อรรถกถาเล่มที่ ๔๙ ภาษาบาลี อักษรไทย
อป.อ.๑ (วิสุทฺธ.๑)
หน้าที่ ๓๔๒.

วินยปิฏกปริยาปนฺเน อการาทิเก อกฺขเร. พฺยญฺชเนติ กการาทิเก พฺยญฺชเน
วา เม วิมติ สํสโย นตฺถีติ สมฺพนฺโธ.
     [๕๒๐] นิคฺคเห ปฏิกมฺเม จาติ ปาปภิกฺขูนํ นิคฺคเห จ สาปตฺติกานํ
ภิกฺขูนํ ปริวาสทานาทิเก ปฏิกมฺเม จ านาฏฺาเน ๑- จ การเณ จ อการเณ จ
โกวิโท เฉโกติ อตฺโถ. โอสารเณ จ ตชฺชนียาทิกมฺมสฺส ปฏิปฺปสฺสทฺธิวเสน
โอสารเณ ปเวสเน จ. วุฏฺาปเน จ อาปตฺติโต วุฏฺาปเน นิราปตฺติกรเณ
จ เฉโกติ สมฺพนฺโธ. สพฺพตฺถ ปารมึ คโตติ สพฺพสฺมึ วินยกมฺเม ปริโยสานํ
ปตฺโต, ทกฺโข เฉโกติ อตฺโถ.
     [๕๒๑] วินเย ขนฺธเก จาปีติ วุตฺตปฺปกาเร วินเย จ ขนฺธเก จ
ปทํ สุตฺตปทํ ๒- นิกฺขิปิตฺวา ปฏฺเปตฺวา. อุภโต วินิเวเตฺวาติ วินยโต
ขนฺธกโต จาติ อุภยโต นิพฺพตฺเตตฺวา วิชเฏตฺวา นยํ อาหริตฺวา. รสโตติ
กิจจโต. โอสเรยฺยํ โอสารณํ กโรมีติ อตฺโถ.
     [๕๒๒] นิรุตฺติยา จ กุสโลติ "รุกฺโข ปโฏ กุมฺโภ มาลา จิตฺตนฺ"ติอาทีสุ
โวหาเรสุ เฉโก. อตฺถานตฺเถ จ โกวิโทติ อตฺเถ วฑฺฒิยํ อนตฺเถ หานิยํ จ
โกวิโท ทกฺโขติ อตฺโถ. อนญฺาตํ มยา นตฺถีติ วินยปิฏเก สกเล วา ปิฏกตฺตเย
มยา อนญฺาตํ อวิทิตํ อปากฏํ กิญฺจิ นตฺถีติ อตฺโถ. เอกคฺโค สตฺถุ สาสเนติ
พุทฺธสาสเน อหเมว เอโก วินยธรานํ อคฺโค เสฏฺโ อุตฺตโมติ อตฺโถ.
     [๕๒๓] รูปทกฺเข อหํ อชฺชาติ อชฺช เอตรหิ กาเล สกฺยปุตฺตสฺส
ภควโต สาสเน ปาวจเน อหํ รูปทกฺเข รูปทสฺสเน วินยวินิจฺฉยทสฺสเน สพฺพํ
กงฺขํ สกลํ สํสยํ วิโนเทมิ วินาเสมีติ สมฺพนฺโธ. ฉินฺทามิ สพฺพสํสยนฺติ
"อโหสึ นุ โข อหมตีตมทฺธานนฺ"ติอาทิกํ ๓- กาลตฺตยํ อารพฺภ อุปฺปนฺนํ สพฺพํ
โสฬสวิธํ กงฺขํ ฉินฺทามิ วูปสเมมิ สพฺพโส วิทฺธํเสมีติ อตฺโถ.
     [๕๒๔] ปทํ อนุปทญฺจาปีติ ปทํ ปุพฺพปทญฺจ อนุปทํ ปรปทญฺจ
อกฺขรํ เอเกกมกฺขรญฺจ พฺยญฺชนํ สิถิลธนิตาทิทสวิธํ พฺยญฺชนวิธานญฺจ.
@เชิงอรรถ: ๑ ปาฬิ. านาาเน.  ๒ สี., อิ. ยุตฺตปทํ.
@๓ ม. มู. ๑๒/๑๘/๑๑, สํ.นิ. ๑๖/๒๐/๒๖, ขุ. มหา. ๒๙/๘๑๐/๕๐๙ (สฺยา.).


เนื้อความอรรถกถาฉบับภาษาบาลี อักษรไทย เล่มที่ ๔๙ หน้าที่ ๓๔๒.
http://84000.org/tipitaka/read/attha_page.php?book=49&page=342&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=49&A=8545&pagebreak=1
http://84000.org/tipitaka/atthapali/th_line.php?B=49&A=8545&pagebreak=1#p342