ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๔๙ ภาษาบาลี อักษรไทย อป.อ.๑ (วิสุทฺธ.๑)

หน้าที่ ๓๔๕.

โลกสฺส ธมฺมราชา ธมฺเมน สเมน ราชา ทสปารมิตาธมฺมปริปูรเณน
ราชภูตตฺตา "ธมฺมราชา"ติ ปวุจฺจติ กถียตีติ สมฺพนฺโธ.
     [๕๓๔] ติตฺถิเย นีหริตฺวานาติ ธมฺมราชภาเวน ปฏิปกฺขภูเต
สกลติตฺถิเย นีหริตฺวา นิสฺเสเสน หริตฺวา นิพฺพิเสวนํ กตฺวา สเสนกํ
มารญฺจาปิ เสนาย สห วสวตฺติมารมฺปิ นีหริตฺวา. ตมนฺธการํ วิธมิตฺวาติ
ตมสงฺขาตํ โมหนฺธการํ วิธมิตฺวา วิทฺธํเสตฺวา. ธมฺมนครํ สตฺตตึสโพธิปกฺขิย-
ธมฺมสงฺขาตํ, ขนฺธายตนธาตุปฏิจฺจสมุปฺปาทพลโพชฺฌงฺคคมฺภีรนยสมนฺตปฏฺาน-
ธมฺมสงฺขาตํ วา นครํ อมาปยิ นิมฺมินิ ปติฏฺาเปสีติ อตฺโถ.
     [๕๓๕] สีลํ ปาการิกํ ๑- ตตฺถาติ ตสฺมึ ปติฏฺาปิเต ธมฺมนคเร
จตุปาริสุทฺธิสีลํ ปาการํ. าณํ เต ทฺวารโกฏฺกนฺติ เต ตุยฺหํ สพฺพญฺุตญฺาณ-
อาสยานุสยาณอนาคตํสาณอตีตํสาณาทิกเมว าณํ ทฺวารโกฏฺกนฺติ
อตฺโถ. สทฺธา เต เอสิกา วีราติ ภนฺเต อสิถิลปรกฺกม เต ตุยฺหํ ทีปงฺกปาทมูลโต
ปภุติ สพฺพญฺุตญฺาณการณา สทฺทหนสทฺธา อุสฺสาปิตอลงฺการอลงฺกตถมฺโภติ
อตฺโถ. ทฺวารปาโล จ สํวโรติ เต ตุยฺหํ ฉทฺวาริกสํวโร รกฺขาวรณคุตฺติ
ทฺวารปาโล ทฺวารรกฺขโกติ อตฺโถ.
     [๕๓๖] สติปฏฺานมฏฺฏาลนฺติ เต ตุยฺหํ จตุสติปฏฺานอฏฺฏาลมุณฺฑจฺฉทนํ ๒-
ปญฺา เต จจฺจรํ มุเนติ ภนฺเต มุเน าณวนฺต เต ตุยฺหํ
ปาฏิหาริยาทิอเนกวิธา ปญฺ๓- จจฺจรํ มคฺคสโมธานํ นครวีถีติ อตฺโถ.
อิทฺธิปาทญฺจ สิงฺฆาฏนฺติ ตุยฺหํ ฉนฺทวีริยจิตฺตวีมํสสงฺขาตา จตฺตาโร อิทฺธิปาทา
สิงฺฆาฏํ จตุมคฺคสนฺธิ. ธมฺมวีถิ สุมาปิตนฺติ ๔- สตฺตตึสโพธิปกฺขิยธมฺมสงฺขาตาย
วีถิยา สุฏฺุ มาปิตํ สชฺชิตํ, ตํ ธมฺมนครนฺติ อตฺโถ.
     [๕๓๗] สุตฺตนฺตํ อภิธมฺมญฺจาติ ตว ตุยฺหํ เอตฺถ ธมฺมนคเร
สุตฺตนฺตํ อภิธมฺมํ วินยญฺจ เกวลํ สกลํ สุตฺตเคยฺยาทิกํ นวงฺคํ พุทฺธวจนํ
ธมฺมสภา ธมฺมาธิกรณสาลาติ อตฺโถ.
@เชิงอรรถ:  ฉ.ม. ปาการกํ.   สี., อิ....มณฺฑลจฺฉทนํ.   สี. าณํ.   ปาฬิ. สุมาปิตา.



เนื้อความอรรถกถาฉบับภาษาบาลี อักษรไทย เล่มที่ ๔๙ หน้าที่ ๓๔๕. http://84000.org/tipitaka/read/attha_page.php?book=49&page=345&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=49&A=8621&pagebreak=1 http://84000.org/tipitaka/atthapali/th_line.php?B=49&A=8621&pagebreak=1#p345


จบการแสดงผล หน้าที่ ๓๔๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]