อรรถกถาเล่มที่ ๔๔ หน้าที่ ๓๕๐.

อนุจฺจงฺคีติ อนินฺทิตอครหิตงฺคี ฯ ปีฬมานาวาติ กมฺปิตฺวา กิลนฺตา วิย คจฺฉติ ฯ ยสฺสุ อิตฺถีสหสฺสาติ อาทีสุ ปเทสุ อสฺสูติ นิปาโต ยาติ อตฺโถ ฯ ยาสาติปิ ปาโ ฯ สิวายาติ สิงฺคาลิยา ฯ ปุเรติ ปุพฺเพ นคเร วสนฺตี ฯ อินฺทสโคตฺตสฺสาติ โกสิยโคตฺตสฺส ฯ วาริณีวาติ เทวตาปวิฏฺา ยกฺขทาสี วิย ฯ ทุกฺเขนาติ ปุตฺตวิโยคโสกทุกฺเขน ฯ อาคมฺมิมํ ปุรนฺติ อิมํ ปุตฺเต คเต ปุตฺตสฺส นิเวสนํ อาคนฺตฺวา ฯ ปิเย ปุตฺเตติ เวสฺสนฺตรญฺจ มทฺทิญฺจ สนฺธายาห ฯ หตจฺฉาปาติ หตปุตฺตา หตโปตกา ฯ ปพฺพาเชสิ จ นํ รฏฺาติ ยทิ นํ เวสฺสนฺตรํ รฏฺา ปพฺพาเชสิ ฯ เทวิยา ปริเทวสทฺทํ สุตฺวา สพฺพา สญฺชยสฺส สิวิกญฺาโย สมาคตา ปกฺกนฺทึสุ ฯ ตาสํ ปกฺกนฺทิตสทฺทํ สุตฺวา มหาสตฺตสฺส นิเวสเน ตเถว ปกฺกนฺทึสุ ฯ อิติ ทฺวีสุ ราชกุเลสุ โกจิ สกภาเวน สณฺาเรตุํ อสกฺโกนฺโต วาตเวเคน ปมทฺทิตา สาลา วิย ปติตฺวา ปริเทวมาโน ปริเทวิ ฯ ตมตฺถํ ปกาเสนฺโต สตฺถา อาห ตสฺสา ลาลปิตํ สุตฺวา สพฺพา อนฺเตปุเร อหุ พาหา ปคฺคยฺห ปกฺกนฺทุํ สิวิกญฺา สมาคตา สาลาว สมฺปมถิตา มาลุเตน ปมทฺทิตา เสนฺติ ปุตฺตา จ ทารา จ เวสฺสนฺตรนิเวสเน โอโรธา จ กุมารา จ เวสิยานา จ พฺราหฺมณา พาหา ปคฺคยฺห ปกฺกนฺทุํ เวสฺสนฺตรนิเวสเน

เนื้อความอรรถกถาฉบับภาษาบาลี อักษรไทย เล่มที่ ๔๔ หน้าที่ ๓๕๐. http://84000.org/tipitaka/read/attha_page.php?book=44&page=350&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=44&A=7265&pagebreak=1 http://84000.org/tipitaka/atthapali/th_line.php?B=44&A=7265&pagebreak=1#p350