อรรถกถาเล่มที่ ๔๗ หน้าที่ ๓๑๕.

จตสฺโส ปฏิปทาติ "ทุกฺขาปฏิปทาทนฺธาภิญฺญา, ทุกฺขาปฏิปทาขิปฺปาภิญฺญา, สุขาปฏิปทาทนฺธาภิญฺญา, สุขาปฏิปทาขิปฺปาภิญฺญา"ติ ^๑- วุตฺตา จตสฺโส ปฏิปทา. จตฺตาริ อารมฺมณานีติ ปริตฺตํ ปริตฺตารมฺมณํ, ปริตฺตํ อปฺปมาณารมฺมณํ, อปฺปมาณํ ปริตฺตารมฺมณํ, อปฺปมาณํ อปฺปมาณารมฺมณนฺติ ^๒- วุตฺตานิ จตฺตาริ อารมฺมณานิ. กสิณาทิอารมฺมณานํ อววตฺถาเปตพฺพโต อารมฺมณวนฺตานิ ฌานานิ วุตฺตานีติ เวทิตพฺพานิ. จตฺตาโร อริยวํสาติ อริยา วุจฺจนฺติ พุทฺธา จ ปจฺเจกพุทฺธา จ ตถาคตสาวกา จ, เตสํ อริยานํ วํสา ตนฺติโย ปเวณิโยติ อริยวํสา. เก ปน เต? จีวรสนฺโตโส ปิณฺฑปาตสนฺโตโส เสนาสนสนฺโตโส ภาวนารามตาติ อิเม จตฺตาโร. คิลานปจฺจยสนฺโตโสปิ ปิณฺฑปาตสนฺโตเส วุตฺเต วุตฺโตเยว โหติ. โย หิ ปิณฺฑปาเต สนฺตุฏฺโฐ, โส กถํ คิลานปจฺจเย อสนฺตุฏฺโฐ ภวิสฺสติ. จตฺตาริ สงฺคหวตฺถูนีติ จตฺตาริ ชนสงฺคณฺหณการณานิ, ทานญฺจ เปยฺยวชฺชญฺจ อตฺถจริยา จ สมานตฺตตา จาติ ^๓- อิมานิ จตฺตาริ. ทานนฺติ ยถารหํ ทานํ. เปยฺยวชฺชนฺติ ยถารหํ ปิยวจนํ. อตฺถจริยาติ ตตฺถ ตตฺถ กตฺตพฺพสฺส กรณวเสน กตฺตพฺพากตฺตพฺพานุสาสนวเสน จ วุทฺธิกิริยา. สมานตฺตตาติ สห มาเนน สมาโน, สปริมาโณ สปริคณโนติ อตฺโถ. สมาโน ปรสฺส อตฺตา เอเตนาติ สมานตฺโต, สมานตฺตสฺส ภาโว สมานตฺตตา, อยํ มยา หีโน, อยํ มยา สทิโส, อยํ มยา อธิโก"ติ ปริคเณตฺวา ตทนุรูเปน อุปจรณํ กรณนฺติ อตฺโถ. "สมานสุขทุกฺขตา สมานตฺตตา"ติ จ วทนฺติ. จตฺตาริ จกฺกานีติ เอตฺถ จกฺกํ นาม ทารุจกฺกํ รตนจกฺกํ ธมฺมจกฺกํ อิริยาปถจกฺกํ สมฺปตฺติจกฺกนฺติ ปญฺจวิธํ. ตตฺถ "ยํ ปน ตํ เทว จกฺกํ ฉหิ มาเสหิ @เชิงอรรถ: ^๑ ที.ปา. ๑๑/๓๑๑/๒๐๔ ^๒ อภิ.สงฺ. ๓๔/๑๘๕/๕๘๙ @^๓ องฺ.จตุกฺก. ๒๑/๓๒,๒๕๖/๔๔,๓๕๓

เนื้อความอรรถกถาฉบับภาษาบาลี อักษรไทย เล่มที่ ๔๗ หน้าที่ ๓๑๕. http://84000.org/tipitaka/read/attha_page.php?book=47&page=315&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=47&A=7032&modeTY=2&pagebreak=1 http://84000.org/tipitaka/atthapali/th_line.php?B=47&A=7032&modeTY=2&pagebreak=1#p315