อรรถกถาเล่มที่ ๕๕ หน้าที่ ๑๙๙.

สาริปุตฺโตติอาทิมาห. อิมญฺหิ คาถํ เถโร วลญฺชนปณิธิยาเอว อภาเวน อาห, น อภิญฺญาญาณานํ ^๑- อภาเวน. ปรวาที ปน อภาเวเนวาติ อตฺถํ สลฺลกฺเขติ. ตสฺมา ตสฺส ลทฺธิยา เถรสฺส ยถากมฺมูปคตญาณเมว อตฺถิ, โน ทิพฺพจกฺขุ. เตน วุตฺตํ "เตน หิ น วตฺตพฺพํ ยถากมฺมูปคตญาณํ ทิพฺพจกฺขู"ติ. ยถากมฺมูปคตญาณกถาวณฺณนา นิฏฺฐิตา. ---------- ๑๐. สํวรกถาวณฺณนา [๓๗๙] อิทานิ สํวรกถา นาม โหติ. ตตฺถ เยสํ ตาวตึเส เทเว อุปาทาย ตทุตฺตริ ^๒- เทเวสุ ยสฺมา เต ปญฺจ เวรานิ น สมาจรนฺติ, ตสฺมา สํวโร อตฺถีติ ลทฺธิ, เต สนฺธาย ปุจฺฉา สกวาทิสฺส, เวรสมุทาจารํ อปสฺสโต ปฏิญฺญา อิตรสฺส. ตโต ยสฺมา สํวโร นาม สํวริตพฺเพ อสํวเร สติ โหติ, ตสฺมา อสํวรปุจฺฉา สกวาทิสฺส, เทเวสุ ปาณาติปาตาทีนํ อภาเวน ปน ^๓- ปฏิกฺเขโป อิตรสฺส. อตฺถิ มนุสฺเสสูติอาทิ สํวเร สติ อสํวรสฺส อสํวเร จ สติสํวรสฺส ปวตฺติทสฺสนตฺถํ วุตฺตํ. [๓๘๐] ปาณาติปาตา เวรมณีติอาทิปเญฺหสุ ปาณาติปาตาทีนํ อสมาจรณวเสน ปฏิญฺญา, ปาณาติปาตาทีนํ นตฺถิตาย ปฏิกฺเขโป เวทิตพฺโพ. ปฏิโลมปญฺหา อุตฺตานตฺถาเยว. อวสาเน นตฺถิ เทเวสุ สํวโรติ ปเญฺห ปาณาติปาตาทีนิ กตฺวา ปุน ตโต สํวราภาวํ สนฺธาย ปฏิญฺญา สกวาทิสฺส. ตโต ฉลวเสน ยทิ สํวโร นตฺถิ, สพฺเพ เทวา ปาณาติปาติโนติอาทิปุจฺฉา ปรวาทิสฺส. เทวานํ เวรสมุทาจารสฺส อภาเวน @เชิงอรรถ: ^๑ ฉ.ม. อภิญฺญาญาณสฺส ^๒ ฉ.ม. ตตุตฺตริ ^๓ ฉ.ม. อยํ สทฺโท น ทิสฺสติ

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๑๙๙. http://84000.org/tipitaka/read/attha_page.php?book=55&page=199&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=4466&modeTY=2&pagebreak=1 http://84000.org/tipitaka/atthapali/th_line.php?B=55&A=4466&modeTY=2&pagebreak=1#p199