อรรถกถาเล่มที่ ๕๕ หน้าที่ ๑๔๒.

๘. ลกฺขณยุตฺติวณฺณนา [๕๓] อิทานิ ลกฺขณยุตฺติ นาม โหติ. ตตฺถ ยสฺมา เปตฺวา นิพฺพานํ เสโส สจฺฉิกฏฺปรมตฺโถ ปจฺจยปฏิพทฺธตาย สปฺปจฺจโย, ปจฺจเยหิ สมาคมฺม กตตฺตา สงฺขโต, อุปฺปชฺชิตฺวา นิรุชฺฌนโต สทา อภาวโต อสสฺสโต, อุปฺปตฺติการณ- สงฺขาตสฺส นิมิตฺตสฺส อตฺถิตาย สนิมิตฺโต, นิพฺพานํ วุตฺตปฺปการาภาวโต อปฺปจฺจยํ อสงฺขตํ สสฺสตํ อนิมิตฺตนฺติ อิทํ สจฺฉิกฏฺสฺส ลกฺขณํ, ตสฺมา ยทิ ปุคฺคโลปิ สจฺฉิกฏฺปรมตฺโถว, ตสฺสาปิ อิมินา ลกฺขเณน ภวิตพฺพนฺติ สนฺธาย ปุคฺคโล สปฺปจฺจโยติอาทโย อฏฺปิ อนุโยคา สกวาทิสฺส, ปฏิกฺเขโป ปรวาทิสฺส. อาชานาหิ นิคฺคหนฺติอาทิ ปเนตฺถ สงฺขิตฺตํ. เอวเมตานิ สกวาทีปกฺเข อนุโลมปจฺจนีเก อนุโลมมตฺตวเสน อฏฺ ปญฺจกานิ เวทิตพฺพานิ. [๕๔] ปรวาทีปกฺเขปิ ปจฺจนีกานุโลเม ปจฺจนีกมตฺตวเสเนว ^๑- อฏฺเว. ตตฺถ ยสฺมา ปรวาทินา สุตฺตวเสน สมฺมติสจฺจํ สาธิตํ, สมฺมติยา จ สปฺปจฺจยาทิ- ภาโว นตฺถิ, ตสฺมา ยถาสมฺภวโต ^๒- จ ปฏิกฺเขโป สกวาทิสฺส. ฉลวเสน ปน วตฺตพฺพํ "อาชานาหิ ปฏิกมฺมนฺ"ติอาทิ สพฺพํ อิธาปิ สงฺขิตฺตเมว. ลกฺขณยุตฺติกถาวณฺณนา นิฏฺิตา. ----------- ๙. วจนโสธนวณฺณนา [๕๕-๕๙] อิทานิ วจนโสธนํ โหติ. ตตฺถ ยเทตํ ปุคฺคโล อุปลพฺภตีติ วจนํ, ตํ โสเธตุํ ปุคฺคโล อุปลพฺภติ, อุปลพฺภติ ปุคฺคโลติ ปุจฺฉา สกวาทิสฺส. ตสฺสตฺโถ:- ยเทตํ ปุคฺคโล อุปลพฺภตีติ ปททฺวยํ, ตํ เอกตฺถํ วา ภเวยฺย นานตฺถํ วา. ยทิ ตาว นานตฺถํ, ยถา อญฺ รูปํ อญฺา เวทนา, เอวํ @เชิงอรรถ: ^๑ ฉ. ปจฺจนีกมตฺตวเสน, ม. ปจฺจนีกวเสน ^๒ ฉ.ม. ยาถาวโต

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๑๔๒. http://84000.org/tipitaka/read/attha_page.php?book=55&page=142&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=3170&pagebreak=1 http://84000.org/tipitaka/atthapali/th_line.php?B=55&A=3170&pagebreak=1#p142