อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๒๓๙.

าตกสฺส สิขิสฺส ภควโต ปรินิพฺพุตสฺส จิตกํ อาฬาหนจิตกํ ทารุราสึ ชลนฺตํ
อาทิตฺตํ ทิสฺวา ตญฺจ มยา ราสีกตํ ปุปฺผํ โอกิรึ ปูเชสินฺติ อตฺโถ.
                  ๒๙๔. ๒. ปุปฺผธารกตฺเถราปทานวณฺณนา
     [๖-๗] ทุติยาปทาเน อชินุตฺตรวาสโนติ อชินมิคจมฺมํ อุตฺตราสงฺคํ กตฺวา
นิวาสิโน อจฺฉาทโนติ อตฺโถ. อภิญฺา ปญฺจ นิพฺพตฺตาติ อิทฺธิวิธาทโย ปญฺจ
อภิญฺาโย ปญฺจ าณานิ นิพฺพตฺตา อุปฺปาทิตา นิปฺผาทิตา. จนฺทสฺส ปริมชฺชโกติ
จนฺทมณฺฑลสฺส สมนฺตโต มชฺชโก, ผุฏฺโ อโหสินฺติ อตฺโถ. วิปสฺสึ
โลกปชฺโชตนฺติ สกลโลกตฺตเย ปทีปสทิสํ วิปสฺสึ ภควนฺตํ มม สนฺติกํ อภิคตํ วิเสเสน
สมฺปตฺตํ อาคตํ. ทิสฺวา ปาริจฺฉตฺตกปุปฺผานีติ เทวโลกโต ปาริจฺฉตฺตกปุปฺผานิ
อาหริตฺวา วิปสฺสิสฺส สตฺถุโน มตฺถเก ฉตฺตากาเรน อหํ ธาเรสินฺติ. อตฺโถ.
                  ๒๙๕. ๓. ฉตฺตทายกตฺเถราปทานวณฺณนา
     [๑๑-๑๓] ตติยาปทาเน ปุตฺโต มม ปพฺพชิโตติ มยฺหํ ปุตฺโต สทฺธาย
ปพฺพชิโต. กาสายวสโน ตทาติ ตสฺมึ ปพฺพชิตกาเล กาสายนิวตฺโถ, น
พาหิรกปพฺพชฺชาย ปพฺพชิโตติ อตฺโถ. โส จ พุทฺธตฺตํ สมฺปตฺโตติ โส มยฺหํ
ปุตฺโต จตูสุ พุทฺเธสุ สาวกพุทฺธภาวํ สํ สุฏฺุ ปตฺโต, อรหตฺตํ ปตฺโตติ อตฺโถ.
นิพฺพุโต โลกปูชิโตติ สกลโลเกหิ กตสกฺกาโร ขนฺธปรินิพฺพาเนน ปรินิพฺพุโตติ
อตฺโถ. วิจินนฺโต สกํ ปุตฺตนฺติ อหํ ตสฺส คตเทสํ ปุจฺฉิตฺวา สกํ ปุตฺตํ วิจินนฺโต
ปจฺฉโต อคมํ, อนุคโต อสฺมีติ อตฺโถ. นิพฺพุตสฺส มหนฺตสฺสาติ มหนฺเตหิ
สีลกฺขนฺธาทีหิ ยุตฺตตฺตา มหนฺตสฺส ตสฺส มม ปุตฺตสฺส อรหโต อาทหนฏฺาเน
จิตกํ จิตกฏฺานํ อหํ อคมาสินฺติ อตฺโถ. ปคฺคยฺห อญฺชลึ ตตฺถาติ ตสฺมึ
อาทหนฏฺาเน อญฺชลึ ทสงฺคุลิสโมธานํ ปคฺคเหตฺวา สิรสิ กตวา อหํ จิตกํ


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๒๓๙.
http://84000.org/tipitaka/read/attha_page.php?book=50&page=239&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=5103&pagebreak=1
http://84000.org/tipitaka/atthapali/th_line.php?B=50&A=5103&pagebreak=1#p239