บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๔๒ ภาษาบาลี อักษรไทย ชา.อ.๘ ปญฺญาส-อสีตินิปาต หน้าที่ ๑๘๕.
อุปฺปนฺโน ตํ โข ปน เม อปสฺสนฺตสฺส อชฺช สตฺตโม ทิวโส กหํ นุโข เม ยสทายโกติ นนฺทปณฺฑิตํ สริ ฯ โส ตสฺสานุสฺสรณภาวํ ญตฺวา อาคนฺตฺวา ปุรโต อากาเส อฏฺฐาสิ ฯ โส ราชานํ ทิสฺวา เอวํ จินฺเตสิ อหํ อิมสฺส ตาปสสฺส เทวตาภาวํ วา มนุสฺสภาวํ วา น ชานามิ สเจ หิ เอส มนุสฺโส สกลชมฺพูทีเป รชฺชํ เอตสฺเสว ทสฺสามิ อถ เทโว เทวตาสกฺการมสฺส กริสฺสามีติ ฯ โส ตํ วีมํสนฺโต ปฐมํ คาถมาห เทวตา นุสิ คนฺธพฺโพ อาทู สกฺโก ปุรินฺทโท มนุสฺสภูโต อิทฺธิมา กถํ ชาเนมุ ตํ มยนฺติ ฯ โส ตสฺส วจนํ สุตฺวา สภาวเมว กเถนฺโต ทุติยํ คาถมาห นมฺหิ เทโว น คนฺธพฺโพ นมฺหิ สกฺโก ปุรินฺทโท มนุสฺสภูโต อิทฺธิมา เอวํ ชานาหิ ภารถาติ ฯ ตตฺถ ภารถาติ รฏฺฐภารธาริตาย ตํ เอวํ อาลปติ ฯ ตํ สุตฺวา ราชา มนุสฺสภูโต กิรายํ มยฺหํ เอวํ พหูปกาโร มหนฺเตน ยเสน สนฺตปฺเปสฺสามีติ จินฺเตตฺวา อาห กตรูปมิทํ โภโต เวยฺยาวจฺจํ อนปฺปกํ เทวมฺหิ วสฺสมานมฺหิ อโนวสฺสํ ภวํ อกา ฯ ตโต วาตาตเป โฆเร สีตจฺฉายํ ภวํ อกา ตโต อมิตฺตมชฺเฌ จ สรตาณํ ภวํ อกา ฯเนื้อความอรรถกถาฉบับภาษาบาลี อักษรไทย เล่มที่ ๔๒ หน้าที่ ๑๘๕. http://84000.org/tipitaka/read/attha_page.php?book=42&page=185&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=42&A=3750&modeTY=2&pagebreak=1 http://84000.org/tipitaka/atthapali/th_line.php?B=42&A=3750&modeTY=2&pagebreak=1#p185
จบการแสดงผล หน้าที่ ๑๘๕.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]