อรรถกถาเล่มที่ ๔ หน้าที่ ๓๒๓.

อิทฺธิปาฏิหาริยวณฺณนา [๔๘๓-๔๘๔] อถ ภควา อยํ อุปาสโก มยิ ปฏิพาหนฺเตปิ ปุนฺปฺปุนํ ยาจติเยว. "หนฺทสฺส ปาฏิหาริยกรเณ อาทีนวํ ทสฺเสมี"ติ จินฺเตตฺวา "ตีณิ โข"ติอาทิมาห. ตตฺถ อมาหํ ภิกฺขุนฺติ อมุํ อหํ ภิกฺขุํ. คนฺธารีติ คนฺธาเรน นาม อิสินา กตา, คนฺธารรฏฺเ วา อุปฺปนฺนวิชฺชา. ตตฺถ กิร พหู อิสโย วสึสุ, เตสุ เอเกน กตา วิชฺชาติ อธิปฺปาโย. อฏฺฏิยามีติ อฏฺโฏ ปีฬิโต วิย โหมิ. หรายามีติ ลชฺชามิ. ชิคุจฺฉามีติ คูถํ ทิสฺวา วิย ชิคุจฺฉํ อุปฺปาเทมิ. อาเทสนาปาฏิหาริยวณฺณนา [๔๘๕] ปรสตฺตานนฺติ อญฺเสํ สตฺตานํ. ทุติยํ ตสฺเสว เววจนํ. อาทิสตีติ กเถติ. เจตสิกนฺติ โสมนสฺสโทมนสฺสํ อธิปฺเปตํ. เอวมฺปิ เต มโนติ เอวํ ตว มโน โสมนสฺสิโต วา โทมนสฺสิโต วา กามวิตกฺกาทิสมฺปยุตฺโต วา. ทุติยํ ตสฺเสว เววจนํ. อิติปิ เต จิตฺตนฺติ อิติ ตว จิตฺตํ, อิมญฺจิมญฺจ อตฺถํ จินฺตยมานํ ปวตฺตตีติ อตฺโถ. มณิกา นาม วิชฺชาติ "จินฺตามณี"ติ เอวํ ลทฺธนามา โลเก เอกา วิชฺชา อตฺถิ, ตาย ปเรสํ จิตฺตํ ชานาตีติ ทีเปติ. อนุสาสนีปาฏิหาริยวณฺณนา [๔๘๖] เอวํ วิตกฺเกถาติ เอวํ เนกฺขมฺมวิตกฺกาทโย ปวตฺเตนฺตา วิตกฺเกถ. มา เอวํ วิตกฺกยิตฺถาติ เอวํ กามวิตกฺกาทโย ปวตฺเตนฺตา มา วิตกฺกยิตฺถ. เอวํ มนสิกโรถาติ เอวํ อนิจฺจสญฺเมว, ทุกฺขสญฺาทีสุ วา อญฺตรํ มนสิกโรถ. มา เอวนฺติ "นิจฺจนฺ"ติ อาทินา นเยน มา มนสิกริตฺถ. อิทนฺติ อิทํ ปญฺจกามคุณิกราคํ ปชหถ. อิทํ อุปสมฺปชฺชาติ อิทํ จตุมคฺคผลปฺปเภทํ โลกุตฺตรธมฺมเมว อุปสมฺปชฺช ปาปุณิตฺวา นิปฺผาเทตฺวา วิหรถ. อิติ ภควา อิทฺธิวิธํ อิทฺธิปาฏิหาริยนฺติ ทสฺเสติ, ปรสฺส จิตฺตํ ตฺวา กถนํ อาเทสนาปาฏิหาริยนฺติ, สาวกานญฺจ พุทฺธานญฺจ สตตํ ธมฺมเทสนา อนุสาสนีปาฏิหาริยนฺติ.

เนื้อความอรรถกถาฉบับภาษาบาลี อักษรไทย เล่มที่ ๔ หน้าที่ ๓๒๓. http://84000.org/tipitaka/read/attha_page.php?book=4&page=323&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=4&A=8452&pagebreak=1 http://84000.org/tipitaka/atthapali/th_line.php?B=4&A=8452&pagebreak=1#p323