ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๕๐ ภาษาบาลี อักษรไทย อป.อ.๒ (วิสุทฺธ.๒)

หน้าที่ ๒๓๒.

                           ๒๖. โถมกวคฺค
     ฉพฺพีสติเม วคฺเค ปฐมาปทานํ อุตฺตานเมว.
                ๒๕๔. ๒. เอกาสนทายกตฺเถราปทานวณฺณนา
     [๕-๖] ทุติยาปทาเน วิชหิตฺวา เทววณฺณนฺติ เทวตา สรีรํ วิชหิตฺวา
ฉฑฺเฑตฺวา, มนุสฺสสรีรํ นิมฺมินิตฺวาติ อตฺโถ. อธิการํ กตฺตุกาโมติ อธิกกิริยํ
ปุญฺญสมฺภารํ กตฺตุกาโม เทวโร นาม อหํ เทวราชา ภริยาย สห พุทฺธเสฏฺฐสฺส
สาสเน สาทรตาย อิธ อิมสฺมึ มนุสฺสโลเก อาคมึ อาคโตติ อตฺโถ. ตสฺส
ภิกฺขา มยา ทินฺนาติ ปทุมุตฺตรสฺส ภควโต โย นาเมน เทวโล นาม สาวโก
อโหสิ, ตสฺส สาวกสฺส มยา วิปฺปสนฺเนน เจตสา ภิกฺขา ทินฺนา ปิณฺฑปาโต
ทินฺโนติ อตฺโถ.
                  ๒๕๕. ๓. จิตกปูชกตฺเถราปทานวณฺณนา
     [๙-๑๐] ตติยาปทาเน อานนฺโท นาม สมฺพุทฺโธติ อานนฺทํ ตุฏฺฐึ
ชนนโต อานนฺโท นาม ปจฺเจกพุทฺโธติ อตฺโถ. อมนุสฺสมฺหิ กานเนติ อมนุสฺส-
ปริคฺคเห กานเน มหาอรญฺเญ ปรินิพฺพายิ อนุปาทิเสสนิพฺพานธาตุยา
อนฺตรธายิ, อทสฺสนํ อคมาสีติ อตฺโถ. สรีรํ ตตฺถ ฌาเปสินฺติ อหํ เทวโลกา
อิธาคนฺตฺวา ตสฺส ภควโต สรีรํ ตตฺถ อรญฺเญ ฌาเปสึ ทหนํ อกาสินฺติ อตฺโถ.
     จตุตฺถปญฺจมาปทานานิ อุตฺตานาเนว.
                 ๒๕๘. ๖. อุปาหนทายกตฺเถราปทานวณฺณนา
     [๒๐] ฉฏฺฐาปทาเน อโหสึ จนฺทโน นามาติ นาเมน ปณฺณตฺติวเสน
จนฺทโน นาม. สมฺพุทฺธสฺสตฺรโชติ ปจฺเจกสมฺพุทฺธภูตโต ปุพฺเพ ตสฺส อตฺรโช



เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๒๓๒. http://84000.org/tipitaka/read/attha_page.php?book=50&page=232&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=50&A=4958&modeTY=2&pagebreak=1 http://84000.org/tipitaka/atthapali/th_line.php?B=50&A=4958&modeTY=2&pagebreak=1#p232


จบการแสดงผล หน้าที่ ๒๓๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]