ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๕๔ ภาษาบาลี อักษรไทย วิภงฺค.อ. (สมฺโมห.)

หน้าที่ ๕๒๓.

ปุคฺคลสฺส วจเน กิญฺจิเทว สจฺจํ โหติ, เสสํ อลิกํ, อยํ ปุคฺคโล มุคฺคสูโปฺยติ
วุจฺจติ, ตสฺส ภาโว มุคฺคสูปฺยตา. ปาริภฏฺยตาติ ปาริภฏฺยภาโว. โย หิ กุลทารเก
ธาตี วิย องฺเกน วา ขนฺเธน วา ปริภฏติ, ธาเรตีติ อตฺโถ, ตสฺส ปริภฏสฺส
กมฺมํ ปาริภฏฺยํ, ปาริภฏฺยสฺส ภาโว ปาริภฏฺยตาติ.
     [๘๖๓] เนมิตฺติกตานิทฺเทเส นิมิตฺตนฺติ ยงฺกิญฺจิ ปเรสํ ปจฺจยทานสญฺโชนกํ
กายวจีกมฺมํ. นิมิตฺตกมฺมนฺติ นิมิตฺตสฺส กรณโกสลฺลํ.
     ตตฺริทํ วตฺถุ:- เอโก กิร ปิณฺฑปาติโก อุปฏฺากกมฺมารสฺส เคหทฺวารํ
คนฺตฺวา "กึ ภนฺเต"ติ ปุจฺฉิโต จีวรนฺตเรน หตฺถํ นีหริตฺวา วาสิปหรณาการํ
อกาสิ. กมฺมาโร "สลฺลกฺขิตํ เม ภนฺเต"ติ วาสึ กตฺวา อทาสิ. โอภาโสติ
ปจฺจยปฏิสํยุตฺตา กถา. โอภาสกมฺมนฺติ วจฺฉกปาลเก ทิสฺวา "กึ อิเม วจฺฉา
ขีรโควจฺฉา ตกฺกโควจฺฉา"ติ ปุจฺฉิตฺวา "ขีรโควจฺฉา ภนฺเต"ติ วุตฺเต "น
ขีรโควจฺฉา, ยทิ ขีรโควจฺฉา สิยุํ, ภิกฺขูปิ ขีรํ ลเภยฺยุนฺ"ติ เอวมาทินา นเยน
เตสํ ทารกานํ มาตาปิตูนํ นิเวเทตฺวา ขีรทาปนาทิกํ โอภาสกรณํ. สามนฺตชปฺปาติ
สมีปํ กตฺวา ชปฺปนํ.
     ชาตกภาณกวตฺถุ เจตฺถ กเถตพฺพํ:- เอโก กิร ชาตกภาณกตฺเถโร
ภุญฺชิตุกาโม อุปฏฺายิกาย เคหํ ปวิสิตฺวา นิสีทิ. สา อทาตุกามา "ตณฺฑุลา
นตฺถี"ติ ภณนฺตี ตณฺฑุเล อาหริตุกามา วิย ปฏิวิสฺสกฆรํ คตา. ภิกฺขุ อนฺโตคพฺภํ
ปวิสิตฺวา โอโลเกนฺโต กวาฏโกเณ อุจฺฉุํ, ภาชเน คุฬํ, ปิฏเก โลณมจฺฉผาเล, ๑-
กุมฺภิยํ ตณฺฑุเล, ฆเฏ ฆตํ ทิสฺวา นิกฺขมิตฺวา นิสีทิ. ฆรณี "ตณฺฑุลํ
นาลตฺถนฺ"ติ อาคตา. เถโร "อุปาสิเก อชฺช ภิกฺขา น สมฺปชฺชิสฺสตีติ ปฏิกจฺเจว
นิมิตฺตํ อทฺทสนฺ"ติ อาห. กึ ภนฺเตติ. กวาฏโกเณ นิกฺขิตฺตอุจฺฉุํ วิย สปฺปํ
อทฺทสํ, ตํ ปหริสฺสามีติ โอโลเกนฺโต ภาชเน ปิตคุฬปิณฺฑเก วิย ๒- ปาสาณํ,
@เชิงอรรถ:  ฉ.ม. โลณมจฺฉผาลํ          ฉ.ม. ปิตํ คุฬปิณฺฑํ วิย



เนื้อความอรรถกถาฉบับภาษาบาลี อักษรไทย เล่มที่ ๕๔ หน้าที่ ๕๒๓. http://84000.org/tipitaka/read/attha_page.php?book=54&page=523&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=54&A=12309&pagebreak=1 http://84000.org/tipitaka/atthapali/th_line.php?B=54&A=12309&pagebreak=1#p523


จบการแสดงผล หน้าที่ ๕๒๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]