ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๕๔ ภาษาบาลี อักษรไทย วิภงฺค.อ. (สมฺโมห.)

หน้าที่ ๕๓๗.

โส หิ เสยฺยาทิวเสน วิทหนโต วิธาติ วุจฺจติ, ปนฏฺเน วา วิธา. ตสฺมา
"เสยฺโย อหนฺ"ติ ๑- เอวมุปฺปนฺนา มานวิธา มานปนา เสยฺโยหมสฺมีติ วิธาติ
เวทิตพฺพา. เสสปททฺวเยสุปิ เอเสว นโย.
     [๙๒๑] ภยนิทฺเทเส ชาตึ ปฏิจฺจ ภยนฺติ ชาติปจฺจยา อุปฺปนฺนภยํ.
ภยานกนฺติ อาการนิทฺเทโส. ฉมฺภิตตฺตนฺติ ภยวเสน คตฺตจลนํ. โลมหํโสติ
โลมานํ หํสนํ อุทฺธคฺคภาโว. อิมินา ปททฺวเยน กิจฺจโต ภยํ ทสฺเสตฺวา ปุน
เจตโส อุตฺราโสติ สภาวโต ทสฺสิตํ.
    [๙๒๒] ตมนิทฺเทเส วิจิกิจฺฉาสีเสน อวิชฺชา กถิตา. "ตมนฺธกาโร
สมฺโมโห, อวิชฺโชโฆ มหพฺภโย"ติ วจนโต หิ อวิชฺชา ตโม นาม. ติณฺณํ ปน
อทฺธานํ วเสน เทสนาสุขตาย วิจิกิจฺฉาสีเสน เทสนา กตา. ตตฺถ "กินฺนุ โข
อหํ อตีเต ขตฺติโย อโหสึ, อุทาหุ พฺราหมฺโณ, เวสฺโส, สุทฺโท, กาโฬ,
โอทาโต, รสฺโส, ทีโฆ"ติ กงฺขนฺโต อตีตํ อทฺธานํ อารพฺภ กงฺขติ นาม.
"กินฺนุ โข อหํ อนาคเต ขตฺติโย ภวิสฺสามิ, อุทาหุ พฺราหมฺโณ, เวสฺโส
ฯเปฯ ทีโฆ"ติ กงฺขนฺโต อนาคตํ อทฺธานํ อารพฺภ กงฺขติ นาม. "กินฺนุ โข
อหํ เอตรหิ ขตฺติโย, อุทาหุ พฺราหฺมโณ, เวสฺโส, สุทฺโท, กึ วา อหํ รูปํ,
อุทาหุ เวทนา, สญฺา, สงฺขารา, วิญฺาณนฺ"ติ กงฺขนฺโต ปจฺจุปฺปนฺนํ อทฺธานํ
อารพฺภ กงฺขติ นาม.
     ตตฺถ กิญฺจาปิ ขตฺติโย วา อตฺตโน ขตฺติยภาวํ ฯเปฯ สุทฺโท วา
สุทฺทภาวํ อชานนโก นาม นตฺถิ, ชีวลทฺธิโก ปน สพฺโพ ๒- ขตฺติยชีวาทีนํ
วณฺณาทิเภทํ สุตฺวา "กีทิโส นุ โข อมฺหากํ อพฺภนฺตเร ชีโว, กินฺนุ โข
นีลโก, อุทาหุ ปีตโก, โลหิตโก, โอทาโต, จตุรํโส, ฉฬํโส, อฏฺโส"ติ กงฺขนฺโต
เอวํ กงฺขติ นาม.
@เชิงอรรถ:  ฉ.ม. เสยฺโยหมสฺมีติ          ฉ.ม. สตฺโต



เนื้อความอรรถกถาฉบับภาษาบาลี อักษรไทย เล่มที่ ๕๔ หน้าที่ ๕๓๗. http://84000.org/tipitaka/read/attha_page.php?book=54&page=537&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=54&A=12624&pagebreak=1 http://84000.org/tipitaka/atthapali/th_line.php?B=54&A=12624&pagebreak=1#p537


จบการแสดงผล หน้าที่ ๕๓๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]