ปตฺวา ปฏิลภิตฺวา.
                        อริยอฏฺงฺคิกมคฺควณฺณนา
      [๓๗๔-๓๗๕] อิทํ สุตฺวา ลิจฺฉวิราชา ๑- จินฺเตสิ "อยํ วรธมฺโม ๒-
น สกุเณน วิย อุปฺปติตฺวา นาปิ โคธาย วิย อุเรน คนฺตฺวา สกฺกา ปฏิวิชฺฌิตุํ,
อทฺธา ปน อิมํ ปฏิวิชฺฌนฺตสฺส ปุพฺพภาคปฏิปทาย ภวิตพฺพํ, ปุจฺฉามิ ตาว
นนฺ"ติ. ตโต ภควนฺตํ ปุจฺฉนฺโต "อตฺถิ ปน ภนฺเต"ติ อาทิมาห. อฏฺงฺคิโกติ
ปญฺจงฺคิกํ ตุริยํ วิย, อฏฺงฺคิโก คาโม วิย จ อฏฺงฺคมตฺโตเยว หุตฺวา
อฏฺงฺคิโก, น องฺคโต อญฺโ มคฺโค นาม อตฺถิ. เตเนวาห "เสยฺยถีทํ?
"สมฺมาทิฏฺิ ฯเปฯ สมฺมาสมาธี"ติ. ตตฺถ สมฺมาทสฺสนลกฺขณา สมฺมาทิฏฺิ.
สมฺมาอภินิโรปนลกฺขโณ สมฺมาสงฺกปฺโป. สมฺมาปริคฺคหณลกฺขณา สมฺมาวาจา.
สมฺมาสมุฏฺาปนลกฺขโณ สมฺมากมฺมนฺโต. สมฺมาโวทาปนลกฺขโณ  สมฺมาอาชีโว.
@เชิงอรรถ:  สี. ลิจฺฉวิ          ฉ.ม., อิ. ปน ธมฺโม



เนื้อความอรรถกถาฉบับภาษาบาลี อักษรไทย เล่มที่ ๔ หน้าที่ ๒๘๑. http://84000.org/tipitaka/read/attha_page.php?book=4&page=281&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=4&A=7371&pagebreak=1 http://84000.org/tipitaka/atthapali/th_line.php?B=4&A=7371&pagebreak=1#p281


จบการแสดงผล หน้าที่ ๒๘๑.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]