อรรถกถาเล่มที่ ๕๕ หน้าที่ ๒๑๓.

๗. จิตฺตารมฺมณกถาวณฺณนา [๔๓๖-๔๓๘] อิทานิ จิตฺตารมฺมณกถา นาม โหติ. ตตฺถ เจโตปริยาเย าณนฺติ วจนมตฺตเมว คเหตฺวา "ตํ าณํ จิตฺตารมฺมณเมวา"ติ เยสํ ลทฺธิ เสยฺยถาปิ เอตรหิ อนฺธกานํ, เต สนฺธาย ปุจฺฉา สกวาทิสฺส, ปฏิญฺา อิตรสฺส. อถสฺส "โย สราคาทิวเสน จิตฺตํ ชานาติ, ตสฺส ราคาทโยปิ อารมฺมณา โหนฺติ, ตสฺมา น วตฺตพฺพํ ตํ จิตฺตารมฺมณญฺเวา"ติ โจทนตฺถํ นนุ อตฺถิ โกจีติอาทิ อารทฺธํ. ผสฺสารมฺมเณติ ผสฺสสงฺขาเต อารมฺมเณ. เวทนารมฺมเณติอาทีสุปิ เอเสว นโย. ปุน ผสฺสารมฺมเณ าณํ น วตฺตพฺพนฺติ ปุฏฺโ ผสฺสสฺส ผุสนลกฺขณํ มนสิกโรโต ผสฺสารมฺมณํ ^๑- โหตีติ ปฏิชานาติ. กิมฺปเนตํ ผสฺสปริยาเย าณนฺติ ปุฏฺโ ปน ตาทิสสฺส สุตฺตปทสฺส อภาวา ปฏิกฺขิปติ. เวทนาทีสุปิ เอเสว นโย. อิทานิ ยํ นิสฺสาย ลทฺธิ, ตเทว ทสฺเสตฺวา ลทฺธึ ปติฏฺาเปตุํ นนุ เจโตปริยาเย าณนฺติอาทิมาห. สา ปเนสา วจนมตฺตาภินิเวเสน ปติฏฺาปิตาปิ อปฺปติฏฺาปิตาว โหตีติ. จิตฺตารมฺมณกถาวณฺณนา นิฏฺิตา. -------------- ๘. อนาคตาณกถาวณฺณนา [๔๓๙-๔๔๐] อิทานิ อนาคตาณกถา นาม โหติ. ตตฺถ อนาคตํ นาม อนฺตรมฺปิ อตฺถิ อนนฺตรมฺปิ. เตสุ อนนฺตเร เอกนฺเตเนว าณํ นตฺถิ. ยถา จ อนนฺตเร, ตถา เอกวีถิเอกชวนปริยาปนฺเนปิ. ตตฺถ เย สพฺพสฺมิมฺปิ อนาคตาณํ อิจฺฉนฺติ เสยฺยถาปิ อนฺธกานํ, ^๒- เต สนฺธาย ปุจฺฉา สกวาทิสฺส, ปฏิญฺา อิตรสฺส. อถ นํ "ยนฺเต อนาคเต าณํ, กินฺเตน อนนฺตรานาคตํ มูลาทิวเสน ชานาตี"ติ โจเทตุํ อนาคตํ มูลโตติอาทิมาห. ตตฺถ มูลโตติอาทีนิ สพฺพานิ การณเววจนาเนว. @เชิงอรรถ: ^๑ ฉ.ม. ผสฺโสวารมฺมณํ ^๒ ฉ. อนฺธกา

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๑๓. http://84000.org/tipitaka/read/attha_page.php?book=55&page=213&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=4783&pagebreak=1 http://84000.org/tipitaka/atthapali/th_line.php?B=55&A=4783&pagebreak=1#p213