อรรถกถาเล่มที่ ๕๕ หน้าที่ ๑๓๙.

ปุจฺฉา สกวาทิสฺส, อตฺถิ ปุคฺคโลติ วจนมตฺตํ คเหตฺวา ปฏิญฺา ปรวาทิสฺส. ยทิ เต รูปํ วิย ปรมตฺถโต ปุคฺคโล อตฺถิ, รูปโต เวทนาทีนํ วิย ปุคฺคลสฺสาปิ อญฺถตฺตํ ^๑- อาปชฺชตีติ อนุโยโค สกวาทิสฺส, สมยสุตฺตวิโรธํ ทิสฺวา ปฏิกฺเขโป ปรวาทิสฺส. เสสํ อตฺถโต ปากฏเมว. ธมฺมโต ปเนตฺถ สตฺตปญฺาสเภทสฺส สจฺฉิกฏฺปรมตฺถสฺส วเสน สกวาทีปกฺขมูลเก อนุโลมปญฺจเก ^๒- สตฺตปญฺาส อนุโลมปญฺจกานิ ทสฺสิตานิ. ปฏิกมฺมจตุกฺกาทีนิ สงฺขิตฺตานิ. ปุน ^๓- ปรวาทีปกฺข- มูลเกปิ ปจฺจนีกานุโลเม สตฺตปญฺาส ปฏิโลมปญฺจกานิ ทสฺสิตานิ. ปฏิกมฺม- จตุกฺกาทีนิ สงฺขิตฺตานิ. ตตฺถ "วุตฺตํ ภควตา"ติ วจนมตฺเตน ปุคฺคลสฺส อตฺถิตํ รูปสฺส จ สจฺฉิกฏฺปรมตฺถวเสน อุปลพฺภนียตํ ทสฺเสตฺวา อุภินฺนํ อญฺถตฺตํ ปฏิชานาปนตฺถํ วุตฺตํ ภควตาติ อนุโยโค ปรวาทิสฺส, สมฺมติปรมตฺถานํ เอกตฺตนานตฺตปญฺหสฺส ปนียตฺตา ปฏิกฺเขโป สกวาทิสฺส. เสสมิธาปิ อตฺถโต ปากฏเมวาติ. สุทฺธิกสํสนฺทนวณฺณนา นิฏฺิตา. ---------- ๖. โอปมฺมสํสนฺทนวณฺณนา [๒๘-๓๖] อิทานิ รูปาทีเหว สทฺธึ โอปมฺมวเสน สจฺฉิกฏฺสํสนฺทนํ โหติ. ตตฺถ รูปเวทนานํ อุปลทฺธิสามญฺเน อญฺตฺตปุจฺฉา จ ปุคฺคลรูปานํ อุปลทฺธิสามญฺปุจฺฉา จาติ ปุจฺฉาทฺวยมฺปิ สกวาทิสฺส, อุโภปิ ปฏิญฺา ปรวาทิสฺส. ปรวาทินา อนุญฺาเตน อุปลทฺธิสามญฺเน รูปเวทนานํ วิย รูปปุคฺคลานํ อญฺตฺตานุโยโค สกวาทิสฺส, ปฏิกฺเขโป อิตรสฺส. เสสมิธาปิ อตฺถโต ปากฏเมว. ธมฺมโต ปเนตฺถ รูปมูลกาทีนํ จกฺกานญฺจ วเสน สกวาทีปกฺเข วีสาธิกานิ นว นิคฺคหปญฺจกสตานิ ทสฺสิตานิ. กถํ? ขนฺเธสุ ตาว รูปมูลเก จกฺเก จตฺตาริ, @เชิงอรรถ: ^๑ ฉ.ม. อญฺตฺตํ. เอวมุปริปิ ^๒ ฉ.ม. อนุโลมปจฺจนีเก @^๓ ฉ.ม. อยํ สทฺโท น ทิสฺสติ

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๑๓๙. http://84000.org/tipitaka/read/attha_page.php?book=55&page=139&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=3102&pagebreak=1 http://84000.org/tipitaka/atthapali/th_line.php?B=55&A=3102&pagebreak=1#p139